៖ ត្រឹមតែ១ថ្ងៃរកឃើញអ្នកវិជ្ជមានកូវីដ១៩ មានចំនួន៤៤នាក់ ហើយរហូតមកដល់ពេលនេះគឺមានអ្នកស្លា.ប់ដោយសារវិជ្ជមានកូវីដ១៩ មានចំនួន១៦នាក់ហើយនៅខេត្តបន្ទាយមានជ័យ នេះបើគិតមកដល់ត្រឹមថ្ងៃទី
ខេត្តបន្ទាយមានជ័យ ៖ ត្រឹមតែ១ថ្ងៃរកឃើញអ្នកវិជ្ជមានកូវីដ១៩ មានចំនួន៤៤នាក់ ហើយរហូតមកដល់ពេលនេះគឺមានអ្នកស្លា.ប់ដោយសារវិជ្ជមានកូវីដ១៩ មានចំនួន១៦នាក់ហើយនៅខេត្តបន្ទាយមានជ័យ នេះបើគិតមកដល់ត្រឹមថ្ងៃទី១៤ ខែមិថុនា ឆ្នាំ២០២១នេះ។
រដ្ឋបាលសាលាខេត្តបន្ទាយមានជ័យ ក៏បានប្រកាសព័ត៌មានសម្រាប់ថ្ងៃទី១៤ ខែមិថុនា ឆ្នាំ២០២១នេះ ថា រយៈពេល១ថ្ងៃ គឺរកឃើញអ្នកវិជ្ជមានកូវីដ១៩ មានចំនួន៤៤នាក់ (ស្រី២១នាក់) ក្នុងនោះមានពលករខ្មែរត្រឡប់មកពីប្រទេសថៃមានចំនួន១៩នាក់ និងឆ្លងក្នុងសហគមន៍មានចំនួន២៥នាក់ (គឺមានប្រជាពលរដ្ឋរស់នៅក្រុងប៉ោយប៉ែតមានចំនួន២៦នាក់ ស្រុកព្រះនេត្រព្រះចំនួន៥នាក់ ស្រុកស្វាយចេកមានចំនួន៥នាក់ ស្រុកថ្មពួកមានចំនួន២នាក់ ក្រុងសិរីសោភ័ណមានចំនួន២នាក់ ស្រុកថ្មពួកមានចំនួន២នាក់ ស្រុកមង្គលបូរីមានចំនួន២នាក់ និងស្រុកអូរជ្រៅមានចំនួន១នាក់)។
ចំណែកអ្នកជាសះស្បើយវិញ គឺមានចំនួន១៣៨នាក់ បើប្រៀបធៀបរយៈពេល១ថ្ងៃនៅកាលពីថ្ងៃទី១៣ ខែមិថុនា ឆ្នាំ២០២១ គឺរកឃើញអ្នកវិជ្ជមានកូវីដ១៩ មានចំនួន៣៥នាក់ និងជាសះស្បើយចំនួន១០នាក់។
គួរបញ្ជាក់ថា ក្នុងព្រឹត្តិការណ៍ ២០កុម្ភៈ ២០២១នេះ រកឃើញអ្នកវិជ្ជមានកូវីដ១៩ មានចំនួន១,៣០៥នាក់ ក្នុងនោះស្រី៦៥៩នាក់ដែលកំពុងសម្រាកព្យាបាល ហើយមានអ្នកជាសះស្បើយចំនួន២,៦៦៥នាក់ ក្នុងនោះស្រី១,២៧៨នាក់ និងអ្នកជាថ្មីចំនួន២,៦០៥នាក់ ក្នុងនោះស្រី១,២៤១នាក់ ។ ចំណែកអ្នកដែលស្លា.ប់ដោយសារជំងឺឆ្លងកូវីដ១៩ មានចំនួន១៦នាក់ ក្នុងនោះស្រី១១នាក់ (ដោយស្លា.ប់ក្រៅមន្ទីរមន្ទីរពេទ្យ២នាក់ ជនជាតិថៃ១នាក់ ជនជាតិឥណ្ឌូនេស៊ី២នាក់ ក្នុងនោះស្រី១នាក់)៕
ចែករំលែកព័តមាននេះ