ADផ្ទាំងផ្សព្វផ្សាយពាណិជ្ជកម្ម

Picture

រកឃើញកម្មករកម្មការីនីរោងចក្រ QMI ចំនួន៦៩នាក់ វិជ្ជមានកូវីដ១៩

3 ខែ មុន
  • ភ្នំពេញ

រាជធានី​ភ្នំពេញ ៖ កម្មករ​កម្ម​ការី​នី​រោងចក្រ​ហ្គ្រេ​ន​ធ្វី​ន អ៊ី​ន​ធើ​ណេ​សិន​ណ​ល (​ខេ​ម​បូ​ឌា​) ភី​អិ​ល​ស៊ី ហៅ​រោងចក្រ QMI ចំនួន​៦៩​នាក់​ត្រូវ​បាន​រក​ឃើញ​វិជ្ជមាន​កូ​វី​ដ​១៩ បន្ទាប់​ពី​យក​សំណាក​លើក​២​នេះ​ហើយ…

រាជធានី​ភ្នំពេញ ៖ កម្មករ​កម្ម​ការី​នី​រោងចក្រ​ហ្គ្រេ​ន​ធ្វី​ន អ៊ី​ន​ធើ​ណេ​សិន​ណ​ល (​ខេ​ម​បូ​ឌា​) ភី​អិ​ល​ស៊ី ហៅ​រោងចក្រ QMI ចំនួន​៦៩​នាក់​ត្រូវ​បាន​រក​ឃើញ​វិជ្ជមាន​កូ​វី​ដ​១៩ បន្ទាប់​ពី​យក​សំណាក​លើក​២​នេះ​ហើយ ត្រូវ​បាន​រថយន្ត​ពេទ្យ​ចំនួន​៧​គ្រឿង ដឹក​ចេញពី​ទីតាំង​រោងចក្រ​ទៅ​ព្យាបាល​ជា​បន្តបន្ទាប់ ។

Picture

រោងចក្រ​ហ្គ្រេ​ន​ធ្វី​ន អ៊ី​ន​ធើ​ណេ​សិន​ណ​ល​(​ខេ​ម​បូ​ឌា​)​ភី​អិ​ល​ស៊ី ហៅ​រោងចក្រ QMI ជា​រោងចក្រ កាត់ដេរ ដែល​មា​នទី​តាំងនៅ​ក្នុងភូមិ ត្រពាំង​ពោធិ៍ សង្កាត់​ចោម​ចៅ​ទី​៣ ខណ្ឌ​ពោធិ៍​សែន​ជ័យ​ត្រូវ​បាន​ក្រុម​គ្រូពេទ្យ​ចុះ​យក​សំណាក​លើក​ទី​២ កាលពី​វេលា​ម៉ោង​ប្រមាណ​ជាង​៩​ព្រឹក ថ្ងៃ​ទី​១៩ ខែមិថុនា ឆ្នាំ​២០២១ នៅ​ក្នុង​ទីតាំង​រោងចក្រ ។

Picture

តាម​ព័ត៌មាន​ព័ត៌មាន​អោយ​ដឹង​ថា នៅ​ក្នុង​យុទ្ធនាការ​យក​សំណាក​ជា​លើក​ទី​២​នេះ បាន​បញ្ចប់​នៅ​វេលា​ម៉ោង​ប្រមាណ​៤​រសៀល ជា​លទ្ធផល​រក​ឃើញ មាន​វិជ្ជមាន​ចំនួន ៦៩​នាក់ ក្នុង​ចំណោម​អ្នក​យក​សំណាក់​ទាំងអស់​ចំនួន ២៤៣៤​នាក់ ។ នេះ​បើ​តាម​ការ​អោយ​ដឹង​ពី​អាជ្ញាធរ និង​សន្តិសុខ​រោងចក្រ ។

Picture

ទោះបីជា​យ៉ាងណា​ការ​យក​សំណាក​នេះ ពុំ​ទាន់​អស់​នៅឡើយ ដោយ​កម្មករ មួយ​ចំនួន​មិន​ទាន់​បាន​មក​យក​សំណាក​នោះ​ឡើយ និង​ខ្លះ​ទៀត​ពុំ​ទាន់​ដឹង ។

Picture

តាម​ព័ត៌មាន​បានអោយ​ដឹង​ទៀត​ថា បន្ទាប់​ពី​រក​ឃើញ​វិជ្ជមាន នៅ​វេលា​ម៉ោង​ប្រមាណ ២​រសៀល រថយន្ត​ពេទ្យ ចំនួន ៤​គ្រឿង​មក​ដឹក​អ្នកជំងឺ បណ្តើរ​ទៅ​ព្យាបាល ។ លុះ​នៅ​វេលា​ម៉ោង​ប្រមាណ​ជាង​៦​ទៅ​៧​យប់ រថយន្ត​ចំនួន​៣​គ្រឿង​ទៀត បាន​បន្ត​មក​ដឹក​បញ្ជូន ទៅ​ព្យាបាល នៅ​ដឹ​ព្រេ​មៀ​សេន​ធ័​រ​សែន​សុខ និង​ស្តា​ត​អូ​ឡាំ​ពិ​ច ។

