ព្រៃនប់ ចាក់វ៉ាក់សាំងបានជាង ៥ម៉ឺននាក់ហើយ
- ព្រះសីហនុ
ខេត្តព្រះសីហនុ៖ លោក សរ កក្កដា អភិបាលស្រុកព្រៃនប់ បានអោយដឹងថា គិតត្រឹមព្រលប់ថ្ងៃទី២៧ មិថុនា មានប្រជាពលរដ្ឋ ក្នុងស្រុកព្រៃនប់…
ខេត្តព្រះសីហនុ៖ លោក សរ កក្កដា អភិបាលស្រុកព្រៃនប់ បានអោយដឹងថា គិតត្រឹមព្រលប់ថ្ងៃទី២៧ មិថុនា មានប្រជាពលរដ្ឋ ក្នុងស្រុកព្រៃនប់ ជាង ៥ម៉ឺននាក់ហើយ ដែលបានមកទទួលការចាក់វ៉ាក់សាំង កូវីដ-១៩ លើកទី១ រួចរាល់។
ជាមួយគ្នានេះ លោកអភិបាលស្រុក ក៏បានអំពាវនាវផងដែរ សូមបងប្អូនប្រជាពលរដ្ឋ ដែលលោកពុំទាន់បានមកទទួលការចាក់វ៉ាក់សាំងនេះ សូមប្រញាប់រួសរាន់ មកទទួលការចាក់វ៉ាក់សាំងតាមពេលវេលា និងទីកន្លែង ដែលបានកំណត់។
កន្លែងចាក់វ៉ាក់សាំង នៅស្រុកព្រៃនប់ មាន ៥ទីតាំង សម្រាប់ចាក់វ៉ាក់សាំងការពារជំងឺកូវីដ-១៩ ជូនពលរដ្ឋក្នុងស្រុកព្រៃនប់ ចាប់ពីអាយុ ១៨ឆ្នាំឡើង មាន÷ -ឃុំរាម ទីតាំងវិទ្យាល័យ ហ៊ុនសែន ស្មាច់ដែង។ -ឃុំអូឧកញ្ញ៉ាហេង ទីតាំងវត្តអូចំណារ។ -ឃុំសំរុង ទីតាំងអនុវិទ្យាល័យសំរុង។ -ឃុំជើងគោ ទីតាំងសាលាបឋមសិក្សាជើងគោ និងឃុំទឹកល្អក់ ទីតាំងនៅសាលាបឋមសិក្សាទួលកែវ។
រដ្ឋបាលស្រុកព្រៃនប់ បានដំណើរការចាក់វ៉ាក់សាំងបង្ការជំងឺកូវីដ១៩ ជូនប្រជាពលរដ្ឋ អាយុ ១៨ឆ្នាំឡើង ចាប់ពីថ្ងៃទី២២ ខែមិថុនា ឆ្នាំ២០២១៕
ចែករំលែកព័តមាននេះ