ADផ្ទាំងផ្សព្វផ្សាយពាណិជ្ជកម្ម

Picture

ម្ចាស់​កាណូត​ទេសចរណ៍​២​ក្រុម​ដេញ​បុក​គ្នា​ផ្អើល​ដង​ទន្លេ រួច​រត់​ចូល​ហាង​ផ្អើល​ទាំង​ភ្ញៀវ

2 ខែ មុន
  • ភ្នំពេញ

បើ​តាម​សេចក្តីរាយការណ៍​បានឱ្យ​ដឹង​ថា អ្នក​រកស៊ី​កាណូត​ទេសចរណ៍​ដឹក​អ្នកដំណើរ​២​ក្រុម​ប្រចាំ​នៅ​មាត់ច្រាំង​ទន្លេ មុខ​ផ្សារ​រាត្រី ដោយសារ​តែ​ការ​រកស៊ី​កាច់​កុង​គ្នា រហូត​បង្ក​ជា​ជម្លោះ​ហិ​.​ង្សា​វាយ​គ្នា​ទៅ​វិញ​ទៅ​មក បែក​មុខ បែក​មាត់ ហើយ​ឈាន​ដល់​បើក​កាណូត​​ដេញ​បុក​គ្នា​ផ្អើល​ពេញ​

រាជធានី​ភ្នំពេញ ៖ បើ​តាម​សេចក្តីរាយការណ៍​បានឱ្យ​ដឹង​ថា អ្នក​រកស៊ី​កាណូត​ទេសចរណ៍​ដឹក​អ្នកដំណើរ​២​ក្រុម​ប្រចាំ​នៅ​មាត់ច្រាំង​ទន្លេ មុខ​ផ្សារ​រាត្រី ដោយសារ​តែ​ការ​រកស៊ី​កាច់​កុង​គ្នា រហូត​បង្ក​ជា​ជម្លោះ​ហិ​.​ង្សា​វាយ​គ្នា​ទៅ​វិញ​ទៅ​មក បែក​មុខ បែក​មាត់ ហើយ​ឈាន​ដល់​បើក​កាណូត​​ដេញ​បុក​គ្នា​ផ្អើល​ពេញ​កណ្ដាលទន្លេ​ទាំង​កណ្តាលរាត្រី បង្ក​ឱ្យ​មានការ​ភ្ញាក់ផ្អើល​កាលពី​វេលា​ម៉ោង​១១​និង​២៥​នាទី​រំលង​អធ្រាត្រ​ឈាន​ចូល​ថ្ងៃ​ទី​២១ ខែមិថុនា ឆ្នាំ​២០២១ នៅ​មាត់ច្រាំង​ទន្លេ ផ្លូវ​ព្រះ​ស៊ី​សុវត្ថិ កែង​ផ្លូវ​១៧៨ ស្ថិត​ក្នុង​សង្កាត់​ជ័យ​ជំនះ ខណ្ឌដូនពេញ​។

Picture

ប្រភព​ពី​អ្នកដឹង​ហេតុការណ៍​ច្បាស់​សុំ​មិន​ប្រាប់​ឈ្មោះ បាន​និយាយ​ប្រាប់​ដំណើររឿង​ឱ្យ​ដឹង​ថា រឿង​នេះ គឺ​ផ្តើម​ចេញពី​រឿង​រកស៊ីរ​បរដូច​គ្នា នឹង​កាច់​កុង​គ្នា​ជា​យូរ​មក​ហើយ ដោយឡែក​កាណូត​ទេសចរណ៍​របស់​បុរស​ទាំង​ពីរ​នាក់​ដែល​អះអាង​ថា ខ្លួន​ជា​ជន​រង​គ្រោះ​នោះ​គ្មាន​ឈ្មោះ​យីហោ​នោះ​ទេ ហើយ​ភាគី​ម្ខាង​ទៀត​មាន​កាណូត​ឈ្មោះ ណា​រិ​ន​។

Picture

ប្រភព​ដដែល​បន្ត​ថា នៅ​មុន​ពេល​កើតហេតុ កាណូត​ដែល​អត់​មានឈ្មោះ​យីហោ បាន​បើក​មក​ចត​នៅ​មាត់ច្រាំង​ទន្លេ ស្ថិត​ក្នុង​សង្កាត់​ជ័យ​ជំនះ ខណ្ឌដូនពេញ ដើម្បី​អង្គុយ​លេង​នៅ​លើ​សួន​មាត់ទន្លេ​ចាំ​ហៅភ្ញៀវ​ជិះ​កំសាន្ត ស្រាប់តែ​កាណូត​ទេសចរណ៍​របស់​ឈ្មោះ ណា​រិ​ន បាន​មក​ឈប់​នៅ​ក្បែរ​នោះ​ដែរ ហើយ​ក៏​បាន​រករឿង​ឈ្លោះប្រកែក​គ្នា​ជាមួយ​បុរស​ទាំង​២​នាក់​នោះ និង​បាន​ហៅ​គ្នីគ្នា​ដែល​រកស៊ី​បើកកាណូត​ដូច​គ្នា​មក​វាយ​ពួក​គាត់​២​នាក់​មុន បណ្តាល​ឲ្យ​រង​របួស​បែក​មុខ បែក​មាត់ រួច​ក៏​នាំ​គ្នា​បើកកាណូត​រត់គេច​ខ្លួន​ទៅ​ចត​នៅ​ច្រាំង​ទន្លេ​សណ្ឋាគារ​សុខា ស្ថិត​នៅ​ខណ្ឌ​ជ្រោយចង្វារ​តែ​ម្តង ។

