ADផ្ទាំងផ្សព្វផ្សាយពាណិជ្ជកម្ម

Picture

សហគមន៍​កសិកម្ម​ទឹក​ហូត ខេត្តកំពង់ឆ្នាំងមាន​ទុន​ជាង​៧៦​លាន​រៀល​ដើម្បី​ជួយ​គ្នា

2 ឆ្នាំ មុន

ខេត្តកំពង់ឆ្នាំង ៖ សហគមន៍​កសិកម្ម​ទឹក​ហូត​មាន​ជ័យ​ក្តី​សង្ឃឹម​មាន​ទុន​ត្រឹមតែ​ជាង​៣​លាន​រៀល​ប៉ុណ្ណោះ ។ ដោយ​មានការ​សម្របសម្រួល​បង្កើត និង​គាំទ្រ​ដោយ​អង្គការ​ហេ​ហ្វឺ​អន្តរជាតិ​កម្ពុជា​ក្នុង​គម្រោង​លើកកម្ពស់​ទីផ្សារ​សម្រាប់​កសិករ​ខ្នាត​តូច និង​មន្ទីរ​កសិកម្ម រុក្ខា​ប្រមាញ់ និង​នេសាទ ខេត្តកំពង់ឆ្នាំង…

ខេត្តកំពង់ឆ្នាំង ៖ សហគមន៍​កសិកម្ម​ទឹក​ហូត​មាន​ជ័យ​ក្តី​សង្ឃឹម​មាន​ទុន​ត្រឹមតែ​ជាង​៣​លាន​រៀល​ប៉ុណ្ណោះ ។ ដោយ​មានការ​សម្របសម្រួល​បង្កើត និង​គាំទ្រ​ដោយ​អង្គការ​ហេ​ហ្វឺ​អន្តរជាតិ​កម្ពុជា​ក្នុង​គម្រោង​លើកកម្ពស់​ទីផ្សារ​សម្រាប់​កសិករ​ខ្នាត​តូច និង​មន្ទីរ​កសិកម្ម រុក្ខា​ប្រមាញ់ និង​នេសាទ ខេត្តកំពង់ឆ្នាំង សហគមន៍​កសិកម្ម​មួយ​នេះ​បាន​ពង្រីក​សមាជិក​របស់​ខ្លួន ចំនួន​១៤០​គ្រួសារ និង​មាន​ទុន​ជា​ទឹកប្រាក់​សរុប​ចំនួន ៧៦,៣​លាន​រៀល​សម្រាប់​ប្រតិបត្តិការ​អាជីវកម្ម​សហគមន៍​លើ​ផ្ទៃដី​សរុប ៨៦​ហិ​កតា នា​ពេល​បច្ចុប្បន្ន ។

លោក ងិ​ន ហ៊ុន ប្រធាន​មន្ទីរ​កសិកម្ម រុក្ខា​ប្រមាញ់ និង​នេសាទ​ខេត្តកំពង់ឆ្នាំង​បាន​ឲ្យ​ដឹង​ថា សហគមន៍​នេះ បាន​ចុះបញ្ជី​ស្របច្បាប់​នៅ​ថ្ងៃ​ទី​០៦ ខែមេសា ឆ្នាំ​២០១៦ ។ អាជីវកម្ម​សំខាន់​ៗ​របស់​សហគមន៍​មាន​ដូច​ជា ការ​ផ្តល់​ឥណទាន​កសិកម្ម​ដោយ​គ្របដណ្តប់​វិសាលភាព​ទូ​ទាំង​ឃុំ​ទឹក​ហូត​ផ្គត់ផ្គង់​ធាតុ​ចូល​កសិកម្ម និង​ពូជ​បន្លែ​ដល់​សមាជិក ការ​ចិញ្ចឹម​មាន់ និង​ដាំ​បន្លែ​សុវត្ថិភាព ដូច​ជា ខ្ទឹម​ស្លឹក ស្ពៃខៀវ ស្ពែ​តឿ សាឡាដ និង​ភ្លៅកង្កែប​។