Picture

តាម​សេច​ក្កី ជូនដំណឹង​របស់​នាក​យ​រោច​ក្រ បានអោយ​ដឹង​ថា បងប្អូន​ដែល​យក​សំណាក​លើក​ទី​១ រួច​ហើយ​ចាំបាច់ ត្រូវ​យក​សំណាក់​លើក​ទី​២​ម្តងទៀត ចាប់ពី​ថ្ងៃ​ទី​១៩ ខែមិថុនា ឆ្នាំ​២០២១​ជា​កំហិត នៅ​រោងចក្រ ហ្គ្រេ​ន​ធ្វី​ន​វេលា​ម៉ោង​៩​ព្រឹក ។ បើ​អវិជ្ជមាន​ពេទ្យ ចេញ​លិខិត និង​បោះត្រា​ជួន​វិញ ហើយ​បងប្អូន​កាន់​លិខិត​ដើម្បី​ចូល​ធ្វើ​នៅ​ថ្ងៃ​ទី​២៤ ខែមិថុនា ឆ្នាំ​២០២១​នេះ បើ​គ្មាន​ការ​ប្រែប្រួល​ពី​អាជ្ញាធរ​តាម​លិខិត​សម្រេច​លេខ ១៣៩/២១​សសរ​ចុះ​០៨​ខែមិថុនា ឆ្នាំ​២០២១ ។

Picture

សូម​បញ្ជាក់ បើ​គ្មាន​លិខិត​ពិនិត្យ​សំណាក​លើក​ទី​២ អវិជ្ជមាន​នោះ​ទេ ក្រុមហ៊ុន​ពុំ​អនុញ្ញាត​អោយ​ចូល​ធ្វើការ​ជា​ដាច់ខាត​ដោយ​យោង​តាម​ការ​ណែនាំ​របស់​អនុ​គណៈកម្មការ​ក្រសួង​ការងារ​ក៏​ដូច​ជា អាជ្ញាធរ​គ្រប់​លំដាប់ថ្នាក់ ។

គួរ​បញ្ជាក់​ថា រោងចក្រ​កាត់ដេរ​ហ្គ្រេ​ន​ធ្វី​ន អ៊ី​ន​ធើ​ណេ​សិន​ណ​ល​(​ខេ​ម​បូ​ឌា​)​ភី​អិ​ល​ស៊ី ហៅ​រោងចក្រ QMI បាន​ផ្ទុះ​វិជ្ជមាន​កូ​វី​ដ​ជា​បន្ត បន្ទាប់ រហូត​ដល់​៣០២​នាក់ តាំងពី​ថ្ងៃ​ទី​០៤,០៥,​និង​ទី​៦ ខែមិថុនា ឆ្នាំ ២០២១​។ លុះ​រសៀល ថ្ងៃ​ទី​០៨ ខែមិថុនា ឆ្នាំ​២០២១​អាជ្ញាធរ បាន​ដឹក​រនាំង​ដែក បិទ​ខ្ទប់​នៅ​តំបន់​ជុំវិញ តាម​សម្រេច​របស់​រដ្ឋបាល​រាជធានី​ភ្នំពេញ​ដែល​បាន​កំណត់​ផ្នែក​ខ្លះ​នៃ​ភូមិ​ចោម​ចៅ​៣ នៃ​សង្កាត់​ចោម​ចៅ​ទី​២ និង​ផ្នែក​ខ្លះ​នៃ​ភូមិ​ត្រពាំង​ពោធិ៍ ផ្នែក​ខ្លះ នៃ​ភូមិ​ព្រៃ​ព្រីង​ខាងជើង​២ និង​ផ្នែក​ខ្លះ​នៃ​ភូមិ​ជម្ពូ​វ័ន​២ នៃ​សង្កាត់​ចោម​ចៅ​ទី​៣ ខណ្ឌ​ពោធិ៍​សែន​ជ័យ ជា​«​តំបន់​លឿងទុំ​» សម្រាប់​រយៈពេល​១៤​ថ្ងៃ គិត​ចាប់ពី​ម៉ោង​សូន្យ នា​ថ្ងៃ​ទី​១០ រហូត​ដល់​ថ្ងៃ​ទី​២៣ ខែមិថុនា ឆ្នាំ​២០២១ ដើម្បី​ទប់ស្កាត់​ការ​ឆ្លង​រាលដាល​នៃ​ជំងឺ​កូ​វី​ដ​-១៩ ។

Picture

ទោះបីជា​យ៉ាងណា គេ​ពុំ​ទាន់​ដឹង​ថា ការ​បិទ​ខ្ទប់​នេះ​នឹង​បន្ត​រហូត​ដល់​ពេល​ណា​នោះ​ទេ បើសិនជា​នៅ​តែ​រក​ឃើញ​កម្មករ វិជ្ជមាន​បែប​នេះ ។ អ្វី​ដែល​មានការ​ព្រួយបារម្ភ​នោះ នៅ​ក្នុង​ការ​បិទ​ខ្ទប់​នោះ កម្មករ​កម្ម​ការី​នី មួយ​ចំនួន​ធំ​បាន​រត់​ចេញ ទៅ​ស្នាក់​នៅ កន្លែង​ផ្សេង និង​ខ្លះ​ទៀត បាន​ធ្វើ​ដំណើរ​ទៅ​ស្រុក​កំណើត ។

បើសិនជា​កម្មករ ទាំងនោះ​មាន​វិជ្ជមាន​វា​អាច​ទៅ​ចំ​លង់​បងប្អូន និង​ក្រុម​គ្រួសារ​នៅ​តាម​បណ្តាល​ខេត្ត ផង​ដែរ ៕