Picture

ប្រភព​ដដែល​បន្ត​ទៀត​ថា ដោយសារ​បែប​នេះ ក៏​ធ្វើ​ឲ្យ​ក្រុម​កាណូត​ដែល​អត់​មាន​យីហោ​បាន​ហៅ​គ្នីគ្នា​បើកកាណូត​មក​ជួយ និង​បើកកាណូត​ទៅ​ដេញ​វាយ​ក្រុម​កាណូត​យីហោ ណា​រិ​ន វិញ រហូត​ដល់​កណ្តាលទន្លេ​ធ្វើ​ឲ្យ​កាណូត​យីហោ ណា​រិ​ន ភ័យ​ក៏​បាន​បើកកាណូត​ទៅ​ត្រើយម្ខាង​មាត់ច្រាំង​ទន្លេ​សណ្ឋាគារ​សុខា ហើយ​រត់​ឡើងគោក រួច​ក៏​រត់​ចូល​ក្នុង​ហាង យីហោ «​អយ​ស្ទ័​រ​សមុទ្រ​ខ្មែរ​» ដើម្បី​អោយ​គេ​ជួយ តែ​ត្រូវ​ភាគី​ខាង​ម្ខាង​ទៀត​បាន​សម្រុកចូល​ទៅ​វាយ​ដល់​ក្នុង​ហាង បណ្តាល​ឱ្យ​រង​របួស​បែក​មុខ បែក​មាត់​ដូច​គ្នា ធ្វើ​ឲ្យ​ភ្ញៀវ​ក្នុង​ហាង «​អយ​ស្ទ័​រ​សមុទ្រ​ខ្មែរ» ភ័យ​ស្លន់ស្លោ​រត់​ចេញ​អស់ និង​វាយ​ខូចខាត​សម្ភារៈ​ចាន​កែវ តុ កៅអី ក្នុង​ហាង​មួយ​ចំនួន​រង​ការ​ខូចខាត​តែ​ម្តង ។

Picture

ប្រភព​ដដែល​បាន​បន្ត​ទៀត​ថា បន្ទាប់​ពី​បង្ក​ហិង្សា​រួច ភាគី​ម្ចាស់​កាណូត​ទាំង​សងខាង​បាន​នាំ​គ្នា​រត់​ចែក​ជើង​គ្នា​ឡើង​កាណូត​បើក​រត់​មក​ច្រាំង​ទន្លេ សង្កាត់​ជ័យ​ជំនះ ខណ្ឌដូនពេញ​វិញ តែ​ក៏​ត្រូវ​ម្ចាស់​ហាង​អយ​ស្ទ័​រ ប្តឹង​សមត្ថកិច្ច​ឱ្យ​ជួយ​អន្តរាគមន៍​ឃាត់​បាន​កាណូត​ជា​ច្រើន​គ្រឿង និង​អ្នក​របួស​ជា​ច្រើន​នាក់ នាំ​ទៅ​កាន់​ប៉ុស្តិ៍​នគរបាល​ជ័យ​ជំនះ​ដើម្បី​សួរនាំ ។

Picture

ក្រោយ​ពេល​កើតហេតុ អ្នក​រកស៊ី​កាណូត​ទេសចរណ៍​ទាំង​២​ក្រុម បាន​អះអាង​ថា ខ្លួន​ជា​ជន​រង​គ្រោះ​ដូច​ៗ​គ្នា និង​បាន​ដាក់​ពាក្យបណ្តឹង​ប្តឹងផ្តល់​គ្នា​ទៅ​វិញ​ទៅ​មក ហើយ​ទាំង​សងខាង​ក៏​សូម​ឲ្យ​សមត្ថកិច្ច​ជួយ​អន្តរាគមន៍​ដើម្បី​ចាត់ការ​តាម​ច្បាប់​ផង​ដែរ ។ ចំណែក​ម្ចាស់​ហាង «​អយ​ស្ទ័​រ​សមុទ្រ​ខ្មែរ​» វិញ ក៏​បាន​មក​ដាក់​ពាក្យបណ្ដឹង ប្តឹង​អ្នក​រកស៊ី​កាណូត​ទេសចរណ៍​ទាំង​២​ក្រុម​នោះ ទាមទារ​សំណង​នៃ​ការ​ខូចខាត​សម្ភារៈ​ក្នុង​ហាង​របស់​គាត់​វិញ​។

ក្រោយ​កើតហេតុ ដោយសារ​តែ​ភាគី​ទាំង​សងខាង​សុទ្ធតែ​រង​របួស​ដូច​គ្នា សមត្ថកិច្ច​ក៏​បាន​ទទួល​ពាក្យបណ្តឹង​ទាំង​សងខាង រួច​ហើយ​ឲ្យ​អ្នក​រង​របួស​ទៅ​ព្យាបាល​របួស​សិន​៕

Picture
Picture
Picture
Picture