តាម​រយៈ​ការ​ដាំ​ដុះ​ក្នុងផ្ទះ​សំណាញ់​ដែល​ជា​បច្ចេកទេស​កសិកម្ម​ថ្មី​គាំទ្រ​ដោយ​កម្មវិធី​ផ្សព្វផ្សាយ​បច្ចេកទេស​កសិកម្ម​ថ្មី​ដែល​ធន់​ទៅ​នឹង​ការ​ប្រែប្រួល​អាកាសធាតុ ដែល​ហៅ​កាត់​ថា ASPIRE សហការ​ជាមួយ​មន្ទីរ​កសិកម្ម រុក្ខា​ប្រមាញ់ និង​នេសាទ​ខេត្ត និង​ការ​អនុវត្ត​ផលិតកម្ម​កសិកម្ម​តាម​កិច្ចសន្យា​រវាង​សហ​គន៍ និង​អ្នក​ប្រមូល​ទិញ បច្ចុប្បន្ន​សហគមន៍​មាន​លទ្ធភាព​ផលិត និង​លក់​ខ្ទឹម​ស្លឹក​ដែល​ជា​ដំណាំង អាទិភាព​របស់​សហគមន៍​ពី ៣​ទៅ​៤​តោន​ក្នុង ១​ថ្ងៃជា​ប្រចាំ​ទៅ​កាន់​ទីផ្សារ​ភ្នំពេញ និង​ទីផ្សារ​នានា ។

ការ​បង្កើត​សហគមន៍​កសិករ​ជា​មធ្យោបាយ​សំខាន់​សម្រាប់​ជួយ​ពលរដ្ឋ​ក្នុង​ការ​អាច​ជួយ​គ្នា​ទៅ​មក​លើ​បញ្ហា​ថវិកា​ដោយ​សហគមន៍​បាន​បង្កើត​ក្រុម​សន្សំ​ហើយ​ផ្តល់​ប្រាក់​កម្ចី​ឲ្យ​សមាជិក ផ្តល់​ចំណេះដឹង​បច្ចេកទេស​ដាំ​ដុះ និង​ព័ត៌មាន​ទីផ្សារ​ពី​គ្នា​ជាដើម ។

កន្លង​មក​មាន​អង្គការក្រៅរដ្ឋាភិបាល​ជា​ច្រើន​បាន​ចុះ​សហគមន៍ ហើយ​បាន​ជំរុញ​ឲ្យ​កសិករ​បង្កើត​ក្រុម​សន្សំ​នៅ​ក្នុង​ជាទី​ទៅ​គេ​ច្រើន​ដាក់​ឈ្មោះ​ក្រុម​សន្សំ​ប្រាក់​ស្ត្រី ក្រុម​សន្សំ​ដើម្បី​កុមារ​ជាដើម ។

ក្រៅពី​ការ​ជួយ​គ្នា​លើ​ការងារ​កសិកម្ម សហគមន៍​កសិករ​បាន​ចូលរួម​ទប់ស្កាត់​អំពើ​ហិង្សា​ក្នុង​គ្រួសារ អំពើ​ហិង្សា​លើ​កុមារ និង​ការ​ជួញដូរ​ដែល​បទល្មើស​ផ្សេង​ៗ​នៅ​ក្នុង​សហគមន៍​របស់​បាន​ទៀត​ផង ។

កា​រវិ​វ​ឌ្ឍ​រីក​ចម្រើន​របស់​សហគមន៍​កសិកម្ម​ទឹក​ហូត ក្នុង​ខេត្តកំពង់ឆ្នាំង​នេះ ត្រូវ​បាន​វាយតម្លៃ​ថា បាន​ចូលរួម​យ៉ាង​សំខាន់​ក្នុង​ការ​បង្កើត​ការងារ​បង្កើន​ប្រាក់​ចំណូល​ក្នុង​គ្រួសារ និង​ជា​ពិសេស​ចូលរួម​ជាមួយ​ក្រសួងកសិកម្ម ក្នុង​ការ​ពង្រឹង និង​ពង្រីក​ផលិតភាព​ផលិតកម្ម​កសិកម្ម​ក្នុងស្រុក ដើម្បី​ឈាន​ទៅ​បន្ត​ការ​កាត់​បន្ថយ​ការ​នាំ​ចូល​ពី​បណ្តា​ប្រទេស​នានា​ផង​ដែរ ៕