កាសែតឡូសអេនចឺឡេសថែមរាយការណ៍ថា ខ្មាន់កាំភ្លើងម្នាក់ក្នុងចំណោមខ្មាន់កាំភ្លើង៣នាក់ ដែលបាញ់ប្រហារកាលពីថ្ងៃទី២ ធ្នូ នៅ SAN BERNARDINO រដ្ឋកាលីហ្វ័រនីញ៉ា បណ្តាលឱ្យមនុស្សស្លាប់១៤នាក់ មានឈ្មោះថា SYED FAROOK អាយុ២៨ឆ្នាំ ដែលជាមនុស្សម្នាក់ធ្វើការខាងផ្នែកសុខាភិបាលក្រុងនេះ ។
FAROOK ជនជាតិអាមេរិកជាខ្មាន់កាំភ្លើងដែលត្រូវប៉ូលិសបាញ់ស្លាប់ រួមជាមួយនារីម្នាក់ទៀតឈ្មោះ TASHFEEN MALIK អាយុ២៧ឆ្នាំ មិនស្គាល់សញ្ជាតិ ដែលកាន់អាវុធវាយលុកដែរ ជិះក្នុងរថយន្ត 4×4 ពណ៌ខ្មៅមួយគ្រឿង ពេលមានការបាញ់តតាំងគ្នាតាមផ្លូវថ្នល់មួយ ។
យោងតាមប៉ូលិសថា ការបាញ់ប្រហារកើតមានក្នុងពិធីជួបជុំបុគ្គលិកសុខាភិបាលក្រុង SAN BERNARDINO រួចពេលជួបជុំជប់លៀងនេះ មានផ្ទះជម្លោះមួយ រវាងសហសេវិកដែលចូលរួមបុណ្យ ។ FBI គូសបញ្ជាក់ថា អំពើភេរវកម្មអាចជាលទ្ធភាពមួយ ក៏ប៉ុន្តែមិនទាន់អះអាង ។
កាសែតឡូសអេនចឺឡេសថែមរៀបរាប់ថា ជនឈ្មោះ FAROOK ដែលចាកចេញភ្លាមៗពីពិធីជប់លៀង ក្រោយផ្ទុះជម្លោះជាមួយបណ្តាសហសេវិក ជននេះអាចត្រឡប់មកវិញរួមជាមួយក្រុមមនុស្សរបស់គេ ហើយបាញ់ប្រហារ ។
ការបាញ់ប្រហារនៅរដ្ឋកាលីហ្វ័រនីញ៉ានេះជាការបាញ់ប្រហារសម្លាប់មនុស្សលើកទី៣៥៥ នៅសហរដ្ឋអាមេរិកនាឆ្នាំនេះ ៕
ចែករំលែកព័តមាននេះ