រាជធានីភ្នំពេញ ៖ ក្រុមអាជ្ញាធរសង្កាត់បឹងទំពន់ទី១ សហការជាមួយក្រុមគ្រូពេទ្យ បានចុះធ្វើសំណាកលើពលរដ្ឋជាច្រើនគ្រួសារនៅ៦ទីតាំងផ្សេងគ្នា ដោយបានរកឃើញមានអ្នកវិជ្ជមានកូវីដ១៩ជាបន្តបន្ទាប់ នៅថ្ងៃទី០៦ ខែកក្កដា ឆ្នាំ២០២១ ។…
រាជធានីភ្នំពេញ ៖ ក្រុមអាជ្ញាធរសង្កាត់បឹងទំពន់ទី១ សហការជាមួយក្រុមគ្រូពេទ្យ បានចុះធ្វើសំណាកលើពលរដ្ឋជាច្រើនគ្រួសារនៅ៦ទីតាំងផ្សេងគ្នា ដោយបានរកឃើញមានអ្នកវិជ្ជមានកូវីដ១៩ជាបន្តបន្ទាប់ នៅថ្ងៃទី០៦ ខែកក្កដា ឆ្នាំ២០២១ ។
លោកកុយ សាមឺឌី ស្មៀនសង្កាត់បឹងទំពន់ទី១ បានអោយដឹងថា ៖ ៦ទីតាំង ដែលរកឃើញមាននៅភូមិចំរើនផល១ រកឃើញចំនួន៧នាក់ , ភូមិចំរើនផល៤ ចំនួន២នាក់ , ភូមិសន្សំកុសល២ ចំនួន១០នាក់ , ភូមិសន្សំកុសល៥ ចំនួន១នាក់ , ភូមិសន្សំកុសល៦ ចំនួន១នាក់ ។ ទាំង៥ភូមិ មាន៤ភូមិ រកឃើញ១ទីតាំងៗ ដោយឡែកភូមិចំរើនផល១ រកឃើញ២ទីតាំង ។
ក្រោយការពិនិត្យឃើញមានវិជ្ជមានហើយនោះ អ្នកទាំង២១នាក់ ត្រូវក្រុមគ្រូពេទ្យដឹកតាមរថយន្តយកទៅព្យាបាល ។ ដោយឡែក អ្នកដែលមានពាក់ព័ន្ធ អាជ្ញាធរតម្រូវអោយធ្វើចត្តាឡីស័ក១៤ថ្ងៃ នៅក្នុងទីតាំងផ្ទាល់ដែលរកឃើញ ។
លោកស្មៀនសង្កាត់ បានបន្តថា គិតចាប់តាំងពីព្រឹត្តិការណ៍សហគមន៍២០កុម្ភះ មកត្រឹមនឹងថ្ងៃទី០៦ ខែកក្កដា ឆ្នាំ២០២១ ក្នុងមូលដ្ឋានសង្កាត់បឹងទំពន់ទី១ រកឃើញមានអ្នកវិជ្ជមាន ចំនួន២៦០នាក់ ស្មេីនឹង ១២៤ទីតាំង ក្នុងនោះមានអ្នកជាសះស្បើយចំនួន១៦១នាក់ , អ្នកកំពុងសម្រាកព្យាបាលចំនួន៩២នាក់ និងអ្នកស្លាប់ចំនួន៧នាក់ផងដែរ ៕
ចែករំលែកព័តមាននេះ