ខេត្តស្វាយរៀង៖ នៅថ្ងៃទី៧ ខែកក្កដា ឆ្នាំ២០២១ រដ្ឋបាលខេត្តស្វាយរៀង បានប្រកាសនូវអត្តសញ្ញាណអ្នកវិជ្ជមានកូវីដ១៩ ថ្មី ចំនួន ៦០នាក់ ស្រី២១នាក់។…
ខេត្តស្វាយរៀង៖ នៅថ្ងៃទី៧ ខែកក្កដា ឆ្នាំ២០២១ រដ្ឋបាលខេត្តស្វាយរៀង បានប្រកាសនូវអត្តសញ្ញាណអ្នកវិជ្ជមានកូវីដ១៩ ថ្មី ចំនួន ៦០នាក់ ស្រី២១នាក់។ ក្នុងនោះ មានកម្មករ-កម្មការិនីរោងចក្រកាត់ដេរ ច្រើនជាងគេ រហូតចំនួន ៤១នាក់។
អ្នកវិជ្ជមានកូវីដ១៩ ចំនួន ៦០នាក់ ត្រូវបានបញ្ជូនទៅសម្រាកព្យាបាលនៅមន្ទីរពេទ្យស្រុកស្វាយជ្រំ ចំនួន ២២នាក់ បញ្ជូនទៅមន្ទីរពេទ្យបង្អែកសាមគ្គីរំដួល ម្នាក់ និងបញ្ជូនទៅមជ្ឈមណ្ឌលព្យាបាលកូវីដ១៩ ក្រុងបាវិត ចំនួន ៣៧នាក់។
ករណីស្លាប់ថ្មី ២នាក់ រួមមាន៖ ១,ស្ត្រី ឈ្មោះ ឈឹម យុន អាយុ ៦០ឆ្នាំ នៅភូមិបុសផ្លាំង ឃុំបុសមន ស្រុករំដួល។ ស្ត្រីរងគ្រោះ ក្រុមការងារបានចុះទៅយកសំណាកពិនិត្យឃើញវិជ្ជមានកូវីដ១៩ នៅថ្ងៃទី៥ ខែកក្កដា ឆ្នាំ២០២១ និងបានទទួលមរណភាព នៅថ្ងៃទី៦ ខែកក្កដា ឆ្នាំ២០២១ វេលាម៉ោង ៤ទៀបភ្លឺ។ ២,បុរស ឈ្មោះ ឡី ដារ៉ា អាយុ ៥២ឆ្នាំ រស់នៅភូមិថ្នល់កែង សង្កាត់បាទី ក្រុងបាវិត។ នៅថ្ងៃទី៤ កក្កដា ឆ្នាំ២០២១ ក្រុមការងារ បានចុះទៅយកសំណាកធ្វើតេស្តរហ័ស ឃើញវិជ្ជមានកូវីដ១៩ ហើយបានស្លាប់ នៅថ្ងៃទី៥ ខែកក្កដា ឆ្នាំ២០២១ វេលាម៉ោង ៧យប់។
គិតត្រឹមថ្ងៃទី៦ ខែកក្កដា ឆ្នាំ២០២១ ខេត្តស្វាយរៀង មានអ្នកវិជ្ជមានកូវីដ១៩ សរុប ៣១៣០នាក់ (ស្រី១៧៤៤នាក់) ជាសះស្បើយសរុប ១៩០១នាក់ (ស្រី១១១០នាក់) កំពុងសម្រាកព្យាបាលចំនួន ១១៧១នាក់ (ស្រី ៦៣៤នាក់) និងករណីស្លាប់ កើនឡើង ៣៩នាក់ (ស្រី ២៣នាក់)៕ វ៉ាន់ ប៊ុនធឿន
ចែករំលែកព័តមាននេះ