ស្លុ.តចិត្ត! បុរសម្នាក់ហ.ក់ពីលើស្ពាន ហើយត្រូវឡានកិ.នបន្ថែមទៀត ផ្អើ.លស្ពានអាកាស ៥ មករា
- ភ្នំពេញ
រាជធានីភ្នំពេញ ៖ បុរសជាជនអនាថាម្នាក់ទំនងជាបែកថ្នាំបានលោ.តពីលើស្ពានអាកាស៥មករា បណ្តាលអោយរងរបួសធ្ងន់ ហើយ
រាជធានីភ្នំពេញ ៖ បុរសជាជនអនាថាម្នាក់ទំនងជាបែកថ្នាំបានលោ.តពីលើស្ពានអាកាស៥មករា បណ្តាលអោយរងរបួសធ្ងន់ ហើយត្រូវបានរថយន្តម៉ាកឡង់គ្រីស្ស័រមួយគ្រឿងមកកិ.នចំជើងបន្ថែមទៀត។
ហេតុការណ៍ខាងលើនេះបង្កអោយមានការភ្ញាក់ផ្អើលកើតឡើងកាលពីវេលាម៉ោងប្រមាណ១១ព្រឹកថ្ងៃទី២៥ មិថុនា ឆ្នាំ២០២១ នៅចំណុចក្រោមស្ពានអាកាសតិចណូ (ស្ពានអាកាស៥ មករា) តាមបណ្តោយមហាវិថីសហពន្ធរុស្ស៊ី ស្ថិតក្នុងសង្កាត់ផ្សារដេប៉ូទី៣ ខណ្ឌទួលគោក រាជធានីភ្នំពេញ។
បុរសរងគ្រោះមួយរូបខាងលើនោះ គេពុំស្គាល់អត្តសញ្ញាណឡើយ ប៉ុន្តែនគរបាលអះអាងថា ជាជនអនាថា មានអាយុប្រមាណជាង៤០ឆ្នាំ ស្លៀកខោជើងខ្លីពណ៌ទឹកប៊ិច និងពាក់អាវយឺតដៃខ្លី ពណ៌ស្លែ ។
តាមប្រភពព័ត៌មានបានអោយដឹងថា នៅមុនពេលកើតហេតុ គេឃើញបុរសរូបនោះបានធ្វើដំណើរដោយថ្មើរជើងឡើងស្ពានអាកាស៥មករា ក្នុងទិសដៅពីកើតទៅលិច លុះនៅពេលធ្វើដំណើរមកដល់កណ្តាលស្ពាន ស្រាប់តែបុរសរូបនោះតោងបង្កាន់ដៃស្ពានរួចលោ.តចុះទៅក្រោមតែម្តង ក្នុងកម្ពស់ប្រមាណ៦ម៉ែត្រ ។
តាមប្រភពព័ត៌មានបានអោយដឹងបន្តថា បន្ទាប់ពីលោ.តចុះមកក្រោម បណ្តាលឱ្យបុរសរងគ្រោះធ្លា.ក់បោកនឹងថ្នល់រងរបួសធ្ងន់ ដេកនៅនឹងកន្លែង បង្កអោយមានការភ្ញាក់ផ្អើលយ៉ាងខ្លាំង ស្របពេលនោះដែរ ស្រាប់តែមានរថយន្តមួយគ្រឿងម៉ាកឡង់គ្រីស្ស័រ ពណ៌ស ពាក់ស្លាកលេខ ភ្នំពេញ ២BD-7883 បើកបរដោយបុរសម្នាក់ ធ្វើដំណើរឆ្លងកាត់ក្នុងទិសដៅពីកើតទៅលិច ហើយបត់តាមក្រោមស្ពានអាកាស៥មករា ក៏បានកិ.នចំជើងបុរសនោះបន្ថែមទៀត ។ បន្ទាប់ពីកិនបុរសរងគ្រោះ រថយន្តស៊េរីទំនើបមួយគ្រឿងនោះ ត្រូវបាននគរបាលឃាត់ទុកតែម្តង។
ទាក់ទិននឹងករណីខាងលើនេះ គេពុំដឹងថា មកពីមូលហេតុអ្វីនោះទេ ទើបបុរសរងគ្រោះធ្វើបែបនេះ ។ បើតាមនគរបាលមានការសង្ស័យថា បុរសរងគ្រោះរូបនោះបែកថ្នាំ ។
ក្រោយពេលកើតហេតុ នគរបាលក៍បានទាក់ទងរថយន្តសង្គ្រោះរបស់មន្ទីរសំរាកព្យាបាលឯកជនឱ្យមកដឹកបញ្ជូនទៅកាន់មន្ទីរពេទ្យព្រះកុសុមៈ ប៉ុន្តែពេទ្យមិនទទួលក៍បានបញ្ជូនមកមន្ទីរសំរាកព្យាបាលឯកជនវិញ ។ ដោយឡែករថយន្តស៊េរីទំនើបមួយគ្រឿងខាងលើ ត្រូវបាននគរបាលមូលដ្ឋានបញ្ជូនទៅកាន់ការិយាល័យនគរបាលចរាចរណ៍ផ្លូវគោកដើម្បីដោះស្រាយ ៕
ចែករំលែកព័តមាននេះ