ADផ្ទាំងផ្សព្វផ្សាយពាណិជ្ជកម្ម

Picture

ផ្សារសាមគ្គី ហៅ ប៉ាហ៊ី នៅខេត្តប៉ៃលិន បិទជាបណ្តោះអាសន្ន ​នៅថ្ងៃទី១៨មិថុនា បន្ទាប់ពីអាជីវករឆ្លងកូវីដ

1 ខែ មុន
  • Pailin

ខេត្តប៉ៃលិន៖ ក្រោយពីមន្រ្តីនៃមន្ទីរសុខាភិបាលខេត្តប៉ៃលិន បានធ្វើតេស្តរហ័ស​លើក្រុម​អាជីវករលក់ដូរ នៅក្នុងផ្សារសាមគ្គី ហៅ ប៉ាហ៊ី ក៏បានរកឃើញអ្នក​ផ្ទុកវិជ្ជមានជំងឺកូវីដ-១៩ រួចមក គឺនៅរសៀលថ្ងៃទី១៨ ខែមិថុនា…

ខេត្តប៉ៃលិន៖ ក្រោយពីមន្រ្តីនៃមន្ទីរសុខាភិបាលខេត្តប៉ៃលិន បានធ្វើតេស្តរហ័ស​លើក្រុម​អាជីវករលក់ដូរ នៅក្នុងផ្សារសាមគ្គី ហៅ ប៉ាហ៊ី ក៏បានរកឃើញអ្នក​ផ្ទុកវិជ្ជមានជំងឺកូវីដ-១៩ រួចមក គឺនៅរសៀលថ្ងៃទី១៨ ខែមិថុនា ឆ្នាំ២០២១នេះ រដ្ឋបាលខេត្តប៉ៃលិន បានចេញសេចក្តីសម្រេច បិទផ្សារសាមគ្គី ហៅ ប៉ាហ៊ី ទាំងមូ​លជាបណ្តោះអាសន្ន​។

នៅល្ងាចថ្ងៃដដែលនេះ គេសង្កេតឃើញ​ប្រជាពលរដ្ឋ មានការនាំគ្នាទិញទំនិញ ឥវ៉ាន់មួយចំនួន ទុកសម្រាប់ក្រុមគ្រួសារ​។ ចំណែកអាជីវករ ក្នុងផ្សារទាំងអស់ ​នាំគ្នា រើឥវ៉ាន់របស់ខ្លួនមួយចំនួនចេញពីក្នុងផ្សារ អ្នកខ្លះ​បិទតូប ខណ:​អាជ្ញាធរក្រុង ​រៀបចំដាក់ខ្សែហ៊ុំព័ទ្ធផ្សារ មិន​ឲ្យចេញចូល​។

​​រដ្ឋបាលខេត្តប៉ៃលិន បាន​ចេញសេចក្តីប្រកាស លេខ០៧៦/២១ សសរ. ចុះថ្ងៃទី១៨ ខែមិថុនា ឆ្នាំ២០២១ សម្រេចប្រកាសបិទ​ជាបណ្តោះអាសន្នទីតាំងផ្សារសាមគ្គី (ហៅផ្សារប៉ាហ៊ី) ស្ថិតក្នុងសង្កាត់ប៉ៃលិន ក្រុងប៉ៃលិន ខេត្តប៉ៃលិន ចាប់ពីថ្ងៃទី១៨ ខែមិថុនានេះ រហូតដល់មានការសម្រេចសា​ជាថ្មី​។

តាមសេចក្តីសម្រេច នៅក្នុងអំឡុងពេលផ្អាកជាបណ្តោះអាសន្ននេះ រដ្ឋបាលក្រុងប៉ៃលិន ត្រូវ​៖ ហ៊ុំព័ទ្ធទីតាំងផ្សារទាំងមូល ផ្អាកការចេញ​ចូល ក្នុងបរិវេណផ្សារ ដើម្បីរៀបចំសណ្តាប់ធ្នាប់អនាម័យ ដោយសហការជាមួយមន្ទីរសុខាភិបាល នៃរដ្ឋបាលខេត្ត ដើម្បីធ្វើការបាញ់ថ្នាំសម្លាប់មេរោគ​។ ចំណែកអ្នក​ដែលជាប់ពាក់ព័ន្ធនឹងករណីអ្នក​មានផ្ទុកវិជ្ជមាន​ជំងឺកូវីដ១៩ខាងលើ រដ្ឋបាល​ខេត្ត បានស្វែងរក ដើម្បីយកទៅធ្វើចត្តាឡីស័ក ដោយអ្នកមានជំងឺខាងលើ កំពុងសម្រាកព្យាបាល ដោយមា​នការយកចិត្តទុកដាក់ពីក្រុមគ្រូពេទ្យជំនាញ​។

ដូច្នេះ ដើម្បីការពារកុំឱ្យមានការឆ្លងរាលដាលជំងឺកូវីដ១៩ ចូលក្នុងសហគមន៍ អាជ្ញាធរខេត្ត ក៏​បានចាត់ឱ្យក្រុមការងារ​ចុះផ្សព្វផ្សាយពីវិធាន ៣កុំ ៣ការពារ របស់រាជរដ្ឋាភិបាល ព្រមទាំងវិធានការនា​នារបស់ក្រសួងសុខាភិបាល ខណ:ជំងឺដ៏កាចសាហាវមួយនេះ កំពុងរាតត្បាត នៅក្នុងខេត្តនានាទូទាំងប្រ​ទេសកម្ពុជា ដែលបណ្តាលឱ្យមាន​អ្នកស្លាប់ជារៀងរាល់ថ្ងៃ​៕ ដោយ​៖ នីយ៉ា

Picture
Picture
Picture
Picture
Picture
Picture
Picture
Picture
Picture
Picture
Picture
Picture