ADផ្ទាំងផ្សព្វផ្សាយពាណិជ្ជកម្ម

រដ្ឋមន្ត្រីស៊ីរី២រូបជួបពិភាក្សាជាមួយលោកពូទីន នៅក្រុងមូស្គូ ដើម្បីពង្រឹងកិច្ចសហប្រតិបត្តិការយុទ្ធសាស្ត្រ និងធ្វើទំនើបកម្មវិស័យយោធា

5 ម៉ោង មុន

២៤ ខែ ធ្នូ ឆ្នាំ ២០២៥ ម៉ោង ១១:០០

ស៊ីរី-រុស្ស៊ី៖ រដ្ឋមន្ត្រីស៊ីរី២រូបបានមកកាន់ក្រុងមូស្គូ ហើយជួបពិភាក្សាជាមួយប្រធានាធិបតីរុស្ស៊ីលោកវ្ល៉ាឌីមៀរពូទីនពីកិច្ចសហប្រតិបត្តិការយោធារវាងប្រទេសទាំង២។ រដ្ឋមន្ត្រីការបរទេសស៊ីរីលោកសាអាសាដអាល់សៃបានី និងរដ្ឋមន្ត្រីការពារប្រទេសលោកមូហាហ្វអាប៊ូកាស្ត្រា បានលើកជាមួយលោកពូទីនពីបញ្ហានយោបាយ យោធានិងសេដ្ឋកិច្ចដែលមានផលប្រយោជន៍រួម ហើយដោយសង្កត់ធ្ងន់លើកិច្ចសហប្រតិបត្តិការយុទ្ធសាស្ត្រ ក្នុងវិស័យឧស្សាហកម្មយោធា។ នេះបើតាមការគូសបញ្ជាក់របស់ទីភ្នាក់ងារព័ត៌មានផ្លូវការស៊ីរីSANA។…

រដ្ឋមន្ត្រីការបរទេសស៊ីរីលោកសាអាសាដអាល់សៃបានី និងរដ្ឋមន្ត្រីការពារប្រទេសលោកមូហាហ្វអាប៊ូកាស្ត្រា បានលើកជាមួយលោកពូទីនពីបញ្ហានយោបាយ យោធានិងសេដ្ឋកិច្ចដែលមានផលប្រយោជន៍រួម ហើយដោយសង្កត់ធ្ងន់លើកិច្ចសហប្រតិបត្តិការយុទ្ធសាស្ត្រ ក្នុងវិស័យឧស្សាហកម្មយោធា។ នេះបើតាមការគូសបញ្ជាក់របស់ទីភ្នាក់ងារព័ត៌មានផ្លូវការស៊ីរីSANA។

នោះនឹងជាកិច្ចសហប្រតិបត្តិការក្នុងការពង្រឹង សមត្ថភាពការពាររបស់កងទ័ពស៊ីរី រួចពិសេសបំផុតដោយធ្វើទំនើបកម្មបណ្ដាឧបករណ៍យោធា ដើម្បីជួយទ្រទ្រង់ដល់សន្តិសុខនិងស្ថេរភាពនៅស៊ីរី និងក្នុងតំបន់។ ការពិភាក្សាក៏ផ្ដោតផងដែរលើបណ្ដាគម្រោងសេដ្ឋកិច្ច ពិសេសការកសាងប្រទេសឡើងវិញ។

ប្រធានាធិបតីស្ដីទីស៊ីរីលោកអាហ៍មេដអាល់ចារ៉ាអា ធ្លាប់និយាយកាលពីខែតុលាថា ចង់ស្ដារឡើងវិញទំនាក់ទំនង រវាងក្រុងដាម៉ាស់និងក្រុងមូស្គូ ពេលលោកជួបជាមួយលោកពូទីនដំបូង ចាប់តាំងពីការផ្ដួលរំលំរបបលោកបាចាអាល់អាសាដមក។

លោកអាសាដបានរស់នៅនិរទេសជាមួយគ្រួសារនៅរុស្ស៊ី ក្រោយរត់គេចខ្លួនចេញពីក្រុងដាម៉ាស់ កាលពីខែធ្នូឆ្នាំ២០២៤មក។ រុស្ស៊ីនិយាយថា ត្រៀមជួយស៊ីរីក្នុងការកសាងឡើងវិញ ក្រោយប្រទេសនេះរងការបំផ្លាញដោយសង្គ្រាមជិត១៤ឆ្នាំ ៕