ខេត្តបន្ទាយមានជ័យ ៖ បុរសជាប្តីជនរងគ្រោះដែលត្រូវគេបាញ់ប្រហារស្លា.ប់ស្ត្រីជាប្រពន្ធនៅក្នុងកាស៊ីណូមួយនាក្រុងបាងកក កាលពីឆ្នាំមុនអះអាងថា មកទល់ពេលនេះ លោកនិងកូនតូចមិនទាន់ទទួលបានយុត្តិធម៌ពីភាគីថៃនៅឡើយទេ ។ សូមរំលឹកថា៖ ស្ដ្រីខ្មែរម្នាក់ស្លាប់ ក្នុងហេតុការណ៍បាញ់រះ…
ខេត្តបន្ទាយមានជ័យ ៖ បុរសជាប្តីជនរងគ្រោះដែលត្រូវគេបាញ់ប្រហារស្លា.ប់ស្ត្រីជាប្រពន្ធនៅក្នុងកាស៊ីណូមួយនាក្រុងបាងកក កាលពីឆ្នាំមុនអះអាងថា មកទល់ពេលនេះ លោកនិងកូនតូចមិនទាន់ទទួលបានយុត្តិធម៌ពីភាគីថៃនៅឡើយទេ ។ សូមរំលឹកថា៖ ស្ដ្រីខ្មែរម្នាក់ស្លាប់ ក្នុងហេតុការណ៍បាញ់រះ ក្នុងកាស៊ីណូមួយ នៅថៃ
សូមបញ្ជាក់ថា យោងតាមសារព័ត៌មានថៃបានចុះផ្សាយថា ខ្មាន់កាំភ្លើងបានបាញ់រះ កាលពីម៉ោងជាង១១យប់ថ្ងៃទី០៣ ខែសីហា ឆ្នាំ២០២០ នៅកាស៊ីណូ (លួចបើកខុសច្បាប់) នៅអគារលេខ 501/237 ផ្រាក់រ៉ាម3 សយ 66 សង្កាត់ឆង់នុនស៊ី ខណ្ឌយ៉ានណាវ៉ា នៅទីក្រុងបាងកក ប្រទេសថៃ ។ ក្នុងហេតុការណ៍បាញ់ប្រហារនោះ បណ្តាលឲ្យមនុស្សស្លាប់ចំនួន៤នាក់(ស្រី២ប្រុស២) និងមានអ្នករងរបួសចំនួន២នាក់ ក្នុងចំណោមអ្នកស្លាប់ទាំង៤នាក់ មានស្ត្រីខ្មែរម្នាក់ ។
ជួបជាមួយលោកសាំង សីហា អាយុ៣៤ឆ្នាំ រស់នៅភូមិក្បាលស្ពាន១ សង្កាត់និងក្រុងប៉ោយប៉ែតបានប្រាប់កោះសន្តិភាព កាលពីរសៀលម្សិលមិញថា ប្រពន្ធរបស់គាត់ត្រូវគេបាញ់ស្លា.ប់ក្នុងកាស៊ីណូមួយនាទីក្រុងបាងកក កាលពីយប់ថ្ងៃទី៣ សីហា ២០២០ ជាមួយនិងសាកសពជនជាតិថៃ៣នាក់ផ្សេងទៀត ចោលកូនប្រុសអាយុទើបបានជាង១ខួប គាត់មើលថែរហូតបច្ចុប្បន្ន។
បុរសខាងលើក៏បានទទូចសុំក្រសួងពាក់ព័ន្ធ ពិសេសរាជរដ្ឋាភិបាលមេត្តាជួយរកដំណោះស្រាយដល់គ្រួសារលោកឲ្យបានឆាប់រហ័សផង ព្រោះកន្លងមក មន្ត្រីកម្ពុជាបំរើការងារនៅប្រទេសថៃប្រាប់ថា បានទាក់ទងដាក់ពាក្យបណ្តឹង ដើម្បីទាមទាររកយុត្តិធម៌ទៅក្រសួងយុត្តិធម៍ថៃរួចហើយប៉ុន្តែមកទល់ពេលនេះ យុត្តិធម៌នៅពុំទាន់កើតមានសម្រាប់គ្រួសាគាត់នៅឡើយទេ។
សូមបញ្ជាក់ថា ស្ត្រីរងគ្រោះដែលរងការបាញ់ប្រហារស្លាប់មិនដឹងពីមូលហេតុលើទឹកដីថៃនេះ ឈ្មោះម៉ៅ ស្រីពៅ អាយុ២៩ឆ្នាំ ជាបុគ្គលឹកកាស៊ីណូនៅទីតាំងកើតហេតុខាងលើ។
ជុំវិញករណីនេះ កោះសន្តិភាពនៅមិនអាចទាក់ទងសុំកាបំភ្លឺពីមន្ត្រីពាក់ព័ន្ធកម្ពុជាប្រចាំប្រទេសថៃបានទេ ព្រោះមិនស្គាល់លេខទូរស័ព្ទ ។
ចែករំលែកព័តមាននេះ