រាជធានីភ្នំពេញ ៖ ក្រសួងសុខាភិបាលបានបញ្ជាក់ឲ្យដឹង នៅថ្ងៃទី១៨ ខែមិថុនា ឆ្នាំ២០២១ថា ក្រុមគ្រូពេទ្យបានចាក់វ៉ាក់សាំងការពារជំងឺកូវីដ១៩ បានជាង៣លានហើយនៅទូទាំងប្រទេស ។
ក្រសួងបានឲ្យដឹងថា ចាប់ទាំងពីចាប់ផ្តើមចាក់វ៉ាក់សាំងការពារជំងឺកូវីដ១៩ ពីថ្ងៃទី១០ ខែកុម្ភៈ មកដល់ថ្ងៃទី១៧ ខែមិថុនា ឆ្នាំ២០២១អ្នកដែលបានចាក់វ៉ាក់សាំងនៅក្របខណ្ឌទូទាំងប្រទេសលើកទី១មានចំនួន៣.១៩៩.៦៤២នាក់ និងលើកទី២ មានចំនួន២.៦៣៩.៦០៨នាក់ ។
ក្រសួងក៏បានឲ្យដឹងថា ចំពោះការចាក់វ៉ាក់សាំងជូនប្រជាពលរដ្ឋនៅតំបន់ក្រហមលើកទី១ បាន១.០១៩.១៤៧នាក់ និងលើកទី២បាន៩២៦.០៩៨នាក់ ។
តាមផែនរបស់រាជរដ្ឋាភិបាលគ្រោងនឹងចាក់វ៉ាក់សាំងការពារជូនប្រជាពលរដ្ឋទូទាំងប្រទេសពី១០លាននាក់ ទៅ១៣លាននាក់ ៕
ចែករំលែកព័តមាននេះ