ADផ្ទាំងផ្សព្វផ្សាយពាណិជ្ជកម្ម

Picture

អ្នកជំងឺ​ទឹកនោមផ្អែម ម្នាក់ទៀត បាន​ស្លាប់ ដោយសារ​ជំងឺ​កូ​វីដ​១៩ នៅ​ប៉ៃលិន​

1 ខែ មុន
  • Pailin

ខេត្ត​ប៉ៃលិន​៖ បុរស​ម្នាក់ បាន​មរណភាព ដោយសារ​ជំងឺ​ទឹកនោមផ្អែម​ប្រភេទ​ទី​២ (​រ៉ាំរ៉ៃ​) និង​វិបត្តិ​ផ្លូវដង្ហើម​ធ្ងន់ធ្ងរ​ស្រួចស្រាវ បណ្តាលមកពី​វីរុស​កូ​វីដ​-១៩​។ បុរស​រូបនេះ មាន​ទីលំនៅ ក្នុងភូមិ​ផ្សារ​ព្រំ​ជើង…

ខេត្ត​ប៉ៃលិន​៖ បុរស​ម្នាក់ បាន​មរណភាព ដោយសារ​ជំងឺ​ទឹកនោមផ្អែម​ប្រភេទ​ទី​២ (​រ៉ាំរ៉ៃ​) និង​វិបត្តិ​ផ្លូវដង្ហើម​ធ្ងន់ធ្ងរ​ស្រួចស្រាវ បណ្តាលមកពី​វីរុស​កូ​វីដ​-១៩​។ បុរស​រូបនេះ មាន​ទីលំនៅ ក្នុងភូមិ​ផ្សារ​ព្រំ​ជើង ឃុំ​ស្ទឹង​កាច់ ស្រុក​សាលា​ក្រៅ ខេត្ត​ប៉ៃលិន​។​

​លោក ឃ្លោក នួ​យ អភិបាលរង​ខេត្ត​ប៉ៃលិន តំណាង​លោកស្រី បាន ស្រីមុំ អភិបាលខេត្ត បាន​ដឹកនាំ​មន្ត្រីរាជការ យុវជន សហភាព​សហព័ន្ធ​យុវជន​កម្ពុជា​សាខា​ខេត្ត​ប៉ៃលិន​(​ស​.​ស​.​យ​.​ក​.​ខេត្ត​) និង​ចូលរួម​ពី​អាជ្ញាធរ​មូលដ្ឋាន​ភូមិ ឃុំ ស្រុក នាំយក​ស្បៀងអាហារ និង​ថវិកា​មួយចំនួនធំ ចូលរួម​រំលែក​មរណៈ​ទុក្ខ​ជាមួយ​ក្រុមគ្រួសារ​សព​។

​លោក​អភិបាលរង​ខេត្ត បាន​នាំសារ​រំលែក​ទុក្ខ​ដ៏​ក្រៀមក្រំ​របស់លោក​លោកស្រី បាន ស្រីមុំ អភិបាលខេត្ត និង​ជា​ប្រធាន​គណៈកម្មាធិការ​ប្រយុទ្ធ​ប្រឆាំង​ជំងឺ​កូ​វីដ​-១៩ ខេត្ត​ប៉ៃលិន ជូន​គ្រួសារ​សព​។

