អាជីវករផ្សារធំទួលសង្កែ បើកលក់ដូរឡើងវិញ ខណៈអាជ្ញាធរមិនទាន់ដោះខ្សែហ៊ុមព័ទ្ធនៅឡើយ
- ភ្នំពេញ
រាជធានីភ្នំពេញ៖អាជីវករផ្សារធំទួលសង្កែ ហៅផ្សារសាំហាន់ បានបើកដំណើរការលក់ដូរឡើងវិញ ស្ទើរ ១០០ភាគរយហើយខណះពេល
រាជធានីភ្នំពេញ៖អាជីវករផ្សារធំទួលសង្កែ ហៅផ្សារសាំហាន់ បានបើកដំណើរការលក់ដូរឡើងវិញ ស្ទើរ ១០០ភាគរយហើយខណះពេល
រាជធានីភ្នំពេញ៖អាជីវករផ្សារធំទួលសង្កែ ហៅផ្សារសាំហាន់ បានបើកដំណើរការលក់ដូរឡើងវិញ ស្ទើរ ១០០ភាគរយហើយ ខណៈពេល ដែលអាជ្ញាធរខណ្ឌឬស្សីកែវ មិនទាន់បានចុះទៅកាត់ខ្សែហ៊ុមព័ទ្ធនៅឡើយទេ ។ ទោះបីជាយ៉ាងណា គេដឹងថា មូលហេតុអ្វីនោះទេ?
ផ្សារធំទួលសង្កែ ហៅផ្សារសាំហាន់ ជាផ្សារឯកជនយ៉ាងធំមួយ ស្ថិតនៅក្នុងសង្កាត់ទួលសង្កែ១ ខណ្ឌឬស្សីកែវ រាជធានីភ្នំពេញ បន្ទាប់ពីរដ្ឋបាលរាជធានីភ្នំពេញចេញសេចក្តីសម្រេច បើកដំណើរការឡើងវិញ ចំពោះផ្សារឯកជនដែលមានសណ្តាប់ធ្នាប់របៀបរៀបរយនិងអនាម័យបរិស្ថាន ក្នុងរាជធានីភ្នំពេញ អាជីវករផ្សារសាំហាន់ មានសេចក្តីត្រេកអរ ហើយបានរៀបចំបោះសំអាតតូប និងបើកដំណើរការលក់ដូរបណ្តើរៗហើយ តាំងពីររសៀលថ្ងៃទី២៤ខែ មិថុនា ដែលជាថ្ងៃរដ្ឋបាលរាជធានីភ្នំពេញចេញសេចក្តីសម្រេច បើកដំណើរការផ្សារឡើងវិញ។
នៅព្រឹកថ្ងៃទី២៨ ខែមិថុនា ឆ្នាំ ២០២១ រយះពេល ៤ថ្ងៃមកហើយ ចាប់ពីថ្ងៃបើកដំណើរការផ្សារ គេសង្កេតឃើញ អាជីវករផ្សារសាំហាន់ បាននាំគ្នាបើកលក់ដូរឡើងវិញស្ទើរ១០០ភាគរយហើយ តែផ្សារបានបើកតែច្រកចូលតែ មួយ ដោយរៀបចំដាក់ម៉ាស៊ីនបាញ់អាលកុលនិង វាស់កម្ដៅចំនួន២ និងចេញទៅផ្នែកខាងក្រោយផ្លូវតែមួយ។ចំណែក ផ្លូវចូលជាច្រើនទៀត នៅផ្នែកខាងមុខហ៊ុំព័ទ្ធទៅដោយខ្សែនៅឡើយ ដោយអាជ្ញាធរ ពុំទាន់បានទៅដោះចេញ នោះទេ។
តាមអាជីវករ បានអោយដឹងថា បន្ទាប់ពី បើកដំណើរ លក់ដូរ មក លក់មិនសូវដាច់នោះ ទេ ដោយសារតែ ពុំសូវមានភ្ញៀវចេញចូល ណាមួយអាជ្ញាធរ មិន ទាន់បានទៅកាត់ខ្សែដែលហ៊ុំព័ទ្ធនោះចេញនៅឡើយ ទោះបី រដ្ឋបាលរាជធានីភ្នំពេញបានចេញសេចក្តីសម្រេច បើកដំណើរ ការ ឡើងវិញចំពោះ ផ្សារឯកជនដែលមានសណ្តាប់ធ្នាប់ របៀបរៀបរយនិងអនាម័យ បរិស្ថាន ក្នុងរាជធានីភ្នំពេញយ៉ាងណាក៍ដោយ ។
អាជីវករ ក៍បានអោយដឹងទៀតថា ទោះបីលក់មិនសូវដាច់ ក៍ដោយ ក៍វាបានកំរៃ ខ្លះ សម្រាប់ កាត់បន្ថយការលំបាកសម្រាប់ជីវភាព ដែរ ធ្វើមេចនៅក្នុងស្ថានភាពបែបនេះ ។
