ធ្វើតេស្តលើសត្វដំរីចំនួន២៨ក្បាល ក្រែងឆ្លងកូវីដ១៩
កាលពីថ្ងៃទី៨ ខែមិថុនា ឆ្នាំ២០២១ បានយកសំណាកពីសត្វដំរី ដើម្បីធ្វើតេស្ត ក្រែងឆ្លងវីរុសកូវីដ-១៩ នៅជំរំសត្វដំរី
កាលពីថ្ងៃទី៨ ខែមិថុនា ឆ្នាំ២០២១ បានយកសំណាកពីសត្វដំរី ដើម្បីធ្វើតេស្ត ក្រែងឆ្លងវីរុសកូវីដ-១៩ នៅជំរំសត្វដំរី
ប្រទេសឥណ្ឌា ៖ បណ្ដាពេទ្យសត្វឥណ្ឌា កាលពីថ្ងៃទី៨ ខែមិថុនា ឆ្នាំ២០២១ បានយកសំណាកពីសត្វដំរី ដើម្បីធ្វើតេស្ត ក្រែងឆ្លងវីរុសកូវីដ-១៩ នៅជំរំសត្វដំរី THEPPAKADU រដ្ឋទមិឡណាឌូ ភាគខាងត្បូងឥណ្ឌា។
ការធ្វើតេស្តរកវីរុសកូវីដ-១៩ លើពពួកដំរីនោះ ត្រូវបានធ្វើ ក្រោយការស្លា.ប់របស់តោញី១ក្បាល ដោយសារវីរុសនោះមក ។ ដំរី២៨ក្បាល ត្រូវធ្វើតេស្តក្នុងតំបន់ព្រៃអភិរក្សភាគខាងត្បូងឥណ្ឌា ។ នេះជាការអះអាងកាលពីថ្ងៃទី៩ មិថុនា របស់អាជ្ញាធរ ក្រោយការស្លា.ប់តោញីអាស៊ី១ក្បាល ដោយសារវីរុសកូវីដ-១៩ ។ តោញីអាយុ៩ឆ្នាំនោះ ស្ថិតក្នុងពូជកម្រដែលរងការគំរាមកំហែងបាត់បង់បានស្លា.ប់កាលពីដើមខែមិថុនា ក្នុងឧទ្យានសត្វ ARIGNAR ANNA នៅ CHENNAI រដ្ឋទមិឡណាឌូ ។
តាមសារព័ត៌មានក្នុងស្រុកថា នោះជាការស្លា.ប់របស់សត្វជាលើកដំបូងនៅឥណ្ឌា ដោយសារកូវីដ-១៩ ។ ការធ្វើតេស្តបង្ហាញថា តោញីនោះ និងតោ៨ក្បាលទៀតឆ្លងវីរុស ក្នុងនោះ២ក្បាលស្ថិតក្នុងសភាពគួរឲ្យបារម្ភ។ ឆ្មាំរក្សាព្រៃនៃឧទ្យានជាតិ MADUMALAI
ភាគខាងត្បូងរដ្ឋទមិឡណាឌូ ថ្លែងនាថ្ងៃទី៩ មិថុនាថា ក្រោយរកឃើញពពួកតោឆ្លងវីរុស យើងស្នើឲ្យធ្វើតេស្តលើសត្វដំរីជាការប្រុងប្រយ័ត្ន ។
ការយកសំណាកពីដំរី ដើម្បីធ្វើតេស្តពុំមានការលំបាកប៉ុន្មានឡើយ ដូចការបង្ហាញតាមបណ្ដារូបភាពវីដេអូពីដំណើរការនោះ ។ ខ្លាប្រមាណជា២១ក្បាលនៅឧទ្យាន BHAGWAN BIRSA រដ្ឋ JHARKHAND ភាគខាងកើតឥណ្ឌា ក៏ត្រូវបានធ្វើតេស្តដែរកាលពីសប្ដាហ៍មុនក្រោយការស្លាប់ខ្លាមួយក្បាលអាយុ១០ឆ្នាំមក ៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