កម្មករ-កម្មការីនីនៅតំបន់បិទខ្ទប់រោងចក្រQMI បានទទួលអំណោយរដ្ឋ
- ភ្នំពេញ
រាជធានីភ្នំពេញ ៖ អំណោយជាស្បៀងសង្គ្រោះបន្ទាន់ត្រូវបានអាជ្ញាធរខណ្ឌពោធិ៍សែនជ័យនាំយកទៅចែកជូនដល់កមកម្មករ កម្ម
រាជធានីភ្នំពេញ ៖ អំណោយជាស្បៀងសង្គ្រោះបន្ទាន់ត្រូវបានអាជ្ញាធរខណ្ឌពោធិ៍សែនជ័យនាំយកទៅចែកជូនដល់កមកម្មករ កម្មការីចំនួន១៧៥៨បន្ទប់ នៅក្នុងតំបន់បិទខ្ទប់ ស្ថិតក្នុងភូមិត្រពាំងពោធិ៍ សង្កាត់ចោមចៅ៣ ខណ្ឌពោធិ៍សែនជ័យ រាជធានីភ្នំពេញ។
ពិធីចែកអំណោយខាងលើនេះបានរៀបចំឡើងកាលពីព្រឹកថ្ងៃទី២០ ខែមិថុនា ឆ្នាំ២០២១ នៅចំណុចតំបន់បិទខ្ទប់រោងចក្រQMI
ស្ថិតក្នុងផ្សារត្រពាំងពោធិ៍ ខណ្ឌពោធិសែនជ័យ ដោយមានការអញ្ចើញចូលរួមចែកពីលោកប៉ាង លីដាអភិបាលរងខណ្ឌពោធិ៍សែនជ័យនិងតំណាងម្ចាស់អំណោយ និងមានការអញ្ជើញមកទទួលពីម្ចាស់់់ផ្ទះជួល ដើម្បីមកទទួលយកទៅចែកអោយកម្មករបន្តទៀតដើម្បីកាត់បន្ថយការប្រមូលផ្តំគ្នា។
អំណោយទាំងនោះបម្រាប់តែកម្មករកម្មការីនីតែប៉ុណ្ណោះក្នុង១បន្ទប់ទទួលបានអង្គ២៥គីឡូក្រាម ត្រីខ១យូរ និងប្រេងឆាមួយដបដែលជាអំណោយសង្គ្រោះរបស់ទីភ្ញាក់ងារស្វីស សម្រាប់ការអភិវឌ្ឍនិងសហប្រតិបត្តិការនិងសហការឧបត្ថម្ភនិងអនុវត្តដោយអង្គការហេក្សកម្ពុជានិងសហការអាជ្ញាធរមូលដ្ឋាន។
លោកប៉ាង លីដា តំណាងឱ្យលោកហែម ដារិទ្ធ អភិបាលខណ្ឌ ក៏បានណែនាំដល់់ម្ចាស់ផ្ទះជួយទាំងអស់មេត្តាជួយជួយគ្នាណែនាំដល់បងប្អូនកម្មករ កម្មការីនីគោរពអោយបានភ្ជាប់ខ្ចួននូវវិធានការសុខាភិបាល៣ការពារ៣កុំដើម្បីធ្វើយ៉ាងណាអោយភូមិយើងលែងមានកូវីដតទៅទៀត។
រោងចក្រកាត់ដេរហ្គ្រេនធ្វីន ហៅរោងចក្រQMIមានកម្មក រ ប្រមាណជិត៤ពាន់នាក់ បានផ្ទុះវិជ្ជមានកូវីដជាបន្ត បន្ទាប់រហូតដល់៣០២នាក់ កាលពីថ្ងៃទី៤-៥ និងទី៦ ខែមិថុនា ឆ្នាំ២០២១ ។ លុះរសៀលថ្ងៃទី៨ ខែ មិថុនា ឆ្នាំ២០២១ អាជ្ញាធរបានដឹករនាំងដែក ត្រៀម បិទខ្ទប់តាមសម្រេចរបស់រដ្ឋបាលរាជធានីភ្នំពេញ ដែលបានកំណត់ផ្នែកខ្លះ នៃភូមិចោមចៅ៣ នៃសង្កាត់ចោមចៅទី២ និងផ្នែកខ្លះនៃភូមិត្រពាំងពោធិ៍ ផ្នែកខ្លះ នៃភូមិព្រៃព្រីងខាងជើង២ និងផ្នែកខ្លះនៃភូមិជម្ពូវ័ន២ នៃសង្កាត់ចោមចៅទី៣ ខណ្ឌពោធិ៍សែនជ័យ ជា តំបន់លឿងទុំ សម្រាប់រយៈពេល១៤ថ្ងៃ គិតចាប់ពីម៉ោងសូន្យ នាថ្ងៃទី១០ រហូតដល់ថ្ងៃទី២៣ ខែមិថុនា ឆ្នាំ២០២១ ដើម្បីទប់ស្កាត់ការឆ្លងរាលដាលនៃជំងឺកូវីដ-១៩ ។
នៅថ្ងៃទី១៩ខែមិថុនាឆ្នាំង២០២១ក្រុមគ្រូពេទ្យបានចុះយកសំណាកលើកទី២នៅក្នុងរោងចក្ររកឃើញកម្មករ កម្មការីនីចំនួន៦៩នាក់ទៀតវិជ្ជមានកូវីដ១៩។
គួរបញ្ជាក់ថានៅពេលបិទខ្ទប់ នោះកម្មករបានភ័យស្លន់ស្លោនាំគ្នារត់ចេញអស់។
ដោយឡែកនៅក្នុងភូមិត្រពាំងពោធិ៍មានកម្មករស្នាក់នៅក្នុងតំបន់បិទខ្ទប់ចំនួន៣១០៨បន្ទប់ ហើយនៅសល់តែចំនួន១៧៥៨បន្ទប់ទទួលបានអំណោយនៅពេលនេះ៕
ចែករំលែកព័តមាននេះ