ខេត្តកំពង់ធំ ៖ ករណីមន្ត្រីបរិស្ថានប្រើប្រាស់កាំភ្លើងបាញ់ពលរដ្ឋម្នាក់ បណ្តាលអោយរងរបួស កាលពីរសៀលថ្ងៃទី២៦ មិថុនា ស្ថិតនៅក្នុងព្រៃអង់តែន ចំណុចអូរព្រួសតំបន់ត្រពាំងឪឡឹក ស្ថិតក្នុងភូមិត្រពាំងឬស្សី ឃុំក្រយា…
ខេត្តកំពង់ធំ ៖ ករណីមន្ត្រីបរិស្ថានប្រើប្រាស់កាំភ្លើងបាញ់ពលរដ្ឋម្នាក់ បណ្តាលអោយរងរបួស កាលពីរសៀលថ្ងៃទី២៦ មិថុនា ស្ថិតនៅក្នុងព្រៃអង់តែន ចំណុចអូរព្រួសតំបន់ត្រពាំងឪឡឹក ស្ថិតក្នុងភូមិត្រពាំងឬស្សី ឃុំក្រយា ស្រុកសន្ទុក ខេត្តកំពង់ធំ ។ នៅរសៀលថ្ងៃដដែល លោកឧត្តមសេនីយ៍ត្រី ទិត្យ សំណាង ស្នងការរងនគរបានខេត្តកំពង់ធំទទួលបន្ទុកខាងព្រហ្មទណ្ឌប្រាប់ថា ជនសង្ស័យឈ្មោះចក់ សុជាតិ ភេទប្រុសអាយុ ២៥ឆ្នាំ ជាមន្ត្រីបរិស្ថាននៅស្នាក់ការអូរតាព្រហ្ម ត្រូវបានកំលាំងសមត្ថធ្វើការឃាត់ខ្លួនបញ្ជូនមកកាន់ស្នងការនគរបាលខេត្តកាលពីថ្ងៃទី២៧ មិថុនា បច្ចុប្បន្ននេះ ខាងជំនាញរបស់លោកកំពុងតែចងក្រងសំណុំរឿងចាត់ការតាមនិតិវិធីច្បាប់។
សូមរំលឹកថា ជនរងគ្រោះមានឈ្មោះប៉ុន ផល្លា ភេទប្រុស អាយុ២៦ឆ្នាំ មុខរបរកសិករនៅភូមិសុភមង្គល ឃុំក្រយា ស្រុកសន្ទុក ។ យោងតាមការបញ្ជាក់របស់ជនរងគ្រោះបានអោយដឹងថា កាលពីព្រឹកថ្ងៃកើតហេតុ ពួកលោកមានគ្នា៤នាក់រួមមាន ១.រូបលោកឈ្មោះ ប៉ុន ផល្លា ជាជនរងគ្រោះ) ទី២.ឈ្មោះ ងួន ម៉េងហ័ង ភេទប្រុស ទី៣.ឈ្មោះ ខឿន ភេទប្រុស និងទី៤.ឈ្មោះ រិន រ៉ាក់ ភេទប្រុស បានបេីកគោយន្តកន្ត្រៃយ៍ចំនួន
៣គ្រឿងទៅរកអុសនៅតំបន់កេីតហេតុខាងលេី ដោយមានរណាយន្ត២គ្រឿង ដោយលោកនឹងឈ្មោះ រិន រ៉ាក់បេីកគោយន្ត១គ្រឿងមានរណាយន្ត១ ។
ឈ្មោះ ងួន ម៉េងហ័ង និងឈ្មោះ ខឿន បេីកគោយន្តម្នាក់១គ្រឿងនិងរណាយន្ត១គ្រឿង ទៅដល់កន្លែងកាប់អុសវេលាម៉ោង១០ ក៏បានយកគោយន្តទៅផ្ញេីរម្ចាស់ខ្ទមនៅតំបន់ត្រពាំងឪឡឹក ពេលទៅដល់កន្លែងកាប់អុសលោកទៅ២នាក់ រិន រ៉ាក់ ហេីយឈ្មោះ ហ័ងនិងឈ្មោះ ខឿនកាប់ចំងាយពីគ្នា១០០ម៉ែត្រ ពេលកំពុងកាប់អុសបានប្រហែល១ម៉ែត្រគីម នៅម៉ោងប្រហែល១៣និង១៥នាទី ស្រាប់តែឃេីញមន្ត្រីបរិស្ថានម្នាក់ស្លៀកពាក់ខោអាវប៉ារ៉ាក្រឡាល្អិតពណ៍ស្លឹកឈេីចាស់ខ្ចី ដោយដៃមានអាវុធវែង១ដេីមដើរចូលមករកលោក កំពុងកាត់អុសចំងាយប្រហែល៥ម៉ែត្រ លោកឃេីញដូច្នេះក៏បានប្រាប់ឈ្មោះ រិន រ៉ាក់ រត់មុន ។
