បច្ចេកវិទ្យា ៖ បច្ចេកវិទ្យាព័ត៌មាន បានបង្ហាញនូវឱកាសសម្រាប់ប្រជាជននៅតាមជនបទ ក្នុងការលើកកម្ពស់ផលិតភាពកសិកម្ម លើកកំពស់សន្តិសុខស្បៀង និងអាហារូបត្ថម្ភ និងការបញ្ច្រៀតចូលទៅកាន់ទីផ្សារ ។ នេះជាការលើកឡើងរបស់ឯកឧត្តម…
បច្ចេកវិទ្យា ៖ បច្ចេកវិទ្យាព័ត៌មាន បានបង្ហាញនូវឱកាសសម្រាប់ប្រជាជននៅតាមជនបទ ក្នុងការលើកកម្ពស់ផលិតភាពកសិកម្ម លើកកំពស់សន្តិសុខស្បៀង និងអាហារូបត្ថម្ភ និងការបញ្ច្រៀតចូលទៅកាន់ទីផ្សារ ។ នេះជាការលើកឡើងរបស់ឯកឧត្តម វរង សាខុន រដ្ឋមន្ត្រីក្រសួងកសិកម្ម រុក្ខាប្រមាញ់និងនេសាទ ។
ឯកឧត្តមរដ្ឋមន្ត្រីបានថ្លែងថា ដំណើរវិវត្តនៃបច្ចេកវិទ្យាព័ត៌មានក្នុងវិស័យកសិកម្ម នៅក្នុងយុគសម័យឌីជីថល ការរីកចម្រើនឥតឈប់ឈរនៃបច្ចេកវិទ្យាឌីជីថល ដែលមានជាអាទិ៍ កុំព្យួរទ័រ អ៊ីនធឺណិត បច្ចេកវិទ្យាចលិត ឧបករណ៍ឌីជីថលចល័ត កម្មវិធីទូរស័ព្ទផ្សេងៗ បាននិងកំពុងជំរុញការអភិវឌ្ឍសេដ្ឋកិច្ច និងសង្គម។
ឯកឧត្តមរដ្ឋមន្ត្រីបានបន្តថា ស្របពេលដែលរាជរដ្ឋាភិបាលបានកំពុងធ្វើកំណែទម្រង់ និងរៀបចំគោលនយោបាយរដ្ឋាភិបាលឌីជីថល នៅកម្ពុជា ឆ្នាំ២០២១-២០៣០ ជាមួយនឹងការវិវត្តនៃបច្ចេកវិទ្យាព័ត៌មានឆាប់រហ័ស “បដិវត្តឧស្សាហកម្ម៤.០ “ ក្រសួងកសិកម្ម រុក្ខាប្រមាញ់ និងនេសាទ បានកំណត់យក មជ្ឈមណ្ឌលព័ត៌មាន និងឯកសារកសិកម្ម ជាអង្គភាពបង្គោលក្នុងការសម្របសម្រួល និងរៀបចំប្រព័ន្ធហេដ្ឋារចនាសម្ព័ន្ធព័ត៌មានវិទ្យា និងទូរគមនាគមន៍របស់ក្រសួង ក្នុងគោលបំណង ធ្វើឲប្រសើរឡើងលើផ្នែកព័ត៌មានវិទ្យា នវានុវត្តន៍ សម្រាប់ចូលរួមក្នុងការអភិវឌ្ឍវិស័យ កសិកម្មឱ្យកាន់តែមានភាពរីកចម្រើន និងផ្តល់ព័ត៌មានកសិកម្មយ៉ាងសំបូរបែបជូនសាធារណៈជន។
ឯកឧត្តមរដ្ឋមន្ត្រី បន្ថែមថា សព្វថ្ងៃនេះ បច្ចេកវិទ្យាព័ត៌មាន បានបង្ហាញនូវឱកាសសម្រាប់ប្រជាជននៅតាមជនបទ ក្នុងការលើកកម្ពស់ផលិតភាពកសិកម្ម លើកកំពស់សន្តិសុខស្បៀង និងអាហារូបត្ថម្ភ និងការបញ្ច្រៀតចូលទៅកាន់ទីផ្សារ។ ក្នុងន័យនេះ ក្រសួង បាននិងកំពុងបន្តយកចិត្តទុកដាក់ជំរុញការប្រើប្រាស់បច្ចេវិទ្យាព័ត៌មានក្នុងការចូលរួមអភិវឌ្ឍវិស័យកសិកម្ម ដែលបានបង្កើតបានជាសមិទ្ធិផលបន្តបន្ទាប់ដូចជា៖
កម្មវិធីទូរស័ព្ទឆ្លាតវៃ (Mobile Apps)
គួរបញ្ជាក់ផងដែរថា បណ្តាញទំនាក់ទំនងសង្គម (Facebook MAFF)៖ ក្រសួងកសិកម្ម រុក្ខាប្រមាញ់ និងនេសាទ មានហ្វេសប៊ុកផ្លូវការៈ ក្រសួងកសិកម្ម រុក្ខាប្រមាញ់ និងនេសាទ សម្រាប់ផ្សព្វផ្សាយព័ត៌មាន និងព្រឹត្តិការណ៍ផ្សេងៗរបស់ឯកឧត្តមរដ្ឋមន្ត្រីក្រសួងកសិកម្ម រុក្ខាប្រមាញ់និងនេសាទ សកម្មភាពថ្នាក់ដឹកនាំ និងព្រឹត្តិការណ៍នានារបស់មន្ទីរកសិកម្មរុក្ខាប្រមាញ់និងនេសាទខេត្តទាំង ២៥ រាជធានី – ខេត្ត ។ អាស្រ័យដូចបានជម្រាបជូនខាងលើ សូម សាធារណជនទាំងអស់ មេត្តាជ្រាប និងអាចទាញយកទិន្នន័យរបស់ក្រសួងមកប្រើប្រាស់បានទៅតាមបំណងប្រាថ្នាចង់បាន និងគ្រប់ពេលវេលា៕
ចែករំលែកព័តមាននេះ