ទៀតហើយ! បែកធ្លាយព្រះសង្ឃលួចលាក់មានស្រីតែមិនត្រូវបានផ្សឹកទេ
ខេត្តតាកែវ ៖ កាលពីរសៀលថ្ងៃទី១៥ ខែកក្កដា ឆ្នាំ២០២១ ព្រះអនុគណស្រុកត្រាំកក់ ខេត្តតាកែវ ព្រមទាំងមន្ទីរធម្មការ និងសាសនា បានមកដោះស្រាយរឿងភិក្ខុ…
ខេត្តតាកែវ ៖ កាលពីរសៀលថ្ងៃទី១៥ ខែកក្កដា ឆ្នាំ២០២១ ព្រះអនុគណស្រុកត្រាំកក់ ខេត្តតាកែវ ព្រមទាំងមន្ទីរធម្មការ និងសាសនា បានមកដោះស្រាយរឿងភិក្ខុ…
ខេត្តតាកែវ ៖ កាលពីរសៀលថ្ងៃទី១៥ ខែកក្កដា ឆ្នាំ២០២១ ព្រះអនុគណស្រុកត្រាំកក់ ខេត្តតាកែវ ព្រមទាំងមន្ទីរធម្មការ និងសាសនា បានមកដោះស្រាយរឿងភិក្ខុ ហេង ភាព ដែលគង់នៅក្នុងវត្តមួយក្នុងស្រុកត្រាំកក់ពាក់ព័ន្ធរឿងអាស្រូវនឹងមាតុគ្រាមគឺការលួចលាក់មានស្រីខុសច្បាប់វិន័យសង្ឃ ។ ក្រោយពីបានកាត់ក្ដីអស់រយៈពេល១ម៉ោង លោកគ្រូអនុគណបានសម្រេចឱ្យភិក្ខុឈ្មោះ ហេង ភាព ទៅធ្វើបរិវាសកម្មរយៈពេល៣ខែ ដើម្បីរួចចាកអាបត្តិសង្ឃាទិសេស ទើបអនុញ្ញាតឲ្យភិក្ខុហេង ភាព និមន្តមកគង់នៅវត្តនេះវិញ ។
យោងតាមព្រះវិន័យបិដកដែលជាគ្រឹះដ៏ធំក្នុងព្រះពុទ្ធសាសនាដែលមានចំនួន១៣ក្បាល ហើយបើពោលដោយសង្ខេបសិក្ខាបទភិក្ខុមាន២២៧សិក្ខាបទ មានបារាជិក៤ សង្ឃាទិសេស១៣ជាដើម តើភិក្ខុត្រូវអាបតិ្តធំត្រូវធ្វើដូចម្តេច ?
បើភិក្ខុនោះត្រូវអាបត្តិបារាជិកចំពោះអាបត្តិណាមួយ ព្រះវិន័យធរត្រូវវិនិច្ឆ័យឲ្យបានត្រឹមត្រូវហើយផ្សឹកចោលតែម្តង ។ ដោយឡែកបើត្រូវអាបត្តិសង្ឃាទិសេស១៣ ចំពោះអាបត្តិណាមួយដូចជា ប៉ះពាល់ ឬនៅកៀកកើយជាមួយមាតុគ្រាមជាដើម បើភិក្ខុណាធ្វើអំពើបែបនេះ ភិក្ខុនោះនឹងត្រូវអាបត្តិសង្ឃាទិសេស ត្រូវធ្វើបរិវាសកម្មឲ្យបានត្រឹមត្រូវ ដោយការសមាទានវត្តជាមួយភិក្ខុ៤អង្គផ្សេងទៀត នឹងពិចារណាទោសដោយខ្លួនឯង ។ ដោយហេតុថា អាបត្តិសង្ឃាទិសេសបើកាលណាត្រូវហើយបែរជាលាក់បាំងមិនព្រមប្រាប់ដល់ភិក្ខុផងគ្នា បើលាក់បាំង៣ខែ ត្រូវធ្វើបរវាសកម្ម៣ខែសងវិញ បើលាក់បាំង១ឆ្នាំ ឬច្រើនលើសហ្នឹង ត្រូវធ្វើបរិវាសឲ្យពេញចំនួនថ្ងៃដែលខ្លួនបានលាក់បាំងទោសឬអាបត្តិដែលខ្លួនបានត្រូវហើយនោះ ។
បន្ទាប់ពីធ្វើបរិវាសកម្មហើយចប់សព្វគ្រប់ភិក្ខុនោះត្រូវធ្វើអាភាណកម្ម ហើយធ្វើមាណត្តិ និងប្រកាសចូលជំនុំសង្ឃវិញ ដោយមានភិក្ខុចូលរួមយ៉ាងតិច២០អង្គ ទាំងខ្លួនឯងផងត្រូវជា២១អង្គ ទើបអាចចូលជំនុំសង្ឃវិញបាន តែត្រូវច្បាស់ថា ខ្លួនឯងបរិសុទ្ធហើយ បើមិនបរិសុទ្ធទេមិនអាចចូលជំនុំសង្ឃវិញបានឡើយ ធ្វើកម្មផ្សេងៗទៀតក៏មិនបានដែរ ។ មិនមែនត្រូវទោសឬអាបត្តិសង្ឃាទិសេសហើយចូលបរិវាសកម្ម៣ខែ ហើយរួចខ្លួននោះទេ ។
ជុំវិញបញ្ហាខាងលើនេះក៏មានមតិមហាជនជាច្រើនដែលមិនពេញចិត្តផងនោះបានខឹងសម្បាទៅនឹងចំណាត់ការនេះ ព្រោះពួកគាត់មានបំណងចង់ឱ្យមានការផ្សឹកភិក្ខុហេង ភាពនេះចេញពីជំនុំសង្ឃព្រោះភិក្ខុរូបនេះអស់ភាពបរិសុទ្ធជាព្រះសង្ឃតទៀតហើយ ៕ សាង សុធា
ចែករំលែកព័តមាននេះ