រាជធានីភ្នំពេញ ៖ បុរសម្នាក់ត្រូវជនសង្ស័យចំនួន៤នាក់ជិះម៉ូតូពីរគ្រឿងធ្វើសកម្មភាពចាក់ជាច្រើនកាំបិតបណ្ដាលឲ្យធ្លាយពោះវៀនរងរបួសយ៉ាងធ្ងន់ធ្ងរ សង្ស័យប្លន់យកម៉ូតូ១គ្រឿង តែពុំបានសម្រេច។ ហេតុការណ៍ខាងលើនេះបានកើតឡើងកាលពីម៉ោង៥ព្រឹកថ្ងៃទី១៧ ខែតុលា ឆ្នាំ ២០២៥នៅចំណុចមហាវិថីឈ្នះឈ្នះក្បែរផ្សារម៉ាក្រូក្នុងភូមិបាក់ខែងលើ សង្កាត់បាក់ខែងខណ្ឌជ្រោយចង្វារ…
រាជធានីភ្នំពេញ ៖ បុរសម្នាក់ត្រូវជនសង្ស័យចំនួន៤នាក់ជិះម៉ូតូពីរគ្រឿងធ្វើសកម្មភាពចាក់ជាច្រើនកាំបិតបណ្ដាលឲ្យធ្លាយពោះវៀនរងរបួសយ៉ាងធ្ងន់ធ្ងរ សង្ស័យប្លន់យកម៉ូតូ១គ្រឿង តែពុំបានសម្រេច។
ហេតុការណ៍ខាងលើនេះបានកើតឡើងកាលពីម៉ោង៥ព្រឹកថ្ងៃទី១៧ ខែតុលា ឆ្នាំ ២០២៥នៅចំណុចមហាវិថីឈ្នះឈ្នះក្បែរផ្សារម៉ាក្រូក្នុងភូមិបាក់ខែងលើ សង្កាត់បាក់ខែងខណ្ឌជ្រោយចង្វារ រាជធានីភ្នំពេញ។
បុរសរូបនោះពុំត្រូវគេស្គាល់អត្តសញ្ញាណឡើយជិៈម៉ូតូម៉ាក់ហុងដាឌ្រីមសេ១២៥ ពណ៌ខ្មៅពាក់ស្លាកលេខភ្នំពេញ១LQ-៥៧២១បានរងរបួសជាច្រើនកាំបិតត្រូវបានរថយន្តបញ្ជូនទៅសង្គ្រោះ។
តាមប្រភពព័ត៌មានបានអោយដឹងថា នៅមុនពេលកើតហេតុ គេឃើញជនសង្ស័យចំនួន៤នាក់ជិះម៉ូតូពីគ្រឿងបានធ្វើសកម្មភាពចាក់ទៅលើជនរងគ្រោះ សង្ស័យប្លន់យកម៉ូតូមួយគ្រឿង ។ ខណៈនោះមានប្រជាពលរដ្ឋធ្វើដំណើរឆ្លងកាត់បានឃើញនិងស្រែកឆោឡោធ្វើឲ្យជនសង្ស័យបានគេចខ្លួនដោយគេសង្ស័យថា ប្លន់ពុំបានសម្រេចឡើយ ។ នៅក្នុងហេតុការណ៍នោះបណ្ដាលឱ្យជនរងគ្រោះរងរបួសជាច្រើនកាំបិតធ្លាយពោះវៀនឈាមហូរស្រាចពេញខ្លួននៅលើដងផ្លូវ។
តាមព័ត៌មានឱ្យដឹងទៀតថា នៅមុនពេលកើតហេតុ ជនរងគ្រោះបានជិះម៉ូតូមួយគ្រឿងធ្វើដំណើរមកពីស្រុកមុខកំពូល ចូលរាជធានីភ្នំពេញ ។ នៅពេលធ្វើដំណើរមកដល់កន្លែងកើតហេតុជនសង្ស័យក៏បានធ្វើសកម្មភាពធាក់ម៉ូតូផ្តួលហើយ ចាក់ទៅលើជនរងគ្រោះតែម្ដង សង្ស័យជាករណីប្លន់ពុំបានសម្រេច។
បន្ទាប់ពីកើតហេតុនគរបាល មូលដ្ឋានក៏បានចុះទៅកន្លែងកើតហេតុនិងទាក់ទងហៅរថយន្តបញ្ជូនទៅសង្គ្រោះនៅមន្ទីរពេទ្យ។
តាមនគរបាលមូលដ្ឋានបានឲ្យដឹងថា ទាក់ទិននឹងករណីនេះគេពុំ ទាន់ដឹងថា ជាករណីប្លន់ឬជាករណីទំនាស់នោះទេ ដោយសមត្ថកិច្ចកំពុងចុះស្រាវជ្រាវនិងសាកសួរជនរងគ្រោះ៕
ចែករំលែកព័តមាននេះ