បាឡុងអ៊ីនធើរណេត Google អាចនឹងហាមឃាត់នៅឥណ្ឌា
បាឡុងអ៊ីនធើរណេតរបស់ក្រុមហ៊ុន Google មានឈ្មោះថា Project Ballon បច្ចុប្បន្ននេះកំពុងតែសាកល្បងធ្វើតេស្តក្នុងប្រទេសឥណ្ឌូណេស៊ី និងប្រទេសស្រីលង្កាដែលជាកន្លែង…
បាឡុងអ៊ីនធើរណេតរបស់ក្រុមហ៊ុន Google មានឈ្មោះថា Project Ballon បច្ចុប្បន្ននេះកំពុងតែសាកល្បងធ្វើតេស្តក្នុងប្រទេសឥណ្ឌូណេស៊ី និងប្រទេសស្រីលង្កាដែលជាកន្លែងសញ្ញាអ៊ីនធើរណេតខ្ពស់ត្រូវបានបញ្ជូនពីចង្កោមបាឡុងអណ្តែតលើអាកាសរយៈកម្ពស់ ១៨ គីឡូម៉ែត្រពីផែនដី ។ ប៉ុន្តែគម្រោងនេះអាចនឹងត្រូវហាមឃាត់ដោយប្រឈមជាមួយនឹងច្បាប់របស់ប្រទេសឥណ្ឌាដែលជាទីផ្សារដ៏ធំរបស់ខ្លួន ។
កាសែតរបស់ឥណ្ឌា The Economic Times រាយការណ៍ថា ក្រសួងទូរគមនាគមន៍របស់ប្រទេសឥណ្ឌាបានបង្ហាញចេញនូវបញ្ហាបច្ចេកទេសមួយចំនួនពាក់ព័ន្ធនឹងគម្រោងរបស់ក្រុមហ៊ុន Google ។
លោករដ្ឋមន្ត្រីព័ត៌មានវិទ្យា រ៉ាវី ហ្សានកា ប្រាសេត បានសរសេរសំបុត្រទៅកាន់អ្នកតំណាងសភាថា គម្រោង Project Loon របស់ក្រុមហ៊ុន Google ប្រើប្រាស់សម្រាប់ប្រតិបត្តិការកោសិកាក្នុងប្រទេសឥណ្ឌា ហើយវាអាចនឹងឈានដល់ការជ្រៀតចូលជាមួយនឹងការបញ្ជូនផងដែរ ។
យោងតាមកាសែតឥណ្ឌាក្រសួងទេសចរណ៍ និងក្រសួងការពារជាតិបានបង្ហាញកង្វល់ពីប្រព័ន្ធសន្តិសុខនៃគម្រោងនេះ ជាមួយនឹងការភ័យខ្លាចពីការឃ្លាំមើល និងការជ្រៀតចូលនៃច្បាប់ហោះហើរ និងយន្តហោះយោធា ។ ព្រោះថាពេលបាឡុងហោះហើរវានឹងអណ្តែតពាសពេញផ្ទៃអាកាសប្រៀបដូចជាការស្រូបយកទិន្នន័យ ឬបង្អាក់ដំណើរហោះហើរផ្លូវអាកាសរបស់ប្រទេសឥណ្ឌាដូច្នោះដែរ ។
នាយកប្រតិបត្តិថ្មីប្រចាំក្រុមហ៊ុន Google លោក Sundar Pichai នឹងទៅប្រទេសឥណ្ឌានៅសប្តាហ៍ក្រោយដើម្បីជួបជាមួយអ្នកតំណាងរដ្ឋាភិបាល ។ លោកនាយករដ្ឋមន្ត្រីឥណ្ឌា Narendra Modi និងលោក Pichai ត្រូវបានគេរាយការណ៍ថាបានពិភាក្សាពីគម្រោង Project Loon នេះ ។ ខណៈពេលដែលវាកំពុងតែក្លាយជាប្រធានបទពិភាក្សាចម្បង៕
ចែករំលែកព័តមាននេះ