បន្ទាយមានជ័យ៖ ១ថ្ងៃ រក​ឃើញ​អ្នក​វិជ្ជមាន​កូវីដ.១៩ ក្នុង​សហគមន៍ ៨០នាក់ និងពលករត្រឡប់ពីថៃ២៨នាក់ នៅថ្ងៃទី១៤ ខែកក្កដា ឆ្នាំ២០២១។ នេះបើតាម​រដ្ឋបាលខេត្តបន្ទាយមានជ័យ។

សេចក្តី​​ប្រកាសព័ត៌មាន បង្ហាញថា ព្រឹត្តិការណ៍សហគមន៍ ថ្ងៃ​២០​កុម្ភៈ ឆ្នាំ​២០២១ ខេត្តបន្ទាយមានជ័យគិតមកដល់ថ្ងៃទី១៤ ខែកក្កដា ឆ្នាំ២០២១ រកឃើញអ្នកវិជ្ជមានកូវីដ.១៩ មានចំនួន ៧.៥៩៨នាក់ ស្រី ៣.៨១០នាក់ អ្នកជាសះ​ស្បើយកូវីដ.១៩មានចំនួន ៤.៩០៦នាក់ ស្រី ២.៤៣៥នាក់ អ្នកដែលកំពុងសម្រាកព្យបាលកូវីដ.១៩មានចំនួន ២.៦៣៩នាក់ ស្រី ១.៣៣៧នាក់ អ្នកស្លាប់ដោយវិជ្ជមានកូវីដ.១៩មានចំនួន ៥៣នាក់ ស្រី ២៥នាក់ ក្នុងនោះ មានជនជាតិបរទេស ៥នាក់។

រដ្ឋបាលខេត្តបន្ទាយមានជ័យ បានប្រកាសថា ពលករ ដែលត្រឡប់ពីប្រទេសថៃ ចូលមកកម្ពុជាវិញ ចូលតាមច្រកអូរបីជាន់ ក្នុង​ស្រុកអូរជ្រៅ ដែលក្រុមការងារមណ្ឌលសំចត ទទួលនៅថ្ងៃទី១៤ ខែកក្កដា ឆ្នាំ២០២១ មានចំនួន ១១៣នាក់ (ស្រី ៥៣នាក់) បានយកសំណាកធ្វើតេស្តលទ្ធផលវិជ្ជមានកូវីដ.១៩ មានចំនួន ២៨នាក់ ស្រី ១៦នាក់ ហើយពលករ ត្រូវបានទទួល​ក្នុងភូមិសាស្ត្រ​ខេត្តបន្ទាយមានជ័យ មានចំនួន ៨៧.៩៣៥នាក់ ស្រី ៣៩.៦៩៦នាក់៕ ប៊ុន ធឿន