ADផ្ទាំងផ្សព្វផ្សាយពាណិជ្ជកម្ម

Picture

មូលដ្ឋាន​គ្រឹះ​ទាំង ៣ សម្រាប់​សហគ្រិន​មុន​ពេល​បង្ហាញខ្លួន ក្នុង​យុគសម័យ​ឌី​ជី​ថ​ល​ !

3 ខែ មុន

ប្រព័ន្ធ​ផ្សព្វផ្សាយ​សង្គម ជាមួយនឹង​យុគសម័យ​ឌី​ជី​ថ​ល បាន​ធ្វើ​ឱ្យ​មនុស្ស​យល់​ដឹង​កាន់តែ​ច្បាស់​ពី​របៀប​ដែល​យើង​ត្រូវធ្វើ ដើម្បី​ឱ្យ​មនុស្ស​គ្រប់​គ្នា​បាន​ស្គាល់​យើង​ ។ ហើយ​មនុស្ស​គ្រប់​គ្នា​បាន​ទទួលយក​យុគសម័យ​ឌី​ជី​ថ​ល​នេះ​យ៉ាង​ឆាប់រហ័ស ព្រោះ​វា​សំខាន់​ណាស់​សម្រាប់​យើង រាល់​ការ​បង្ហាញ ទ​ង្វើ​ឬ​សកម្មភាព​នានា ដែល​វា​ធ្វើ​ឱ្យ​អ្នក​ដទៃ​ស្គាល់​យើង​ថា…

ប្រព័ន្ធ​ផ្សព្វផ្សាយ​សង្គម ជាមួយនឹង​យុគសម័យ​ឌី​ជី​ថ​ល បាន​ធ្វើ​ឱ្យ​មនុស្ស​យល់​ដឹង​កាន់តែ​ច្បាស់​ពី​របៀប​ដែល​យើង​ត្រូវធ្វើ ដើម្បី​ឱ្យ​មនុស្ស​គ្រប់​គ្នា​បាន​ស្គាល់​យើង​ ។ ហើយ​មនុស្ស​គ្រប់​គ្នា​បាន​ទទួលយក​យុគសម័យ​ឌី​ជី​ថ​ល​នេះ​យ៉ាង​ឆាប់រហ័ស ព្រោះ​វា​សំខាន់​ណាស់​សម្រាប់​យើង រាល់​ការ​បង្ហាញ ទ​ង្វើ​ឬ​សកម្មភាព​នានា ដែល​វា​ធ្វើ​ឱ្យ​អ្នក​ដទៃ​ស្គាល់​យើង​ថា ​ជា​នរណា​ ។ បើ​ទោះបី​ការ​បង្ហាញ​រូបភាព​ខ្លះ មិន​ត្រូវ​បាន​គេ​យកចិត្តទុកដាក់ ប៉ុន្តែ​វា​ក៏​នៅ​តែ​ជា​មាតិការ​សំខាន់​សម្រាប់​យើង​គ្រប់​គ្នា ជា​ពិសេស​សហគ្រិន​ និង​ម្ចាស់​អាជីវកម្ម (​ថ្មីថ្មោង​) ប្រសិនបើ​អ្នក​មិន​ចង់ឱ្យ​អាជីវកម្ម​របស់​អ្នកមាន​ភាព​ឯការ អ្នក​ត្រូវ​បើ​ប្រាស់​រូបភាព ​ឬ​តិច​និក​បែប​ណា​ដើម្បី​ឱ្យ​ផលិតផល​ ឬ​អា​ជី​កម្ម​របស់​អ្នកមាន​ឥទ្ធិពលលើ​ពិភពលោក​នា​ពេល​បច្ចុប្បន្ន ព្រោះ​វា​ជួយ​បញ្ជាក់​ពី​បេសកកម្ម​ជំនាញ និង​តម្លៃ​ផ្ទាល់ខ្លួន​របស់​អ្នក ​។

Picture

សម្រាប់​សហគ្រិន​វិញ​រូបភាព ​ឬ​វី​ដេ​អូ គឺ​ចាំបាច់​ណាស់ ពីព្រោះ​វា​ជា​ចំណាប់អារម្មណ៍​ដំបូង ដែល​តែងតែ​បង្ហាញ​ទៅ​ឱ្យ​អតិថិជន​ក្នុង​ការ​ជឿ​ទុកចិត្ត​លើ​ខ្លួន ម៉ាក ផលិតផល​របស់​អ្នក​ ។ ការ​បង្ហាញ​រូបភាព​ត្រឹមត្រូវ​ គឺ​ល្អ​បំផុត​សម្រាប់​យីហោ​ផ្ទាល់ខ្លួន​របស់​អ្នក ដែល​គេ​អាច​ស្គាល់​អ្នក​ថា​អ្នកមាន​វិជ្ជាជីវៈ​ត្រឹមត្រូវ​នៃ​អាជីវកម្ម​ឬ​សហគ្រិន​របស់​អ្នក ហើយ​វា​នឹង​ជួយ​អ្នក ដើម្បី​ទាក់ទាញ​ការ​ចូល​មើល និង​ស៊ែរ​ផង​ដែរ​ ។ អ្នកជំនាញ​ឯកទេស​ និង​ទស្សនៈ​ទូលំទូលាយ បាន​ណែនាំ​ពី​មូលដ្ឋាន​គ្រឹះ​បី​យ៉ាង នៃ​ការ​បង្កើត​រូបភាព​យុទ្ធសាស្ត្រ ប៉ុន្តែ​ត្រូវ​តែ​មាន​ភាព​ត្រឹមត្រូវ ក្នុង​នាម​ជា​សហគ្រិន​ដំបូង​ម្នាក់ ​៖

