ខេត្តសៀមរាប ៖ អាជ្ញាធរបានសម្រេចឱ្យអាជីវករដែលចេញពីផ្សារលើធំថ្មីទៅលក់នៅទីវាលទល់មុខសណ្ឋាគារសុខាសៀមរាបថ្មីជាបណ្តោះ អាសន្ន។ សូមបញ្ជាក់ថា ការសម្រេចចិត្តរបស់អាជ្ញាធរបែបនេះ គឺបន្ទាប់ពីបានបិទខ្ទប់ផ្សារលើធំថ្មី ព្រោះតែការរីករាលដាលជំងឺកូវីដ-១៩ ហើយក្រុមអាជីវករទាំងនោះ នាំគ្នាសម្រុកទៅដាក់តាំងទំនិញលក់លើចិញ្ចើមផ្លូវ៦០ម៉ែត្រ។…
ខេត្តសៀមរាប ៖ អាជ្ញាធរបានសម្រេចឱ្យអាជីវករដែលចេញពីផ្សារលើធំថ្មីទៅលក់នៅទីវាលទល់មុខសណ្ឋាគារសុខាសៀមរាបថ្មីជាបណ្តោះ អាសន្ន។ សូមបញ្ជាក់ថា ការសម្រេចចិត្តរបស់អាជ្ញាធរបែបនេះ គឺបន្ទាប់ពីបានបិទខ្ទប់ផ្សារលើធំថ្មី ព្រោះតែការរីករាលដាលជំងឺកូវីដ-១៩ ហើយក្រុមអាជីវករទាំងនោះ នាំគ្នាសម្រុកទៅដាក់តាំងទំនិញលក់លើចិញ្ចើមផ្លូវ៦០ម៉ែត្រ។ បើតាមលោក នួន ពុទ្ធារ៉ា អភិបាលក្រុងបានមានប្រសាសន៍ថា ជាការ ពិតណាស់អាជ្ញាធរបានសម្រេចឱ្យជាជីវករ ដែលចេញពីក្នុងផ្សារលើធំថ្មីមកលក់ដូរនៅទល់មុខសណ្ឋាគារសុខា សៀមរាបថ្មី នេះពិតប្រាកដមែន ពីព្រោះថា ពួកគាត់បាននាំគ្នាទៅដាក់លក់លើចិញ្ចើមផ្លូវ៦០ម៉ែត្រ ពេលដែល ដែលអាជ្ញាធរ មិនទាន់បានរៀបចំពួកគាត់ត្រឹមត្រូវ ហើយវាជាហានិភ័យខ្ពស់រឿងចរាចរណ៍ផង។
ម្យ៉ាងវិញទៀតក៏ធ្វើឱ្យប៉ះពាល់សណ្តាប់ធ្នាប់ និងសន្តិសុខផងដែរ។ លោក នួន ពុទ្ធារ៉ា បន្តថា ចំពោះការសម្រេចឲ្យលក់នៅទីវាលមុខសណ្ឋាគារសុខាសៀមរាបនេះ ក៏អនុញាតឱ្យតែជាជីវករលក់ត្រី.បន្លែ.សាច់ និងគ្រឿងហូបប្រចាំថ្ងៃដែរ ព្រោះថាជារបស់ដែលអាចខូចពេលទុកយូរ។ តែចំពោះអាជីវករ ដូចជាលក់ខោរអាវ. មាស.និងសម្ភារមិនមែនរបស់ហូបចុក គឺមិនអនុញាតឡើយ។ លោកអភិបាល បានបញ្ជាក់ថា ចំពោះការរៀបចំឲ្យលក់នេះដែរ គឺគ្រាន់ជាបណ្តោះអាសន្នរហូតដល់បើកដំណើរការផ្សារលើធំថ្មីវិញ។ តែក៏មិនត្រូវបានឱ្យក្រុមអាជីវករបង់ ប្រាក់អ្វីទាំអស់ រាប់ទាំងភាស៊ី និងអនាម័យជាដើម។ ក្នុងករណីមានបុគ្គល ទៅទារប្រាក់ថ្លៃអ្វីមួយ អាជ្ញាធរនឹងចាត់វិធានការការភ្លាម។
តំណាងក្រុមអាជីវករលក់ត្រី. បន្លែ.សាច់ បានរៀបរាប់ ប្រាប់អ្នកព័ត៌មានយើង ប្រហាក់ប្រហែលគ្នាថា ការមកលក់លើចិញ្ចើមផ្លូវ មុខសណ្ឋាគារ សុខាសៀមរាបថ្មី ផ្លូវ៦០នេះ ទោះបីមាន ពេលខ្លី ក៏ពិតមែន តែលក់ដាច់ជាងក្នុងផ្សារលើធំថ្មី។ ព្រោះទីនេះអ្នកទិញងាយស្រួល ដោយមិនបញ្ជ្រៀតគ្នា ដូចនៅក្នុងផ្សារលើនោះទេ ហើយមិនចាំបាច់ឆ្លងកាត់ហ្វូងមនុស្ស ជាច្រើនទៀត។ ក្រុមអាជីវករផ្សារលើធំថ្មី បានថ្លែងអំណរគុណដល់អាជ្ញាធរ ដែលយកចិត្តទុកដាក់ និងជួយសម្រួលដល់ពួកគាត់ដែលជាអាជីវករ ខណៈពេលជួបការលំបាកនាដំណាក់កាលកូវីដបច្ចុប្បន្ននេះ៕ ដោយ ៖ ច័ន្ទ រស្មី
ចែករំលែកព័តមាននេះ