តាមព័ត៌មានអោយដឹងថា អាជីវករផ្សារសាំហាន់ បានបង្ខំចិត្តបើកដំណើរលក់ដូរដោយខ្លួនឯង បន្ទាប់ពីទទួលបានដំណឹងថា រដ្ឋបាលរាជធានីភ្នំពេញបានសម្រេចបើកដំណើរការឡើងវិញចំពោះផ្សារឯកជន។ ទោះបីជាយ៉ាងណាខាងម្ចាស់ផ្សារ មិនទាន់ហ៊ានបើកដំណើរផ្សារនៅឡើយទេ ដោយសារតែរដ្ឋបាលខណ្ឌឬស្សីកែវ មិនទាន់បានចេញសេចក្តីសម្រេចបើកដំណើរផ្សារនេះជាផ្លូវការ។ម្យ៉ាងទៀតខ្សែហ៊ុមព័ទ្ធដែលអាជ្ញាធរចងបិទខ្ទប់ តាំងពីប្រកាសផ្អាក់ដំណើរផ្សារជាបណ្តោះអាសន្ន អាជ្ញាធរមិនទាន់ចុះទៅកាត់ខ្សែចេញនៅឡើយទេ ។
គួរបញ្ជាក់ថា អាជីវករផ្សារសាំហាន់ប្រមាណ៥០នាក់តំណាងរាប់រយនាក់ បាននាំគ្នាជួបប្រមូលផ្តុំគ្នាកាលពីថ្ងៃ ទី២២ ខែ មិថុនា ឆ្នាំ ២០២១ ដើម្បីទទូចស្នើសុំដល់រដ្ឋបាលរាជធានីភ្នំពេញ ក៍ដូចជារដ្ឋបាលខណ្ឌឬស្សីកែវ បើកដំណើរការផ្សារលក់ដូរឡើងវិញ ព្រោះពួកគាត់ម្នាក់ៗ ស្ទើរដាច់បាយហើយ ។ ការទទូចស្នើសុំនោះ អាជីវករដោយលើកហេតុផលថា មួយរយះពេលនេះស្ថានភាពកូវីដ វាបានធូរស្បើយឡើងវិញ, ហើយផ្សាររដ្ឋនានា ក៍ត្រូវបានរដ្ឋបាលរាជធានីពេញ បានបើកដំណើរការឡើងវិញដែរ។
ដោយឡែក ពួកគាត់ដែលលក់ដូរនៅក្នុងផ្សារសាំហាន់ ដែលមានទីតាំងផ្លូវធំទូលាយ និងតូបលក់ដូរ មានរបៀបរៀបរយល្អ ជាងផ្សាររដ្ឋមួយចំនួនផង ពុំត្រូវបានអាជ្ញាធរ បើកអោយលក់ដូរបែបនេះទៅវិញ ។ ខណៈនោះ អាជីវករក៍បាននិយាយត្អូញត្អែរថា មួយរយៈពេលកន្លងនេះពួកគាត់រស់នៅក្នុងតំបន់បិទខ្ទប់ លំបាកវេទនានិយាយមិនពេញខ្លះ ស្ទើរអត់បាយហូបណាមួយ លុយបង់ធានាគា, លុយបង់ថ្លៃផ្ទះជួល និងលុយបង់ថ្លៃតូប ដែលបិទផ្សារមិនបានលក់ដូរ ហើយត្រូវថៅកែផ្សារទារអោយបង់៥០ភាគរយទៀត ។ បន្ទាប់ពីតវ៉ាស្នើសុំ នៅថ្ងៃទី២៤ ខែមិថុនា រដ្ឋបាលរាជធានីភ្នំពេញក៍បានសម្រេចបើកដំណើរការផ្សារឯកជនឡើងវិញ ។
តាមសេចក្តីសម្រេចរបស់រដ្ឋបាលរាជធានីភ្នំពេញ លេខ១៧៣/២១សសរ ចុះថ្ងៃទី២៤ ខែ មិថុនា ឆ្នាំ ២០២១ ប្រការ១-ត្រូវបានអនុញ្ញាតអោយបើកដំណើរការផ្សារឯកជនដែលមានសណ្តាប់ធ្នាប់របៀបរៀបរយ និងអនាម័យ បរិស្ថាន ក្នុងមូលដ្ឋាន រាជធានីភ្នំពេញចាប់ពីថ្ងៃទី២៥ ខែមិថុនា ឆ្នាំ២០២១ តទៅលើកលែងតែផ្សារមិនរៀបរយ មិនត្រូវបានអនុញ្ញាតអោយបើកដំណើរការឡើយ ដើម្បីបង្ការនិងទប់ស្កាត់ការឆ្លងរាលដាលធ្ងន់ធ្ងរនៃជំងឺកូវីដ១៩ក្នុងសហគមន៍ ។ ទទួលបានសេចក្តីសម្រេចនេះ អាជីវករផ្សារសាំហាន់ ដែលពួកគាត់អះអាងថា ផ្សារសាំហាន់ជាផ្សារឯកជនដែលមានសណ្តាប់ធ្នាប់របៀបរៀបរយ និងអនាម័យ បរិស្ថាន ក្នុងមូលដ្ឋានក៍បាននាំគ្នា រៀបចំបោសជួតតូបលក់ដូរនិងចាប់ផ្តើមបើកដំណើរការលក់ដូរឡើងវិញបណ្តើរៗតាំងពីថ្ងៃទី២៤ខែ មិថុនា បន្ទាប់ពីមានសេចក្តីសម្រេច ហើយរហូតមកដល់ ថ្ងៃទី២៨ ខែ មិថុនានេះ គឺលក់ដូរស្ទើរ១០០ភាគរយហើយ តែនៅហ៊ុមព័ទ្ធខ្សែ នៅឡើយ៕
ចែករំលែកព័តមាននេះ