Picture

មូលដ្ឋាន​គ្រឹះ​ទី​ ១ ស្វែង​យល់​អំពី​ខ្លួនឯង ​៖ អ្នក​មិន​អាច​បង្កើត​រូបភាព​យុទ្ធសាស្ត្រ​បាន​ទេ ប្រសិនបើ​អ្នក​មិន​ទាន់​ស្គាល់​ខ្លួនឯង​ថា​ជា​នរណា ឬ​អាជីវកម្ម​របស់​ខ្លួន​ប្រភេទ​អ្វី ​។ វា​ជា​មូលហេតុ​ចាំបាច់ ដែល​អាច​ជួយ​អ្នក​ក្នុង​ការ​ស្វែងរក​អ្វីមួយ ដែល​អ្នក​គួរ​ធ្វើ​ដើម្បី​ការ​ទាក់ទាញ​និង​ប្លែក​ពី​អ្នក​ដទៃ នៅ​ពេល​អ្នក​សម្រេច​ដើរទៅ​ក្នុង​អាជីវកម្ម ឬ​ឧស្សាហកម្ម​នោះ ដែល​មាន​ភាព​ជាក់លាក់​មួយ ​។ អ្នក​ត្រូវ​ដឹង​និង​មាន​គោលដៅ ថា​អ្នក​ចង់​ធ្វើ​អ្វីចង់​បង្ហាញ​អ្វី​ដល់​អតិថិជន​របស់​អ្នក ឬ​ក៏​ចង់​បង្ហាញ​អ្វីមួយ​ឱ្យ​សាធារណៈជន ចាប់អារម្មណ៍​លើ​ផលិតផល​របស់​អ្នក ឬ​ឧស្សាហកម្ម​របស់​អ្នក ​។ តាម​រយៈ​រូបភាព​ឬ​វី​ដេ​អូ​របស់​អាជីវកម្ម​អ្នក តើ​អ្នក​ចង់​ផ្តល់​សារ​អ្វី​ដល់​សាធារណៈជន ? ហើយ​អ្វី​ដែល​ជា​សារ​ពី​សហគ្រិន​ជោគជ័យ ដែល​អ្នក​តែងតែ​ស្តាប់​ពី​គាត់ ដើម្បី​លើកទឹកចិត្ត​អ្នក​ឱ្យធ្វើ​និង​ប្តេជ្ញា​ចិត្ត​ក្នុង​អាជីវកម្ម​របស់​អ្នក ប្រសិនជា​សារ​នេះ​វាស្រ​ដៀង​ទៅ​នឹង​គោលដៅ​របស់​អ្នក អ្នក​ត្រូវ​តែ​យក​វា​មក​ធ្វើ​ជា​គំរូ​ដើម្បី​កសាង​ខ្លួន​ឱ្យ​មាន​ភាព​ជឿជាក់​លើ​ខ្លួនឯង​ ។

