ខេត្តព្រះសីហនុ ៖ បើតាមសេចក្តីរាយការណ៍បានឱ្យដឹងថា មានករណីអគ្គិភ័យឆាបឆេះផ្ទះប្រជាពលរដ្ឋអស់ចំនួន៤ខ្នងដែលធ្វើអំពីឈើប្រក់ស័ង្កសី បង្កឱ្យមានការភ្ញាក់ផ្អើលកាលពីវេលាម៉ោង៧និង៣០នាទីយប់ ថ្ងៃទី១០ ខែកក្កដា ឆ្នាំ២០២១ ស្ថិតនៅតំបន់ទំនប់រលក ក្រុមទី៣១ ក្នុងភូមិ៣ សង្កាត់លេខ១ ក្រុង-ខេត្តព្រះសីហនុ។
លោកឧត្តមសេនីយ៍ទោ ជួន ណារិន្ទ ស្នងការនគរបាលខេត្តព្រះសីហនុ បានឱ្យដឹងថា កម្លាំងនគរបាលបង្ការពន្លត់អគ្គិភ័យនិងសង្គ្រោះនៃស្នងការដ្ឋាននគរបាលខេត្ត សហការជាមួយកម្លាំងប៉ុស្តិ៍នគរបាលរដ្ឋបាលសង្កាត់លេខ៣ និងសង្កាត់លេខ១ បានចេញអន្តរាគមន៍ ដើម្បីបាញ់ទឹកពន្លត់អគ្គិភ័យឆាបឆេះផ្ទះប្រជាពលរដ្ឋ។
ប្រភពដដែលបន្តថា ហើយចំពោះករណីខាងលើនេះ មិនបណ្តាលអោយមានមនុស្សណារងរបួសឡើយ ហើយកម្លាំងជំនាញក៏សហការជាមួយសមត្ថកិច្ចមូលដ្ឋាន និងប្រជាពលរដ្ឋនាំគ្នាជួយបាញ់ទឹកពន្លត់អោយរលត់ទៅវិញជាស្ថាពរនៅវេលាម៉ោង៨យប់ផងដែរ ដើម្បីទប់ស្កាត់កុំឱ្យអណ្តាតភ្លើងឆាបឆេះរាលដាលបន្តដល់ផ្ទះប្រជាពលរដ្ឋនៅក្បែរខាងទៀត៕
ចែករំលែកព័តមាននេះ