សហរដ្ឋអាមេរិក ៖ អាជ្ញាធរកាលពីថ្ងៃទី១៤ ខែមិថុនា ឆ្នាំ២០២១ បានចេញបញ្ជាឲ្យជម្លៀសប្រជាជនចេញពីសង្កាត់មួយនៃទីក្រុង ROCTON ភាគកណ្ដាល សហរដ្ឋអាមេរិក ក្រោយពីភ្លើងឆាបឆេះរោងចក្រគីមីមួយរបស់ក្រុមហ៊ុន LUBRIZOL ដោយបានបញ្ចេញផ្សែងខ្មៅខ្មួលខ្មាញ់ឡើងទៅលើអាកាសកម្ពស់ប្រមាណជា១០០ម៉ែត្រ ។
រោងចក្រនោះជារបស់ក្រុមហ៊ុន CHEMTOOL ជាសាខាមួយរបស់ក្រុមហ៊ុន LUBRIZOL អាមេរិក ដែលដកខ្លួនចេញពីបារាំង ក្រោយ
មានភ្លើងឆេះរោងចក្រនៅតំបន់ន័រម៉ង់ឌី កាលពីខែកញ្ញា ឆ្នាំ២០១៩ ដោយការឆេះនោះបានបំផ្លាញផលិតផលគីមីអស់ជិត១០.០០០តោន ។
យោងតាមសហគ្រាសនោះថា ពុំមានសេចក្ដីរាយការណ៍ពីជនរងគ្រោះណាម្នាក់ ក្នុងភ្លើងឆេះនោះដែលកើតមាននាវេលាម៉ោង៧ព្រឹក នៅជាយក្រុង ROCTON ចម្ងាយប្រមាណជា១៣០គីឡូម៉ែត្រពីទីក្រុងស៊ីកាហ្គោឡើយ ។ បណ្ដានិយោជិតរបស់យើងសុទ្ធតែគេចផុតពីគ្រោះថ្នាក់ ។ ប៉ូលិសបានសហការក្នុងការជម្លៀសមនុស្សចេញពីជុំវិញរោងចក្រនេះក្នុងរង្វង់១,៦គីឡូម៉ែត្រ ។ មូលហេតុនៃភ្លើងឆេះនោះនៅមិនទាន់អាចកំណត់ដឹងនៅឡើយ ៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