ខេត្តព្រះសីហនុ៖ បុរសម្នាក់ ជាមនុស្សគថ្លង់ ត្រវបានរថភ្លើង បុកពីក្រោយ បណ្ដាលឲ្យរងរបួសធ្ងន់ ក្នុងខណៈពេល ដែលបុរសរួបនោះ បានដើរលើផ្លូវរថភ្លើង ក្នុងទិសដៅស្របពីខេត្តព្រះសីហនុ…
ខេត្តព្រះសីហនុ៖ បុរសម្នាក់ ជាមនុស្សគថ្លង់ ត្រវបានរថភ្លើង បុកពីក្រោយ បណ្ដាលឲ្យរងរបួសធ្ងន់ ក្នុងខណៈពេល ដែលបុរសរួបនោះ បានដើរលើផ្លូវរថភ្លើង ក្នុងទិសដៅស្របពីខេត្តព្រះសីហនុ ទៅភ្នំពេញ។
ហេតុការណ៍នេះ បានកើតឡើងនៅថ្ងៃទី២២ ខែកក្កដា ឆ្នាំ២០២១ វេលាម៉ោង ៨ និង៣០នាទីព្រឹក នៅចំណុចក្បែររ៉ារថភ្លើងវាលរេញ ស្ថិតក្នុងភូមិសំរុងក្រោម ឃុំសំរុង ស្រុកព្រៃនប់ ខេត្តព្រះសីហនុ។
ប្រភពពីសមត្ថកិច្ចស្រុក អោយដឹងថា បុរសរងគ្រោះ ឈ្មោះ ឡុក គ (ជាមនុស្ស គ ថ្លង់) អាយុ ៣០ឆ្នាំ មានទីលំនៅភូមិបឹងវែង (ជាភូមិជាប់នឹងកន្លែងកើតហេតុ) ឃុំវាលរេញ ស្រុកព្រៃនប់ ខេត្តព្រះសីហនុ។
ប្រភពដដែល បានបន្តថា ដោយសារតែផ្ទះជនរងគ្រោះ នៅក្បែរផ្លូវរថភ្លើង ជនរងគ្រោះ តែងតែដើរលេងលើផ្លូវជាធម្មតា ហើយដោយសារគាត់គ ថ្លង់ មិនឮសំឡេងរថភ្លើង ទើបគាត់បានគេចចេញ (គាត់មិនមែនឆ្លងកាត់ទេ គឺដើរតាមបណ្តោយផ្លូវស្របទិសគ្នា) ទើបបណ្តាលអោយរថភ្លើង បើកគៀរ រហូតរងរបួសធ្ងន់ ហើយត្រូវបានបញ្ជូនទៅព្យាបាលនៅគ្លីនិក វាលរេញភ្លាមៗ។ ចំណែករថភ្លើង បានបន្តដំណើរទៅមុខបាត់ជាធម្មតា។
សូមបញ្ជាក់ថា តាមបណ្តោយផ្លូវដែក ចាប់ពីរ៉ាធំ នៅក្នុងទីរួមខេត្ត មកដល់ត្រពាំងរពៅ ព្រំប្រទល់ខេត្ត មានចម្ងាយចូលជិតរយគីឡូម៉ែត្រ ក្នុងនោះ មានផ្លូវក្រាលកៅស៊ូឆ្លងកាត់ ចំនួន ៣កន្លែង។ ១ពីស្ទឹងហាវ ទៅទីរួមខេត្តព្រះសីហនុ ២ឆ្លងកាត់ផ្លូវជាតិលេខ៤ ចំណុចជិតប្រជុំផ្សារវាលរេញ និង៣ឆ្លងកាត់ផ្លូវជាតិលេខ៣(វាលរេញ-កំពត) ចំណុចកំពង់ចិន និងមានផ្លូវដីឆ្លងកាត់ជាច្រើនកន្លែងទៀត។
កន្លងមក តែងតែកើតមានឧប្បត្តិវហតុបន្តបន្ទាប់ដែរ ដោយក្នុងនោះ មានករណីជាមួយមនុស្សដើរថ្មើជើង ជាមួយរថយន្តឆ្លងកាត់ផ្លូវដីតូចៗ ជាពិសេសរថយន្តដឹកដី តែយ៉ាងណាការបុកបះជាមួយរថន្តឆ្លងកាត់ មិនមានប៉ះពាល់ដល់អាយុជីវិតទេ។ តែសម្រាប់រថយន្ត មានការខូចខាតលក្ខណៈធ្ងន់ធ្ងរ ហើយសម្រាប់រថភ្លើង ក្រោយពីកើតហេតុ បន្តដំណើរទៅមុខរហូត៕ ហ៊ុយ ចាន់ធួន
ចែករំលែកព័តមាននេះ