ចំណែកលោករត់តាមក្រោយ បានចំងាយប្រហែល៣ម៉ែត្រ ស្រាប់តែមន្ត្រីបរិស្ថាននោះរត់ដេញតាមក្រោយ ឃេីញដូច្នោះ លោកក៏ទំលាក់រណារយន្តចោលរត់បានចំងាយ២ម៉ែត្រ ក៏ត្រូវមន្ត្រីបរិស្ថានបាញ់មួយគ្រាប់ត្រូវភ្លៅឆ្វេងបណ្តាលដូលលេីដី ដោយភ័យពេក៏ងេីបរត់ទាំងជេីងត្រូវរបួស រត់មកជួបម្ចាស់ខ្ទមឈ្មោះរេីនអោយជូនមកផ្ទះនិងនាំទៅពេទ្យ។
ក្រោយទទួលពត៏មានខាងលើ សមត្ថកិច្ចជំនាញបច្ចេកទេសខេត្ត ស្រុក ជំនាញស៊ើបអង្កេតព្រហ្មទណ្ឌកំរិតស្រាល សហការជាមួយ សមត្ថកិច្ចដែនដី ដោយមានការសំរបសំរួលពីលោក ស៊ិន វិរ: ព្រះរាជអាជ្ញាអមសាលាដំបូងខេត្តកំពង់ធំ ការពិនិត្យជនរងគ្រោះមានស្នាមរបួសដោយត្រូវគ្រាប់កាំភ្លើងលើភ្លៅឆ្វេងចំនួន២កន្លែង គ្រាប់ចូលពីភ្លៅក្រោយ១កន្លែង និង ស្នាមគ្រាប់ចេញបែកធ្លាយទៅខាងមុខមួយកន្លែង យេីងសនិ្នដ្ឋានជនរងគ្រោះពិតជារងរបួសដោយសារគ្រាប់កាំភ្លេីង។
ពាក់ព័ន្ធករណីខាងលើ លោក តុប កក្កដា ប្រធានមន្ទីរបរិស្ថានខេត្តប្រាប់តាមទូរស័ព្ទឲ្យដឹង នៅរសៀលថ្ងៃទី២៨ ខែមិថុនា នេះថា ពិតជាមានបញ្ហានេះ កើតឡើងមែន បើយោងតាមព័ត៌មានលោកទទួលបាន នៅពេលដែលឃើញពលរដ្ឋនាំគ្នាទៅកាប់ឈើនៅក្នុងតំបន់ហាមឃាត់នោះ មន្ត្រីរបស់លោក ដែលឈរជើងនៅទីនោះ ក៏បានដើរចូលទៅធ្វើការហាមឃាត់ តែត្រូវជនរងគ្រោះគ្រវីរណារយន្តតដៃជាមួយសមត្ថកិច្ចយើង មិនព្រមទំលាក់រណារយន្តចុះនោះទេ ។
ដោយឃើញពលរដ្ឋមានគ្នាច្រើននឹងមានអាវុធក្នុងដៃផងនោះ ក្នុងគោលបំណងខ្លាចមានគ្រោះថ្នាក់ដល់ខ្លួន មន្ត្រីរបស់លោកគាត់ក៏បាញ់គំរាមចុះក្រោមមួយគ្រាប់ ចៃដន្តគ្រាប់ក៏ផ្លាតចំមែកឈើខ្ទាតចំភ្លៅជនរងគ្រោះតែម្តងទៅ បើមន្ត្រីរបស់លោកមានបំណងបាញ់សម្លាប់នោះ ចំងាយពីរបីម៉ែត្រពីគ្នាមានអី គេបាញ់ឲ្យចំភ្លៅនោះ ។
លោកប្រធានមន្ទីរបន្តទៀតថា មន្ត្រីរបស់លោកឈ្មោះ ចក់ សុជាតិ ខាងលើនេះ ជាមនុស្សម្នាក់ដែលសកម្មក្នុងការងារណាស់ កាលពីឆ្នាំកន្លងទៅដោយសារតែការងារការពារបរិស្ថាននេះ គាត់ត្រូវពលរដ្ឋកាប់ចំក្បាលបណ្តាលឲ្យរងរបួសធ្ងន់ម្តងរួចមកហើយ ដែលធ្វើឲ្យលោករៀងនោះ ទោះជាយ៉ាងនេះក្តីនៅចំពោះមុខច្បាប់នៅតែមានកំហុសដដែល តែត្រង់ថាមានទោសធ្ងន់ឬស្រាលយាងណានោះ ស្ថិតនៅលើច្បាប់និងតុលាការជាអ្នកសំរេច ។
ចែករំលែកព័តមាននេះ