រាជធានីភ្នំពេញ ៖ ស្ត្រីជាកម្មការិនីម្នាក់ត្រូវបានកម្លាំងនគរបាលខណ្ឌពោធិ៍សែនជ័យឃាត់ខ្លួន បន្ទាប់ពីសមត្ថកិច្ចជំនាញនៃស្នងការនគបាលរាជធានីភ្នំពេញសហការជាមួយអង្គការ CPU សង្ស័យ ថាស្ត្រីរូបនោះបានពាក់ព័ន្ធធ្វើអោយកូនស្រីអាយុ ៤ខែ ស្លាប់បាត់បង់ជីវិត។ ហេតុការណ៍ខាងលើនេះបង្កឲ្យមានការភ្ញាក់ផ្អើលកាលពីវេលាម៉ោង៣និង៣០នាទីចូលព្រឹកថ្ងៃទី១៧ខែតុលា…
រាជធានីភ្នំពេញ ៖ ស្ត្រីជាកម្មការិនីម្នាក់ត្រូវបានកម្លាំងនគរបាលខណ្ឌពោធិ៍សែនជ័យឃាត់ខ្លួន បន្ទាប់ពីសមត្ថកិច្ចជំនាញនៃស្នងការនគបាលរាជធានីភ្នំពេញសហការជាមួយអង្គការ CPU សង្ស័យ ថាស្ត្រីរូបនោះបានពាក់ព័ន្ធធ្វើអោយកូនស្រីអាយុ ៤ខែ ស្លាប់បាត់បង់ជីវិត។
ហេតុការណ៍ខាងលើនេះបង្កឲ្យមានការភ្ញាក់ផ្អើលកាលពីវេលាម៉ោង៣និង៣០នាទីចូលព្រឹកថ្ងៃទី១៧ខែតុលា ឆ្នាំ២០២៥ នៅចំណុចផ្ទះជួលក្នុងត្រពាំងថ្លឹង១ សង្កាត់ចោមចៅទី១ ខណ្ឌពោធិ៍សែនជ័យរាជធានីភ្នំពេញ។
ការឃាត់ខ្លួនស្ត្រីជាម្តាយ រូបនោះបានធ្វើឡើងនៅវេលាម៉ោងប្រមាណ ១រសៀលថ្ងៃដដែល បន្ទាប់ពីសមត្ថកិច្ចជំនាញបានធ្វើការស្រាវជ្រាវនិងត្រួត ពិនិត្យសពអស់រយៈពេលមួយព្រឹក។
ស្ត្រីជាម្តាយដែលជាប់សង្ស័យរូបនោះឈ្មោះអ៊ុយ ថាវី អាយុ៣៣ឆ្នាំ ជាកម្មការិនីកាត់ដេរ ស្នាក់នៅកន្លែងកើតហេតុខាងលើ និងមានស្រុកកំណើតនៅភូមិស្វាយជ្រុំ ឃុំស្វាយជ្រុំ ស្រុកស្វាយជ្រុំ ខេត្តស្វាយរៀង។ចំណែកកូនស្រីដែលបាត់បង់ជីវិតឈ្មោះអ៊ុយ ស្រីហុង អាយុទើបតែ៤ខែប៉ុណ្ណោះ។
តាមប្រភពពីស្ត្រីជាម្តាយរូបនោះឱ្យដឹងថា នៅវេលាម៉ោង៣និង៣០នាទីឈានចូលព្រឹកថ្ងៃទី១៧ ខែតុលាឆ្នាំ ២០២៥ នៅពេលដែលនាងក្រោកពីដំណេកទៅបត់ជើងរួចត្រឡប់មកវិញស្រាប់តែឃើញកូនរបស់គាត់ដេកស្លាប់។នៅយប់នោះស្ត្រីជាម្ដាយក៏បានទៅប្រាប់មេភូមិបង្កឲ្យមានការភ្ញាក់ផ្អើលឡើង។ដោយមានការសង្ស័យពីអ្នកជិតខាងដោយអះអាងថា ក្មេងស្រីរូបនោះពុំមានជំងីអ្វីឡើយហើយក៏រាយការណ៍ទៅសមត្ថកិច្ចមូលដ្ឋានទាក់ទងនឹងនគរ បាលជំនាញកោសល្យវិច័យដើម្បីចុះត្រួតពិនិត្យ។
តាមព័ត៌មានឲ្យដឹងទៀតថាស្ត្រីជាម្តាយរូបនោះជាស្ត្រីមេម៉ាយ ធ្លាប់មានប្តី២នាក់ ដែលប្ដីទីមួយមានកូនស្រីម្នាក់អាយុប្រមាណ ៣ឆ្នាំ ហើយបានលែងលះគ្នា ។ លុះក្រោយមកក៏មានប្ដីម្នាក់ទៀតពរពោះបានកូនស្រីរងគ្រោះខាងលើ ខណៈពេលពរពោះកូនក្នុងផ្ទៃ៣ខែ ក៏បានលែងលះគ្នាទៀត ដោយបន្សល់ទុកកូនស្រី២នាក់នៅក្នុងបន្ទុក។
តាមព័ត៌មានអោយដឹងទៀតថា នៅព្រឹកនោះនគរបាលជំនាញរួមនិងនគរបាលមូលដ្ឋានដោយមានការចូលរួមពីអង្គការ CPU ក៏បានធ្វើការត្រួតពិនិត្យសពយ៉ាងល្អិតល្អន់ អស់មួយព្រឹកដោយមានការសង្ស័យសមត្ថកិច្ចក៏បានឃាត់ខ្លួនស្ត្រីរូបនោះបញ្ជូនទៅកាន់អធិការដ្ឋាននគរបាល ខណ្ឌពោធិ៍សែនជ័យ នៅវេលាម៉ោង១ រសៀលថ្ងៃទី ១៧ ខែតុលា ដើម្បីសាកសួរ។
តាមការត្រួតពិនិត្យសមត្ថកិច្ចជំនាញបានឲ្យដឹងថាក្មេងស្រី រូបនោះស្លាប់ដោយសារឈ្លក់ទឹក៕
ចែករំលែកព័តមាននេះ