ព្រះសីហនុ៖ សមត្ថកិច្ច តាមទាន់ ចាប់ជាប់ជនសង្ស័យម្នាក់ ដែលបានដើរយកលុយភាស៊ីពីអាជីវករលក់ដូរ ដោយបានពាក់អាវ និងមួកនគរបាល។ បុរសនោះ អះអាងថា ខ្លួនជាសមត្ថកិច្ច…
ព្រះសីហនុ៖ សមត្ថកិច្ច តាមទាន់ ចាប់ជាប់ជនសង្ស័យម្នាក់ ដែលបានដើរយកលុយភាស៊ីពីអាជីវករលក់ដូរ ដោយបានពាក់អាវ និងមួកនគរបាល។ បុរសនោះ អះអាងថា ខ្លួនជាសមត្ថកិច្ច ដើរទារលុយភាស៊ី។
ជននេះ កន្លងមក កាលពីថ្ងៃទី២៥ ខែឧសភា ឆ្នាំ២០២១ បានស្លៀកពាក់ឯសណ្ឋាន បន្លំធ្វើជានគរបាល នៅផ្សារពាណិជ្ជកម្ម ក្នុងពេលនោះ កម្លាំងគណៈបញ្ជាការក្រុង បានចាប់បញ្ជូនទៅអធិការដ្ឋាននគរបាលក្រុងព្រះសីហនុ ធ្វើការអប់រំ និងចុះកិច្ចសន្យាម្តងរួចមកហើយ។
អ្នកលក់ដូរម្នាក់ បានអោយដឹងថា ជនសង្ស័យ ដែលបន្លំជានគរបាលនេះ កន្លងមក បានដើរយកប្រាក់ ពីប្រជាពលរដ្ឋ លក់តាមចឹញ្ចើមផ្លូវ តាំងពីថ្ងៃទី៨ រហូតដល់ថ្ងៃទី១៤ ខែមិថុនា ឆ្នាំ២០២១ ក្នុងមួយថ្ងៃ បាន ១១.០០០រៀល ទៅ ១៥.០០០រៀល ក្នុង ១កន្លែងៗ។
ពេលនេះ ជនសង្ស័យ ត្រូវបានកម្លាំងជំនាញ ឃាត់ខ្លួន សួរនាំនៅអធិការដ្ឋាននគរបាលក្រុងព្រះសីហនុ ដើម្បីកសាងសំណុំរឿង បញ្ជូនទៅសាលាដំបូងខេត្ត ចាត់ការបន្តតាមនីតិវិធីច្បាប់៕
ចែករំលែកព័តមាននេះ