ជប៉ុនបំពាក់ម៉ាស់យក្សលើរូបសំណាកព្រះនាង១អង្គ ជាការបន់ស្រន់ដើម្បីបញ្ចប់កូវីដ១៩
ជប៉ុន ៖ ជប៉ុនបានបំពាក់របាំងម៉ាស់យក្សលើរូបសំណាកដ៏ល្បីរបស់ខ្លួនមួយព្រះអង្គ ដែលទង្វើនេះ បង្ហាញពីការបន់ស្រន់ ដើម្បី
ជប៉ុន ៖ ជប៉ុនបានបំពាក់របាំងម៉ាស់យក្សលើរូបសំណាកដ៏ល្បីរបស់ខ្លួនមួយព្រះអង្គ ដែលទង្វើនេះ បង្ហាញពីការបន់ស្រន់ ដើម្បីបញ្ចប់ជំងឺរាតត្បាតកូវីដ១៩ ដែលកំពុងវាយលុកលើប្រទេសដែនកោះមួយនេះ ក៏ដូចជាសកលលោកទាំងមូល។
វាត្រូវបានចំណាយពេល៤ម៉ោង ដើម្បីបំពាក់របាំងម៉ាស់ធ្វើចេញពីក្រណាត់សុទ្ធពណ៌ផ្កាឈូកទំហំ៤,១ម៉ែត្រគុណនឹង៥,៣ម៉ែត្រ និងទំងន់៣៥គីឡូក្រាម។ លើរូបសំណាកព្រះនាង Kannon ពណ៌សសុទ្ធ មានកំពស់៥៧ម៉ែត្រ។ ដែលជារូបសំណាកតាមបែបព្រះពុទ្ធសាសនា តំណាងឱ្យសេចក្តីមេត្តា-ករុណា នៅឯព្រះវិហារ Houkokuji Aizu Betsuin ក្នុងខេត្តហ្វូគូស៊ីម៉ា។
បើតាមការបញ្ជាក់ពីអ្នកគ្រប់គ្រងព្រះវិហារបាននិយាយថា ពួកគេមានគម្រោងរក្សារបាំងម៉ាស់លើរូបសំណាកព្រះនាង រហូតដល់ស្ថានភាពនៃការឆ្លងរីករាលដាលយ៉ាងខ្លាំងកូវីដ១៩ ក្នុងប្រទេសជប៉ុន ស្ថិតក្រោមការគ្រប់គ្រងពេញលេញដោយរដ្ឋាភិបាល។
សូមជម្រាបថា រូបសំណាកព្រះនាង Kannon ត្រូវបានកសាងឡើងកាលពី៣៣ឆ្នាំមុន។ ហើយគោលបំណងប្រជាជនជប៉ុន ដែលមកទស្សនារូបសំណាកព្រះនាង ដែលមានបីទារកមួយអង្គនេះ គឺដើម្បីបួងសួងសុំការសម្រាលកូនដោយសុវត្ថិភាព និងសុំពរជ័យសម្រាប់ទារកទើបនឹងកើត៕ (ដកស្រង់ចេញពី Reuters)
ចែករំលែកព័តមាននេះ