រដ្ឋបាលខេត្តស្វាយរៀង បានប្រកាសអត្តសញ្ញាណអ្នកវិជ្ជមានកូវីដ១៩ ថ្មី ចំនួន៣៣នាក់ ក្នុងនោះស្រី១៧នាក់ ករណីជាសះស្បើយចំនួន៨៥នាក់ ក្នុងនោះស្រី៦៨នាក់ និងអ្នកពាក់ព័ន្ធផ្ទាល់ចំនួន៣០៩នាក់ ករណីស្លា.ប់ថ្មី
ខេត្តស្វាយរៀង ៖ នៅថ្ងៃទី២ ខែមិថុនា ឆ្នាំ២០២១ រដ្ឋបាលខេត្តស្វាយរៀង បានប្រកាសអត្តសញ្ញាណអ្នកវិជ្ជមានកូវីដ១៩ ថ្មី ចំនួន៣៣នាក់ ក្នុងនោះស្រី១៧នាក់ ករណីជាសះស្បើយចំនួន៨៥នាក់ ក្នុងនោះស្រី៦៨នាក់ និងអ្នកពាក់ព័ន្ធផ្ទាល់ចំនួន៣០៩នាក់ ករណីស្លា.ប់ថ្មីម្នាក់ (ប្រុស)។ នេះបើតាមសេចក្ដីជូនព័ត៌មានរបស់ក្រសួងសុខាភិបាល នាថ្ងៃទី០២ ខែមិថុនា ឆ្នាំ២០២១នេះ ។
គិតត្រឹមថ្ងៃទី២ ខែមិថុនា ២០២១ ខេត្តស្វាយរៀង មានអ្នកវិជ្ជមានកូវីដ១៩ សរុប៩១៣នាក់ ក្នុងនោះស្រី៥៣៦នាក់ ជាសះស្បើយសរុប៤៦៣នាក់ ក្នុងនោះស្រី២២២នាក់ និងកំពុងសម្រាកព្យាបាលចំនួន៤៤៣នាក់ ក្នុងនោះស្រី៣១២នាក់ ព្រមទាំងករណីស្លា.ប់០៦នាក់ ក្នុងនោះស្រី០២នាក់។
ហើយរដ្ឋបាលខេត្តស្វាយរៀង សូមអំពាវនាវដល់បងប្អូនប្រជាពលរដ្ឋដែលពាក់ព័ន្ធជាមួយអ្នកជំងឺកូវីដ-១៩ ខាងលើ ដោយទាំងផ្ទាល់ និងដោយប្រយោល សូមធ្វើចត្តាឡីស័ក តាមដានសុខភាព អនុវត្តតាមវិធានការណែនាំរបស់ក្រសួងសុខាភិបាល និងវិធានការ «៣ការពារ ៣កុំ» របស់សម្ដេចតេជោ ហ៊ុនសែន។
ប្រសិនបើមានរោគសញ្ញាដូចជា ៖ គ្រុនក្ដៅ, ក្អក, កណ្ដាស់, ឈឺបំពង់ក ឬដកដង្ហើមខ្លីៗ ឬសង្ស័យ សូមមេត្តាប្រញាប់ទៅធ្វើតេស្តរកមេរោគកូវីដ១៩ (COVID-19) ដែលមានទីតាំងនៅជិតផ្ទះ ឬផ្ដល់ព័ត៌មានទៅអាជ្ញាធរមូលដ្ឋាន ឬក៏ទៅយកវត្ថុវិភាគសំណាកនៅប៉ុស្ដិ៍យកសំណាកដែលនៅជិតផ្ទះ ឬទំនាក់ទំនងមកក្រុមការងារស្រាវជ្រាវ និងតាមដានបុគ្គលសង្ស័យថា មានផ្ទុកជំងឺកូវីដ១៩ តាមរយៈលេខទូរស័ព្ទ 044 712 522 ឬ 097 503 4567 ដើម្បីមានវិធានការណ៍បន្ត។
សម្រាប់អ្នកដែលគ្មានរោគសញ្ញា សូមដាក់ខ្លួនដាច់ដោយឡែក និងតាមដានសុខភាពរបស់ខ្លួនរយៈពេល១៤ថ្ងៃ ចាប់ពីថ្ងៃដែលអ្នកបានប៉ះពាល់ ឬទៅទីកន្លែងនោះ សូមមើលលម្អិតនៅខាងក្រោម ៖
ចែករំលែកព័តមាននេះ