(ភ្នំពេញ)៖ ខេត្តជាប់ព្រំដែនថៃ បន្តរកឃើញអ្នកឆ្លងមេរោគកូវីដ១៩ថ្មីច្រើន គួរអោយបារម្ភ ខណៈដែលមេរោគនេះ កំពុងធ្វើអោយប្រទេសថៃ ស្ថិតក្នុងស្ថានភាពដ៏ធ្ងន់ធ្ងរ។ ខេត្តកោះកុង បានរាយការណ៍ នៅយប់ថ្ងៃទី១៨…
(ភ្នំពេញ)៖ ខេត្តជាប់ព្រំដែនថៃ បន្តរកឃើញអ្នកឆ្លងមេរោគកូវីដ១៩ថ្មីច្រើន គួរអោយបារម្ភ ខណៈដែលមេរោគនេះ កំពុងធ្វើអោយប្រទេសថៃ ស្ថិតក្នុងស្ថានភាពដ៏ធ្ងន់ធ្ងរ។
ខេត្តកោះកុង បានរាយការណ៍ នៅយប់ថ្ងៃទី១៨ ខែកក្កដានេះថា បានរកឃើញចំនួន ៩៥នាក់ ហើយ ខេត្តបន្ទាយមានជ័យ រកឃើញចំនួន ៨៨នាក់។ ខេត្តឧត្ថរមានជ័យ បានអោយដឹងតាមរយៈហ្វេសប៊ុក កាលពី ២៣ម៉ោងមុនថា បានរកឃើញអ្នកឆ្លងកូវីដ ១៩ថ្មី ចំនួន ១៨៧នាក់។
ក្រសួងសុខាភិបាល បាននិយាយថា កម្ពុជាបានរកឃើញករណីនាំចូលកូវីដ១៩ ចំនួនរហូតដល់ ៣១៥កណី ដោយគេជឿថា ភាគច្រើនបំផុត គឺនាំចូលពីប្រទេសថៃ។
អ្នកជំនាញសុខាភិបាល បានព្រមានថា កម្ពុជាត្រូវប្រុងប្រយ័ត្នខ្ពស់បំផុត ក្នុងការទប់ស្កាត់ការឆ្លងរាលដាលកូវីដ១៩ ដើម្បីបញ្ចៀសមហន្តរាយសុខភាព និងជីវិត។
ចាប់តាំងពីខែកក្កដា កម្ពុជារងការវាយប្រហារកាន់តែធ្ងន់ ដោយសារកូវីដ១៩ ដោយសារមានអ្នកឆ្លង ថ្មីជិត ១០០០នាក់ សឹងរាល់ថ្ងៃ ហើយមានអ្នកស្លាប់ ចន្លោះពី ២០ ទៅ ៣០នាក់៕
ចែករំលែកព័តមាននេះ