​ក្នុងនាម​រដ្ឋបាលខេត្ត​ប៉ៃលិន និង​ក្នុងនាម​លោកស្រី​អភិបាលខេត្ត​ផ្ទាល់ យើងខ្ញុំ​ពិតជា​មាន​ក្តី​រន្ធត់​ក្តុក​ដួល​រំជួលចិត្ត​ដ៏​ក្រៀមក្រំ​ជាទីបំផុត​ជាមួយ គ្រួសារ​នៃ​សព លោក​ទូច សា​រ៉ែ​ន ដែល​បាន​មរណភាព​ដោយសារ​ជំងឺ​ទឹកនោមផ្អែម​ប្រភេទ​ទី ២ (​រ៉ាំរ៉ៃ​) និង​វិបត្តិ​ផ្លូវដង្ហើម​ធ្ងន់ធ្ងរ​ស្រួចស្រាវ បណ្តាលមកពី​វីរុស​កូ​វីដ​-១៩​។ ដំណឹង​ដ៏​រន្ធត់ និង​ក្រៀមក្រំ ជាទីបំផុត​នេះ យើងខ្ញុំ​សូម​ចូលរួម​រំលែក​ទុក្ខ​ដ៏​សង្វេគ​សោកស្ដាយ​អាឡោះអាល័យ​ជាទីបំផុត ជាមួយ​គ្រួសារ​នៃ​សព ដែល​បាន​បាត់បង់​ប្ដី ឪពុក​បងប្អូន​ជីតា​ប្រកបដោយ​ព្រហ្ម​វិហារធម៌ និង​ជាទីគោរព​ស្រឡាញ់​បំផុត​របស់​ក្រុមគ្រួសារ​។ ស្ថិតក្នុង​សមាន​ទុក្ខ​ដ៏​សោកសង្រេង​យ៉ាង​ក្រៃលែង​នេះ យើងខ្ញុំ​សូម​លំឱនកាយវាចា​ចិត្ត​លើក​ហត្ថា​ប្រណម​បួងសួង​ដល់​គុណបុណ្យ​ព្រះ​រតនត្រ័យ​វត្ថុ​សាក​សិទ្ធ​ក្នុង​លោក​នឹង​ព្រះ​បារមី​នៃ​ព្រះពុទ្ធ​ព្រះធម៌​ព្រះសង្ឃ​តាម​ជួយ​បួងសួង ជួយ​ថែរក្សា​ដួង​វិញ្ញាណក្ខន្ធ​លោក ទូច សា​រ៉ែ​ន សូម​បាន​ទៅ​សោយសុខ​ក្នុង​សុគតិភព​ជា​និរន្តរ៍​កុំបី​ឃ្លៀងឃ្លាត​ឡើយ​»​។​

​លោក ឃ្លោក នួ​យ បាន​បញ្ជាក់ថា នេះ​ជា​ករណី​ទី​២​ហើយ សម្រាប់​ខេត្ត​ប៉ៃលិន ដែលមាន​អ្នក​មរណភាព ដោយសារ​ជំងឺ​កូ​វីដ ១៩​។​

​លោកស្រី សំរិទ្ធ កល្យាណ ជា​ភរិយា​លោក ទូច សា​រ៉ែ​ន បាន​រៀប​រាប់ទាំង​ទឹកភ្នែក​ពី​ការឆ្លងកាត់​នៃ​ជំងឺ​ដ៏​កាច​សាហាវ​មួយ​នេះ​។ នេះ​ជា​ជំងឺ​គ្មាន​ស្រមោល ដែល​កាច​សាហាវ​ណាស់ សូម​បងប្អូន ប្រជាពលរដ្ឋ​ខ្មែរ​ទាំងអស់ សូម​ការពារ​ខ្លួន អោយបាន​ខ្ជាប់ខ្ជួន កុំអោយ​ដូច​គ្រួសារ​នាង​ខ្ញុំ​។​

​ជាងនេះទៀត លោកស្រី បាន​ថ្លែងអំណរគុណ​លោកស្រី បាន ស្រីមុំ ដែលជា​និច្ច​ជា​កាល លោកជំទាវ តែងតែ​យកចិត្តទុកដាក់​ដល់​ប្រជាពលរដ្ឋ​ក្នុង​ខេត្ត​ប៉ៃលិន ក្នុងការ​ការពារ​ជម្ងឺ កូ​វីដ​១៩​។​

​ស្បៀងអាហារ ដែល​ប្រគល់ជូន​ក្រុមគ្រួសារ​សព នាពេលនេះ រួមមាន អង្ករ ៥០​គីឡូក្រាម ទឹក​សុទ្ធ ៣​យួ ទឹកត្រី ១​យួ ទឹកស៊ីអ៊ីវ ១​យួ ត្រីខ ១​យួ និង​ថវិកា ១០០០០០០ (​មួយ​លាន​រៀល​)​ផងដែរ​៕ នី​យ៉ា​

Picture
Picture
Picture
Picture
Picture