ADផ្ទាំងផ្សព្វផ្សាយពាណិជ្ជកម្ម

Picture

ដេកស្រម៉ៃ​​ឮសំឡេង​ម្នាក់​ឯង បែរជា​ផ្ទុះកំហឹង​ទាញចបជីកវា.យឪពុកមា និងម្តាយ​មីង​ឥត​ប្រណី​

10 ខែ មុន
  • កំពង់ធំ

ខេត្តកំពង់ធំ ៖ ​​បុរសម្នាក់​​ដេក​ៗសុខ សង្ស័យ​​ស្រ​ម៉ៃ​​ឮ​ដូច​ឪពុកមា និង​ម្តាយមីង​ជេរបញ្ចោរ​ ក៏​​ស្ទុះ​​ទាញ​ចបជីក​ទៅ​វា.យ​សំព.ង​

ខេត្តកំពង់ធំ ៖ ​​បុរសម្នាក់​​ដេក​ៗសុខ សង្ស័យ​​ស្រ​ម៉ៃ​​ឮ​ដូច​ឪពុកមា និង​ម្តាយមីង​ជេរបញ្ចោរ​ ក៏​​ស្ទុះ​​ទាញ​ចបជីក​ទៅ​វា.យ​សំព.ង​ បណ្តាល​ឱ្យ​​របួស​ទាំង​ពីរ​នាក់​​ប្តីប្រពន្ធ ចំណែកជនសង្ស័យ​ជា​ក្មួយប្រុស​​ត្រូវសមត្ថកិច្ច​ឃាត់ខ្លួន​។​

ហេតុការណ៍​​ខាងលើ​នេះ​បាន​កើតឡើង​កាលពី​​វេលា​ម៉ោង​៦​និង​៥​នាទី​ព្រឹក​ថ្ងៃ​ទី​១៥ ខែកក្កដា ឆ្នាំ​២០២១ នៅ​ចំណុ​ច​ផ្ទះ​ជន​រង​គ្រោះ​ ស្ថិត​ក្នុងភូមិ​អូរ​អង្គរ ឃុំ​សា​គ្រាម ស្រុក​ប្រាសាទ​បល្ល័ង្ក ខេត្តកំពង់ធំ​ ។

លោក​វរសេនីយ៍ទោ អ៊ា​ត គឹ​ម​អ៊ា​ន់ អធិការរង​នគរ​បាន​ស្រុក​ប្រាសាទ​បល្ល័ង្ក​ទទួល​បន្ទុក​ខាង​ព្រហ្មទណ្ឌ បាន​ឱ្យ​ដឹង​​ថា​ ​ករណី​អំពើ​ហិ.ង្សា​ខាងលើ បង្កឡើង​ដោយ​ជនសង្ស័យ​​ជា​ក្មួយ​ឈ្មោះ បូ វិបុល ភេទ​ប្រុស អាយុ​២៥​ឆ្នាំ​​ មាន​ឪពុក​ឈ្មោះ សេង បូរ អាយុ​៥៩​ឆ្នាំ និ​ង​ម្តាយ​ឈ្មោះ ទេ​ម នា​ប អាយុ​៥១​ឆ្នាំ ​នៅ​ភូមិអូរ​អង្គរ ឃុំ​សា​គ្រាម ​មាន​ផ្ទះ​នៅ​ក្បែរ​គ្នាជាមួយជនរងគ្រោះ ។​ ចំណែក​ជនរងគ្រោះ​​​ទាំង​២នាក់ប្តី​ប្រពន្ធ​ខាងលើ ប្តី​ឈ្មោះ ខិ​ន ណា​ង អាយុ​៥៨​ឆ្នាំ ​និង​ប្រពន្ធ​ឈ្មោះទេ​ម ណៃ អាយុ​៤១​ឆ្នាំ ​។ ជនរងគ្រោះទាំង​​២នាក់​រស់នៅក្នុងភូមិឃុំកើតហេតុ​ខាងលើ ។

លោក​អធិការរង​​បាន​បន្ត​ថា​ នៅ​ចំពោះ​មុខ​សមត្ថកិច្ច​ ជនសង្ស័យ​ហាក់​មាន​សតិ​មិនសូវ​ល្អ​ប៉ុ​ន្មា​ន​នោះ​ទេ ដោយសារ​តែ​នៅពេល​សមត្ថកិច្ច​​សួរនាំ​ ស្រាប់តែ​ជនសង្ស័យ​ម្តង​ឆ្លើយ​ថា​អ​ញ្ចេះ ម្តង​ឆ្លើយ​ថា​អ​ញ្ចុះ​​ ប៉ុន្តែ​ចម្លើយសារភាព​​ដែល​ស្តាប់​បាន គឺ​ជនសង្ស័យ​និយាយ​ថា មុនពេលកើតហេតុ ​ខណៈ​រូបគេ​កំពុង​តែ​ដេក​ៗសុខ ​ស្រាប់​​តែ​ហាក់ដូចជា​ស្រ​ម៉ៃ​​លឺ​សំឡេង​ដូច​ជា​សំឡេង​​ពូ និ​ង​មីង​កំពុង​តែ​ជេរ​ប​ញ្ចោ​រ​រូបគេ​អ​ញ្ចឹ​ង ជាហេតុ​ធ្វើ​ឲ្យរូប​​គេ​ខឹង​ច្រឡោត​ជា​ខ្លាំង ហើយ​ក៏​ងើប​ពី​ដេក ដើរមក​ទាញ​ចបជីក​យក​ទៅ​វា.យ​សំព.ង​ជន​រង​គ្រោះ​ទាំង​ពីរ​នាក់​ប្តី​ប្រពន្ធ​តែ​ម្តង ​​​បណ្តាល​​ឱ្យ​បុរសជា​ឪពុកមា​ត្រូវ​របួស​ចំ​ស្មា​ខាងឆ្វេង​មួយ​កន្លែង និង​ត្រូវ​ចំ​ខ្នងដៃ​ឆ្វេង​មួយ​កន្លែង ​ចំណែក​ស្ត្រី​​ជា​ម្តាយមីង​រង​របួស​បែក​ត្រចៀក​ខាងស្តាំ​ ។​

ក្រោយ​កើតហេតុ​ ជនសង្ស័យ​ត្រូវ​បាន​ឃាត់ខ្លួន​នៅ​ប៉ុស្តិ៍​នគរបាល​រដ្ឋបាល​សា​គ្រាម​ ដើម្បី​​រៀបចំ​កសាង​​សំណុំរឿង​ចាត់ការ​តាម​នីតិវិធី​ ៕​

Picture
Picture
Picture
Picture