បុរសម្នាក់ត្រូវឃាត់ខ្លួន ក្រោយទះកូនស្រី២នាក់ឱ្យសន្លប់
- កំពង់ចាម
បុរសជាឪពុកម្នាក់បានប្រើអំពើហិ.ង្សាដោយទះកំផ្លៀងទៅលើកូនស្រីរបស់ខ្លួនចំនួន២នាក់ បណ្ដាលឲ្យសន្លប់។ ហេតុការណ៍នោះបានកើតឡើងកាលពី
បុរសជាឪពុកម្នាក់បានប្រើអំពើហិ.ង្សាដោយទះកំផ្លៀងទៅលើកូនស្រីរបស់ខ្លួនចំនួន២នាក់ បណ្ដាលឲ្យសន្លប់។ ហេតុការណ៍នោះបានកើតឡើងកាលពី
ខេត្តត្បូងឃ្មុំ ៖ បើតាមសេចក្តីរាយការណ៍បានឱ្យដឹងថា បុរសជាឪពុកម្នាក់បានប្រើអំពើហិ.ង្សាដោយទះកំផ្លៀងទៅលើកូនស្រីរបស់ខ្លួនចំនួន២នាក់ បណ្ដាលឲ្យសន្លប់។ ហេតុការណ៍នោះបានកើតឡើងកាលពីវេលាម៉ោង៩និង១៥នាទីយប់ នៅថ្ងៃទី១៩ ខែកក្កដា ឆ្នាំ២០២១ ដែលបង្កឡើងដោយឈ្មោះ ភឿក ខ្លុយ ភេទប្រុស អាយុ៤៧ឆ្នាំ ជាជាតិខ្មែរ មានទីលំនៅភូមិឡ ឃុំកោងកាង ស្រុកពញាក្រែក ខេត្តត្បូងឃ្មុំ ។ ក្រោយពេលកើតហេតុ បុរសរូបនេះក៏ត្រូវបានកម្លាំងនគរបាលមូលដ្ឋានចុះឃាត់ខ្លួនបានទាំងយប់ផងដែរ។
លោកឧត្តមសេនីយ៍ត្រី ចក់ សុខកៅ ស្នងការរងនគរបាលទទួលផែនព្រហ្មទណ្ឌប្រាប់ឲ្យដឹងថា មុនពេលកើតហេតុ នៅផ្ទះឈ្មោះ តាញ់ ខ្លេន ភេទប្រុស អាយុ៣៣ឆ្នាំ (ត្រូវជាប្អូន) រស់នៅភូមិ-ឃុំកើតហេតុខាងលើ មានកម្មវិធីឡើងផ្ទះ ដោយមានការផឹកស៊ីផងដែរ ហើយឈ្មោះ ភឿក ខ្លុយ (ជាឪពុក) បានផឹកស្រាស្រវឹងធ្លាក់ភ្នែកទៀតផង ហើយក៏បានដើរទៅណែនាំកូនឈ្មោះខ្លុយ ចាន់ត្រា ភេទស្រី អាយុ១៨ឆ្នាំនោះថា «កូនកុំផឹកស្រា ខ្លួនយើងជាស្រីទៅផ្ទះទៅ» ហើយពេលនោះកូនស្រីឈ្មោះខ្លុយ ចាន់ត្រា ក៏បាននិយាយតបវិញថា «ប៉ាឯងកុំចេះ ដឹងរឿងរបស់ខ្ញុំ»។
លោកស្នងការរងនគរបាលខេត្តត្បូងឃ្មុំបានបន្តឲ្យដឹងទៀតថា បន្ទាប់ពីឪពុកស្ដីបន្ទោសរួច កូនស្រីក៏បានដើរតម្រង់មកផ្ទះវិញ និងបានអង្គុយលើអង្រឹង ហើយបុរសជាឪពុកក៏បានមកពីក្រោយ និងតាមរករឿង ហើយដោយឃើញកូននិយាយបែបនេះ បុរសជាឪពុកក៏បានទះកំផ្លៀងកូនស្រីមួយដៃ ជាហេតុបណ្ដាលឲ្យសន្លប់តែម្តង។
ប្រភពដដែលបន្តថា បន្ទាប់មកកូនស្រីច្បងឈ្មោះ ខ្លុយ សូរិយា ភេទស្រី អាយុ២១ឆ្នាំ ក៏បានមកឃាត់ រួចនិយាយថា «ប៉ាឯងចេះដឹងអី ប្អូនអង្គុយផឹកស្រាជាមួយខ្ញុំតើ» ក្រោយមកក៏បាននិយាយត.មាត់គ្នាទៅវិញទៅមក រហូតធ្វើបុរសជាឪពុកទះកំផ្លៀងកូនឈ្មោះ ខ្លុយ សូរិយា មួយដៃថែមទៀត បណ្តាលឲ្យ សន្លប់ទាំងពីរនាក់បងប្អូន និងបញ្ជូនទៅសង្គ្រោះនៅមន្ទីរពេទ្យតែម្តង។
ក្រោយពេលទទួលបានព័ត៌មានពីលោកមេភូមិខាងលើភ្លាម កម្លាំប៉ុស្តិ៍នគរបាលរដ្ឋបាលកោងកាង និងក្រោមបញ្ជាលោកឧត្តមសេនីយ៍ត្រី ម៉ុន មាគ៌ា ស្នងការនគរបាលខេត្ត បានចាត់កម្លាំងជំនាញចុះទៅដល់កន្លែងកើតហេតុ រួចនាំខ្លួនឪពុកជាជនបង្កមកសួរនាំនៅប៉ុស្តិ៍នគរបាលរដ្ឋបាលកោងកាង។ ហើយយោងតាមបញ្ជារបស់លោក ហាក់ សៀកលីម ព្រះរាជអាជ្ញារងនៃអយ្យការអមសាលាដំបូងខេត្តត្បូងឃ្មុំ ក៏សម្រេចឲ្យធ្វើការឃាត់ខ្លួនជនសង្ស័យខាងលើ ដើម្បីកសាងសំណុំរឿងតាមនីតិវិធីតែម្តង ។
តែបើតាមនគរបាលមូលដ្ឋានវិញ បានបញ្ជាក់ថា បុរសជាឪពុករូបនេះ តែងតែរករឿងឈ្លោះប្រកែករកាំរកូសជាមួយនឹងប្រពន្ធរយៈពេល៣ទៅ៤ឆ្នាំមកហើយ និងបានលែងលះរហូតដល់សាលាដំបូងខេត្តទៀតផង តែនៅមិនទាន់សម្រេច។ ជាមួយគ្នានោះ ប៉ុស្តិ៍ក៏ធ្លាប់ហៅមកអប់រំចំនួន៣លើករួចមកហើយដែរ។ តែបុរសរូបនេះ នៅតែមិនរាងចាលនោះទេ ហើយចំពោះករណីហិ.ង្សាក្នុងគ្រួសារទាំងប្រពន្ធនិងកូនៗ កម្លាំងនគរបាលក៏បានចាត់ការតាមច្បាប់៕
ចែករំលែកព័តមាននេះ