ខេត្តស្ទឹងត្រែង ៖ មនុស្សប្រុសស្រីចំនួន៣០នាក់បន្ថែមបានរកឃើញវិជ្ជមានកូវីដ-១៩ ក្នុងមូលដ្ឋានរដ្ឋបាលខេត្តស្ទឹងត្រែង និងមានអ្នកជាសះស្បើយពីជំងឺកូវីដ-១៩ ចំនួន០៣នាក់ គិតត្រឹមវេលាម៉ោង៥ល្ងាច ថ្ងៃទី២៨ខែមិថុនា ឆ្នាំ២០២១ នេះបើយោងតាមសេចក្តីប្រកាសព័ត៌មានរបស់រដ្ឋបាលខេត្តស្ទឹងត្រែង…
ខេត្តស្ទឹងត្រែង ៖ មនុស្សប្រុសស្រីចំនួន៣០នាក់បន្ថែមបានរកឃើញវិជ្ជមានកូវីដ-១៩ ក្នុងមូលដ្ឋានរដ្ឋបាលខេត្តស្ទឹងត្រែង និងមានអ្នកជាសះស្បើយពីជំងឺកូវីដ-១៩ ចំនួន០៣នាក់ គិតត្រឹមវេលាម៉ោង៥ល្ងាច ថ្ងៃទី២៨ខែមិថុនា ឆ្នាំ២០២១ នេះបើយោងតាមសេចក្តីប្រកាសព័ត៌មានរបស់រដ្ឋបាលខេត្តស្ទឹងត្រែង ជម្រាបដល់សា ធារណៈជនទូទៅ។ តាមការប្រកាសព័ត៌មានរបស់រដ្ឋបាលខេត្តឲ្យដឹងថា ក្រុមគ្រូពេទ្យជំនាញរបស់មន្ទីរសុខាភិបាលនៃរដ្ឋបាលខេត្តប្រចាំការនៅគោលដៅចំណុចព្រំប្រទល់ខេត្ត និងប្រចាំការឆ្លើយតបបន្ទាន់តាមគោលដៅក្នុងខេត្ត បានពិនិត្យសុខភាព និងយកសំណាកវិភាគរហ័សអ្នកសង្ស័យពាក់ព័ន្ធជំងឺកូវីដ-១៩ ដែលបានធ្វើ ដំណើរមកពីរាជធានី បណ្តាខេត្តផ្សេងៗ និងអ្នកដែលមានការប៉ះពាល់ផ្ទាល់ជាមួយអ្នកវិជ្ជមានកូវីដ-១៩ ក្នុងនោះក្រុមគ្រូពេទ្យជំនាញបានរកឃើញអ្នកវិជ្ជមានកូវីដ-១៩ ក្នុងមូលដ្ឋានចំនួន៣០នាក់ ស្រី១៧នាក់។
រដ្ឋបាលដដែលបន្តថា អ្នកជំងឺខាងលើបានរៀបចំដាក់ឲ្យសម្រាកព្យាបាលនៅអគារព្យាបាលអ្នកជំងឺកូវីដ-១៩ នៅមណ្ឌលចត្តាឡីស័កកម្រិត២ថ្នាក់ខេត្ត។ ក្រុមការងារគ្រូពេទ្យជំនាញមន្ទីរសុខាភិបាលខេត្តនៃរដ្ឋបាលខេត្ត ក៏បាន និងកំពុងបន្តស្រាវជ្រាវរកអ្នកប៉ះពាល់ជាមួយនឹងករណីវិជ្ជមានកូវីដ-១៩ខាងលើ ដើម្បីយកសំណាកវិភាគតាមបច្ចេកទេសរបស់សុខាភិបាលបន្ថែមទៀតដែរ។ គិតត្រឹមល្ងាចថ្ងៃទី២៨ ខែមិថុនា ឆ្នាំ២០២១ ការរកឃើញវិជ្ជមានមេរោគកូវីដ-១៩ ចំនួន៣០នាក់ ស្រី១៧នាក់ ធ្វើឲ្យចំនួននេះបានបន្ថែមកើនឡើង លើចំនួនចាស់សរុបអ្នកវិជ្ជមានកូវីដ-១៩ ចំនួន២១៩នាក់ ស្រី១០៩នាក់ អ្នកជាសះស្បើយចំនួន១៦នាក់ ស្រី០៧នាក់ និងអ្នកជំងឺកំពុងសម្រាកព្យាបាលចំនួន២០៣ នាក់ស្រី១០២នាក់៕ ដោយ ៖ រ៉ូ សាលី
ចែករំលែកព័តមាននេះ