Picture

មូលដ្ឋាន​គ្រឹះ​ទី​ ២ បង្ហាញ​ជំនាញ​ឯកទេស​ឬទេ​ព​កោសល្យ ដែល​អ្នកមាន ​៖ អ្នក​ត្រូវ​ដឹង​ថា ​ខ្លួន​អ្នក​ពូកែ​អ្វី មាន​ជំនាញ​អ្វីខ្លះ ? ប្រសិនបើ​រូបភាព​អា​ជី​កម្ម​របស់​អ្នក បង្ហាញ​នូវ​អ្វី​ដែល​អ្នក​ធ្វើ តើ​បាន​ល្អ​ជាង​អ្នក​ដទៃ ? មិន​ថា​ធំ​ឬ​តូច​នោះ​ទេ​ ។ ប្រសិនជា​អ្នក​ដើរ​លើ​ផ្លូវ​សហគ្រិន​ឬ​អាជីវកម្ម ប្រហែលជា​វា​ត្រូវ​ទាមទា​ឱ្យ​អ្នក​មានការ​ច្នៃប្រឌិត​ខ្ពស់ ចេះ​ដោះស្រាយ​បញ្ហា​ភ្លាម​ៗ​ប្រកបដោយ​ភាព​ឆ្លាត​វៃ និង​ការ​ចេះ​ទាញ​យក​ប្រយោជន៍​ពី​បណ្តាញ​សង្គម​នានា ឬ​តាមដាន​ព័ត៌មាន​នានា​ផង​ដែរ ទាំងនេះ​ជា​ការ​យល់​ដឹង​មួយ ដែល​ធ្វើ​ឱ្យ​អ្នក​អាច​បង្កើត​រូបភាព​ផ្សេង​ៗ ពី​ការ​ច្នៃប្រឌិត​របស់​អ្នក​ ។ នៅ​ពេល​អ្នកដឹង​អំពី​ទេព​កោសល្យ និង​ជំនាញ​ឯកទេស​របស់​អ្នក​ហើយ អ្នក​នឹង​ដឹង​ពី​ចំណុច​ខ្វះខាត ចំណុច​ដែល​ត្រូវ​ខិតខំ​ប្រឹងប្រែង​បន្ថែម​ទៀត ដើម្បី​អភិវឌ្ឍ​ខ្លូ​ន​អ្នក​ឱ្យទៅ​ជា​សហគ្រិន​ថ្មី​ម្នាក់​ ។

Picture

មូលដ្ឋាន​គ្រឹះ​ទី​ ៣ ប្រកាន់​ភ្ជាប់​នូវ​ទស្សនៈ​ទូលំទូលាយ នោះ​វា​នឹង​ជួយ​ដល់​ការ​ពង្រីក​ចំណេះដឹង​នានា ​៖
អ្នក​ត្រូវ​រក្សា​ទស្សនៈ​ទូលំទូលាយ និង​ការ​ទទួល​ព័ត៌មាន​អំពី​ពិភពលោក និង​ព័ត៌មាន​ជុំវិញ​អ្នក នោះ​វា​នឹង​ជួយ​អ្នក​បង្កើត​រូបភាព ឬ​គំនិត​មួយ​ផ្សេង​ទៀត​ ។ វា​ជា​យុទ្ធសាស្ត្រ​មួយដែល​បន្ត​អភិវឌ្ឍ​ចំណេញ​របស់​អ្នក ហើយ​វា​ជួយ​ឱ្យ​អ្នក​អាច​លាតត្រដាង​ខ្លួនឯង​ជាមួយនឹង​គំនិត​ឬ​ឱកាស​ថ្មី​ៗ ហើយ​ចែករំលែក​វា​ជាមួយ​មនុស្ស​នៅ​ជុំវិញ​អ្នក ជាមួយ​វិជ្ជាជីវៈ​និង​ផ្ទាល់ខ្លួន ។ សមត្ថភាព​របស់​អ្នក​ច្រើន​តែ​ឆ្លុះ​បញ្ចាំង និង​បង្ហាញ​ថា​អ្នកជា​នរណា ហើយ​អ្នក​សាក​សម​នឹង​ធ្វើ​អ្វី​ ។ មិន​ថា​នរណា​និយាយ​អ្វី​ក៏​ដោយ បើ​សម្តី​ល្អ​ទុកជា​បទ​ពិសោធន៍ តែ​អ្វី​ដែល​សំខាន់​នោះ​អ្នក​ត្រូវ​តែ​បង្ហាញ​សមត្ថភាព​ដែល​មាន​ចេញ​មក​ឱ្យ​អស់ ​។
ចូរ​អ្នក​ចង​ចាំ​ថា សហគ្រិន​ត្រូវ​យកចិត្តទុកដាក់​ជា​ពិសេស ចំពោះ​វិធីសាស្ត្រ​ផ្សេង​ៗ ដែល​សហគ្រិន​បង្ហាញខ្លួន​ទៅ សាធារណៈជន ព្រោះ​បើ​អ្នក​បង្ហាញ​ត្រូវ អ្នក​នឹង​មាន​កេរ្តិ៍​និង​កិត្តិយស ប៉ុន្តែ​បើ​ខុស​វ​ញ​វា​នឹ​ដ​ប៉ះពាល់​ផ្ទាល់​ដល់​ការ​យល់​ឃើញ​របស់​ក្រុមហ៊ុន​និង​អតិថិជន ក៏​ដូច​ជា​សាធារណៈជន​ផង​ដែរ​។ ការ​បង្ហាញ​រូបភាព​ដែល​មាន​លក្ខណៈ​ពិតប្រាកដ ប៉ុន្តែ​មាន​លក្ខណៈ​ជា​យុទ្ធសាស្ត្រ គឺជា​ជំនាញ​ចាំបាច់ នៅ​ក្នុង​ដំណើរការ​របស់​សហគ្រិន​ ៕ ប្រភព ៖ Forbes