ខេត្តកំពង់ឆ្នាំង ៖ ផ្ទះចំនួន៥០ខ្នងបានរងគ្រោះដោយសារភ្លៀងនិងខ្យល់កន្ត្រាក់ កើតឡើងកាលពីរសៀលថ្ងៃទី៦ មិថុនា ស្ថិតនៅក្នុងស្រុកចំនួន២ ក្នុងខេត្តកំពង់ឆ្នាំង ។ នេះបើយោងតាមរបាយការណ៍បឋម របស់មន្ទីរព័ត៌មានខេត្ត…
ខេត្តកំពង់ឆ្នាំង ៖ ផ្ទះចំនួន៥០ខ្នងបានរងគ្រោះដោយសារភ្លៀងនិងខ្យល់កន្ត្រាក់ កើតឡើងកាលពីរសៀលថ្ងៃទី៦ មិថុនា ស្ថិតនៅក្នុងស្រុកចំនួន២ ក្នុងខេត្តកំពង់ឆ្នាំង ។ នេះបើយោងតាមរបាយការណ៍បឋម របស់មន្ទីរព័ត៌មានខេត្ត ដែលបានរាយការណ៍ជូនអភិបាលខេត្តកំពង់ឆ្នាំង។
ក្នុងរបាយការណ៍បឋមរបស់មន្ទីរព័ត៌មានខេត្តកំពង់ឆ្នាំងបានបញ្ជាក់ថា បន្ទាប់ពីមានភ្លៀងនិងខ្យល់កន្ត្រាក់រួចមក ស្រុកចំនួន២ក្នុងខេត្តកំពង់ឆ្នាំងបានរងការប៉ះពាល់ បណ្ដាលឲ្យផ្ទះចំនួន៥០ខ្នងបានរងគ្រោះ ក្នុងនោះ រលំទាំងស្រុង១០ខ្នង និងរបើកដំបូល៤០ខ្នង ក្នុងនោះមាន៖ ស្រុកសាមគ្គីមានជ័យ រងគ្រោះ៣៤ ខ្នង ដោយដួលរលំទាំងស្រុង ៨ខ្នង និងរបើកដំបូល២៦ ខ្នង និងស្រុកកំពង់លែងចំនួន ១៦ខ្នង ដួលរលំទាំងស្រុង២ ខ្នងនិងរបើកដំបូល១៤ ខ្នង ។ ប៉ុន្តែនៅក្នុងហេតុការណ៍គ្រោះធម្មជាតិនេះ ពុំបណ្ដាលឱ្យមាននរណាគ្រោះថ្នាក់នោះទេ ។
សូមបញ្ជាក់ថា មានភ្លៀងនិងខ្យល់កន្ត្រាក់ បានបោកបក់មកលើខេត្តកំពង់ឆ្នាំង បណ្តាលឱ្យផ្ទះ និងដើមឈើជាច្រើនបានរងគ្រោះដោយការរលំ និងរបើកដំបូល ។ ជាសំណាងល្អ ក្នុងហេតុការភ្លៀងនិងខ្យល់កន្ត្រាក់ជាងកន្លះម៉ោង មិនមាននរណាម្នាក់បានរងគ្រោះនោះទេ ៕
ចែករំលែកព័តមាននេះ