បើតាមសេចក្តីរាយការណ៍បានឱ្យដឹងថា មានមនុស្ស២នាក់ដែលត្រូវជាឪពុកនិងកូន បានលង់ទឹកស្លា.ប់ បង្កឱ្យមានការភ្ញាក់ផ្អើលកាលពីវេលាម៉ោង
ខេត្តកំពង់ឆ្នាំង ៖ បើតាមសេចក្តីរាយការណ៍បានឱ្យដឹងថា មានមនុស្ស២នាក់ដែលត្រូវជាឪពុកនិងកូន បានលង់ទឹកស្លា.ប់ បង្កឱ្យមានការភ្ញាក់ផ្អើលកាលពីវេលាម៉ោង១១និង២០នាទីព្រឹក ថ្ងៃទី៣ ខែមិថុនា នៅចំណុចស្រះទឹកខាងក្រោយរោងចក្រត្រីប៉ុស្តិ៍ ស្ថិតក្នុងភូមិព្រៃពិស ឃុំឈូក.ស ស្រុកកំពង់ត្រឡាច ខណៈពេលដែលជនរងគ្រោះយកគោទៅឲ្យផឹកទឹកស្រះនៅទីនោះ ។
តាមប្រភពពីសមត្ថកិច្ចនគរបាលនៅកន្លែងកើតហេតុបានឲ្យដឹងថា ជនរងគ្រោះជាឪពុកមានឈ្មោះ សុខ គ្រីយ៉ា អាយុ៣៩ឆ្នាំ ចំណែកកូនប្រុសដែលស្លា.ប់ជាមួយឪពុកមានឈ្មោះ គ្រីយ៉ា មូសា អាយុ១៦ឆ្នាំ ទាំង២នាក់មានទីលំនៅភូមិទួល ឃុំឈូកស ស្រុកកំពង់ត្រឡាច ។
ប្រភពដដែលបានបញ្ជាក់ថា នៅមុនពេលកើតហេតុ ជនរងគ្រោះទាំង២នាក់បានយកគោទៅឱ្យផឹកទឹកស្រះ ខណៈពេលនោះកូនប្រុស (ជនរងគ្រោះ) បានដឹកគោឱ្យទៅចុះផឹកទឹកស្រះ ក៏ស្រាប់តែរអិលធ្លាក់ចូលទៅក្នុងស្រះ បណ្ដាលឲ្យលង់តែម្តង ដោយឃើញដូច្នោះ ឪពុក (ជនរងគ្រោះ) ក៏ហក់លោតចុះទៅជួយសង្គ្រោះកូនប្រុស ប៉ុន្តែមិនដឹងថាយ៉ាងម៉េច ក៏បានបណ្ដាលឲ្យលង់ទឹកស្លា.ប់ទាំង២ នាក់តែម្តង ។
ក្រោយពេលកើតហេតុ ដោយសារតែក្រុមគ្រួសារបាត់ដំណឹងយូរពេក ក៏នាំគ្នាទៅមើល ប៉ុន្តែឃើញតែ ស្បែកជើងនៅមាត់ស្រះ និងសត្វគោឈរនៅកន្លែងកើតហេតុប៉ុណ្ណោះ ដោយមានការសង្ស័យក៏នាំគ្នាចុះរាវរកមើល ទើបប្រទះឃើញជនរងគ្រោះស្លា.ប់ទាំង២នាក់ឪពុកនិងកូននៅក្នុងទឹកស្រះបាត់ទៅហើយ ។
ក្រោយពីពិនិត្យ និងធ្វើកោសល្យវិច័យទៅលើសាកស.ពជនរងគ្រោះទាំង២នាក់រួច សមត្ថកិច្ចបានបញ្ជាក់ថា ជនរងគ្រោះពិតជាស្លា.ប់ដោយសារលង់ទឹកពិតប្រាកដមែន ហើយក៏បានប្រគល់ស.ពជនរងគ្រោះទាំង២នាក់ទៅឱ្យសាច់ញាតិ ដើម្បីយកទៅធ្វើបុណ្យតាមប្រពៃណី ៕
ចែករំលែកព័តមាននេះ