រដ្ឋបាលសាលាខេត្តកំពង់ឆ្នាំង នៅថ្ងៃទី១៦ ខែមិថុនា ឆ្នាំ២០២១ បានសេចក្តីប្រកាសព័ត៌មានស្តីពីការរកឃើញអ្នកវិជ្ជមានកូវីដ១៩ ចំនួន៩នាក់បន្ថែមទៀត
ខេត្តកំពង់ឆ្នាំង ៖ រដ្ឋបាលសាលាខេត្តកំពង់ឆ្នាំង នៅថ្ងៃទី១៦ ខែមិថុនា ឆ្នាំ២០២១ បានសេចក្តីប្រកាសព័ត៌មានស្តីពីការរកឃើញអ្នកវិជ្ជមានកូវីដ១៩ ចំនួន៩នាក់បន្ថែមទៀត ។ ក្នុងសេចក្តីប្រកាសព័ត៌មានស្តីពីការរកឃើញអ្នកមានវិជ្ជមានកូវី១៩ ក្នុងសហគមន៍ ២០កុម្ភៈ របស់រដ្ឋបាលសាលាខេត្តកំពង់ឆ្នាំង នោះដែរ ក៏បានបញ្ជាក់ថា អ្នកវិជ្ជមានទាំង៩នាក់ (ស្រី៥នាក់ ) ដែលមានដូចជាកសិករ កម្មករ និងកុមារជាដើម ។
ហើយអ្នកឆ្លងកូវីដទាំង៩នាក់ខាងលើ មាននៅស្រុកកំពង់ត្រឡាច ១នាក់, ក្រុងកំពង់ឆ្នាំង១នាក់ ស្រុករលាប្អៀរ២នាក់ ស្រុកសាមគ្គីមានជ័យ ២នាក់ និងស្រុកទឹកផុស៣នាក់ ។ ហើយអ្នកវិជ្ជមានទាំង៩ នាក់ត្រូវបានដាក់ឲ្យសម្រាកព្យាបាលនៅមន្ទីរពេទ្យបង្អែកខេត្តកំពង់ឆ្នាំងមណ្ឌលសុខភាពព្យាបាលកូវីដស្រុកកំពង់ត្រឡាច និងឃុំទឹកហូតស្រុករលាប្អៀរ ។
រដ្ឋបាលសាលាខេត្តកំពង់ឆ្នាំង ក៏បានអំពាវនាវដល់អាជ្ញាធរមូលដ្ឋានដែលមានកម្មករ កម្មការិនី ស្នាក់នៅទាំងអស់ ត្រូវយកចិត្តទុកដាក់គ្រប់គ្រងគ្រួសារអ្នកទាំងនោះឲ្យធ្វើចត្តាឡីស័កនៅលំនៅដ្ឋាន ឬនៅទីសំណាករៀងៗខ្លួនឲ្យបានត្រឹមត្រូវ តាមវិធានការសុខាភិបាល និងបន្តតាមដានសុខភាពរបស់ពួកគាត់ ព្រមទាំងជួយដោះស្រាយការលំបាកនានា តាមគ្រួសារនីមួយៗតាមការជាក់ស្ដែងផងដែរ។
រដ្ឋបាលសាលាខេត្ត ក៏បានអំពាវនាវដល់បងប្អូនប្រជាពលរដ្ឋដែលពាក់ព័ន្ធដោយផ្ទាល់ និងប្រយោលជាមួយអ្នកមានវិជ្ជមានកូវីដ១៩ខាងលើក្នុងរយៈពេល១៤ថ្ងៃ មុនត្រូវពិនិត្យសំណាក នៅមន្ទីរពេទ្យខេត្តកំពង់ឆ្នាំង ឬមន្ទីរពេទ្យបង្អែកកំពង់ត្រឡាច ឬមណ្ឌលសុខភាពដែលនៅជិតបំផុត ដើម្បីទប់ស្កាត់ការរីករាលដាលការចម្លងជំងឺកូវីដ១៩។
សូមបញ្ជាក់ថា រហូតមកដល់ពេលនេះ ខេត្តកំពង់ឆ្នាំង មានអ្នកមានវិជ្ជមានកូវីដ១៩ ក្នុងព្រឹត្តិការណ៍សហគមន៍ ២០កុម្ភៈ សរុបចំនួន៣៥១នាក់ ក្នុងនោះស្រី ២៦០នាក់ ជាសះស្បើយ៤៣នាក់ និងមានអ្នកស្លា.ប់ចំនួន៤នាក់ហើយ (ស្លា.ប់ថ្មីគ្មាន) ៕
ចែករំលែកព័តមាននេះ