ខេត្តកំពង់ឆ្នាំង ៖ បុរសអ្នកកើតជំងឺកូវីដ-១៩ម្នាក់ ត្រូវបានគ្រូពេទ្យនៃមន្ទីរពេទ្យបង្អែកខេត្ត វះកាត់ខ្នែងពោះវៀនប្រកបដោយជោគជ័យ ។ នេះបើតាមការបញ្ជាក់របស់ក្រុមគ្រូពេទ្យ ដែលទទួលការងារវះកាត់ជួយសង្គ្រោះបុរសខាងលើនេះ ។ ប្រភពពីក្រុមគ្រូពេទ្យដែលបានធ្វើការវះកាត់អ្នកជំងឺកូវីដ-១៩នេះបញ្ជាក់ថា…
ខេត្តកំពង់ឆ្នាំង ៖ បុរសអ្នកកើតជំងឺកូវីដ-១៩ម្នាក់ ត្រូវបានគ្រូពេទ្យនៃមន្ទីរពេទ្យបង្អែកខេត្ត វះកាត់ខ្នែងពោះវៀនប្រកបដោយជោគជ័យ ។ នេះបើតាមការបញ្ជាក់របស់ក្រុមគ្រូពេទ្យ ដែលទទួលការងារវះកាត់ជួយសង្គ្រោះបុរសខាងលើនេះ ។
ប្រភពពីក្រុមគ្រូពេទ្យដែលបានធ្វើការវះកាត់អ្នកជំងឺកូវីដ-១៩នេះបញ្ជាក់ថា អ្នកកើតជំងឺកូវីដ-១៩ ឈ្មោះ ទូច សុផាត អាយុ៣៧ឆ្នាំ ជាអ្នកបើកបររថយន្តដឹកដី មានទីលំនៅក្នុងភូមិថ្មកែវ ឃុំស្វាយជ្រំ ស្រុករលាប្អៀរ ។ បុរសរូបនេះ បានចូលមកសម្រាកព្យាបាលជំងឺកូវីដ-១៩នៅមន្ទីរពេទ្យបង្អែកខេត្ត ប៉ុន្តែពេលកំពុងសម្រាកព្យាបាលជំងឺកូវីដ គាត់ក៏មានជំងឺរលាកខ្នែងពោះវៀនធ្ងន់ ទើបក្រុមគ្រូពេទ្យសម្រេចយកបុរស
រូបនេះទៅធ្វើការវះកាត់ខ្នែងពោះវៀនចេញ ហើយទទួលបានជោគជ័យ ។
ប្រភពដដែលបន្តថា ប្រពន្ធរបស់អ្នកជំងឺ ទូច សុផាត ឈ្មោះ កាន់ គឹមស្រ៊ុន អាយុ៤២ឆ្នាំ ក៏មានជំងឺកូវីដ-១៩ដែរ ហើយពួកគាត់ទាំង២នាក់បានចូលមកសម្រាកព្យាបាលនៅមន្ទីរពេទ្យ កាលពីថ្ងៃទី៨ ខែមិថុនា ឆ្នាំ២០២១ ។ ក្រោយពេលរកឃើញវិជ្ជមានកូវីដ-១៩ទាំង២នាក់ប្ដីប្រពន្ធ ក្រុមគ្រូពេទ្យក៏បានទៅយកសំណាកកូនស្រីគាត់២នាក់ទៀត ម្នាក់អាយុ៧ឆ្នាំ និងម្នាក់អាយុ២ឆ្នាំ ក៏ឃើញមានវិជ្ជមានកូវីដ-១៩ដែរ ហើយបានយកមកសម្រាកព្យាបាលនៅមន្ទីរពេទ្យទាំងអស់គ្នា ។
គួររំឭកថា ក្រុមគ្រូពេទ្យនៃមន្ទីរពេទ្យបង្អែកខេត្ត បានធ្វើការវះកាត់អ្នកជំងឺកូវីដ-១៩ចំនួន២នាក់រួចមកហើយ និងទទួលបានជោគជ័យទាំងអស់គ្នា ៕
ចែករំលែកព័តមាននេះ