ខេត្តស្វាយរៀង ៖ នៅថ្ងៃទី១២ មិថុនា ២០២១ រដ្ឋបាលខេត្តស្វាយរៀងបានប្រកាសអត្តសញ្ញាណអ្នកវិជ្ជមានកូវីដ១៩ ថ្មីចំនួន២៣នាក់ ស្រី១៦នាក់ អ្នកពាក់ព័ន្ធផ្ទាល់ចំនួន០៥នាក់ តាមសេចក្ដីជូនព័ត៌មានរបស់ក្រសួងសុខាភិបាលថ្ងៃទី១២…
ខេត្តស្វាយរៀង ៖ នៅថ្ងៃទី១២ មិថុនា ២០២១ រដ្ឋបាលខេត្តស្វាយរៀងបានប្រកាសអត្តសញ្ញាណអ្នកវិជ្ជមានកូវីដ១៩ ថ្មីចំនួន២៣នាក់ ស្រី១៦នាក់ អ្នកពាក់ព័ន្ធផ្ទាល់ចំនួន០៥នាក់ តាមសេចក្ដីជូនព័ត៌មានរបស់ក្រសួងសុខាភិបាលថ្ងៃទី១២ ខែមិថុនា ឆ្នាំ២០២១ ។
គិតត្រឹមថ្ងៃទី១១ មិថុនា ២០២១ ខេត្តស្វាយរៀងមានអ្នកវិជ្ជមានកូវីដ១៩សរុប១,២១៥នាក់ ស្រី៧០១នាក់ ជាសះស្បើយសរុប៧៥៦នាក់ ស្រី៤២១នាក់ កំពុងសម្រាកព្យាបាលចំនួន៤៥១នាក់ស្រី២៧៨នាក់ ករណីស្លា.ប់០៧នាក់ ស្រី០២នាក់ ។
ចំពោះអ្នកវិជ្ជមានកូវីដ១៩ ចំនួន២៣នាក់ បានបញ្ជូនទៅសម្រាកព្យាបាលនៅមន្ទីពេទ្យស្រុកស្វាយជ្រំ ចំនួន០៣នាក់ បញ្ជូនទៅមន្ទីរពេទ្យបង្អែកសាមគ្គីរំដួល០៤ និងបញ្ជូនទៅមជ្ឈមណ្ឌលព្យាបាលកូវីដ១៩ ក្រុងបាវិតចំនួន១៦នាក់ ។
ដើម្បីទប់ស្កាត់ការឆ្លងរីករាលដាលកូវីដ១៩ ទៅសហគមន៍ រដ្ឋបាលខេត្តស្វាយរៀង សូមអំពាវនាវដល់បងប្អូនប្រជាពលរដ្ឋដែលពាក់ព័ន្ធជាមួយអ្នកជំងឺកូវីដ-១៩ ខាងលើ និងអ្នកប៉ះពាល់ជាមួយមន្ត្រីបុគ្គលិកមន្ទីរពេទ្យបង្អែកស្វាយទាប ស្ថិតនៅភូមិប្រសូតិ១ ឃុំកណ្តៀងរាយ ស្រុកស្វាយទាប ។
សូមបងប្អូនដែលពាក់ព័ន្ធទាំងផ្ទាល់ និងប្រយោល សូមធ្វើចត្តាឡីស័ក តាមដានសុខភាពអនុវត្តតាមវិធានការណែនាំរបស់ក្រសួងសុខាភិបាល និងវិធានការ ៣ការពារ ៣កុំ របស់សម្ដេចតេជោហ៊ុនសែន ។
ប្រសិន បើមានរោគសញ្ញាដូចជា ៖ គ្រុនក្ដៅ, ក្អក, កណ្ដាស់, ឈឺបំពង់ក ឬដកដង្ហើមខ្លីៗ ឬសង្ស័យ សូមមេត្តាប្រញាប់ទៅធ្វើតេស្តរកមេរោគកូវីដ១៩ (COVID-19) ដែលមានទីតាំងនៅជិតផ្ទះ ឬផ្ដល់ព័ត៌មានទៅអាជ្ញាធរមូលដ្ឋាន ឬទៅយកវត្ថុវិភាគសំណាកនៅប៉ុស្ដិ៍យកសំណាកដែលនៅជិតផ្ទះ ឬទំនាក់ទំនងមកក្រុមការងារស្រាវជ្រាវ និងតាមដានបុគ្គលសង្ស័យថា មានផ្ទុកជំងឺកូវីដ-១៩ ដើម្បីមានវិធានការណ៍បន្ត។
សម្រាប់អ្នកដែលគ្មានរោគសញ្ញា សូមដាក់ខ្លួនដាច់ដោយឡែក និងតាមដានសុខភាពរបស់ខ្លួនរយៈពេល១៤ ថ្ងៃ ចាប់ពីថ្ងៃដែលអ្នកបានប៉ះពាល់ ឬទៅទីកន្លែងនោះ ៕
ចែករំលែកព័តមាននេះ