រុស្ស៊ី រកឃើញវីរុសកូវីដ១៩បំប្លែងថ្មីមួយប្រភេទ មានសមត្ថភាពប្រឆាំងនឹងវ៉ាក់សាំង
រុស្ស៊ី ៖ ប្រទេសរុស្ស៊ីបានរកឃើញវីរុសកូវីដ១៩បំប្លែងថ្មីមួយប្រភេទ ដែលមានសមត្ថភាពប្រឆាំងនឹងវ៉ាក់សាំង។ ស្របពេលដែលក្រុម
រុស្ស៊ី ៖ ប្រទេសរុស្ស៊ីបានរកឃើញវីរុសកូវីដ១៩បំប្លែងថ្មីមួយប្រភេទ ដែលមានសមត្ថភាពប្រឆាំងនឹងវ៉ាក់សាំង។ ស្របពេលដែលក្រុមអ្នកអភិវឌ្ឍន៍វ៉ាក់សាំង Sponnik V កំពុងសិក្សាពីប្រសិទ្ធភាពវ៉ាក់សាំងខ្លួន ក្នុងការប្រឆាំងនឹងវីរុសបំប្លែងខ្លួនថ្មី ដែលពួកគេហៅថា «Moscow Strain» និងកំពុងវាយប្រហារខ្លាំងក្នុងទីក្រុងម៉ូស្គូ។ នេះបើតាមការចេញផ្សាយពី The Moscow Times។
ការលើកឡើងរបស់មជ្ឍមណ្ឌល Gamaleya ដោយលោក Alexander Gintsburg បានធ្វើឡើងនៅពេលមន្ត្រីទីក្រុងម៉ូស្គូប្រកាសអាសន្ន អំពីការកើនឡើងករណីឆ្លងថ្មីប្រចាំថ្ងៃច្រើនជាងទ្វេដងចំនួន៧,៧០៤នាក់ កាលពីថ្ងៃអាទិត្យសប្តាហ៍មុន។ អ្នកជំនាញជឿថា វីរុសបំប្លែងថ្មីនេះ អាចស្ថិតពីក្រោយការផ្ទុះឡើងករណីឆ្លងដ៏កក្រើក ក្នុងទីក្រុងបេះដូងរបស់រុស្ស៊ីមួយនេះ។
ទោះបីយ៉ាងណា អ្នកជំនាញមជ្ឍមណ្ឌល Gamaleya ជឿថា វ៉ាក់សាំង Sponnik V របស់ពួកគេ មានប្រសិទ្ធភាពប្រឆាំងនឹងវីរុសបំប្លែងថ្មីនេះ។ ប៉ុន្តែអ្វីៗទាំងអស់ នឹងដឹងច្បាស់ក្រោយលទ្ធផលនៃការពិសោធន៍។
យោងតាមប្រភពពី worldometers បានឱ្យដឹងថា ប្រទេសរុស្ស៊ីមានអ្នកឆ្លងកូវីដ១៩សរុបជាង៥,២លាននាក់។ ក្នុងនោះអ្នកស្លា.ប់សរុបមាន១២៧,១៨០នាក់។ ស្របពេលដែលជាង៤,៨លាននាក់ បានជាសះស្បើយ៕
ចែករំលែកព័តមាននេះ