វៀតណាមបើកជើងហោះហើរអន្តរជាតិចូលទីក្រុងធំៗឡើងវិញ ក្រោយបិទបានត្រឹម២ថ្ងៃ
វៀតណាម ៖ អាជ្ញាធរអាកាសចរណ៍វៀតណាម បាននិយាយនៅថ្ងៃទី២ ខែមិថុនា ឆ្នាំ២០២១ នេះថា ប្រទេសវៀតណាមនឹងចាប់ផ្តើម
វៀតណាម ៖ អាជ្ញាធរអាកាសចរណ៍វៀតណាម បាននិយាយនៅថ្ងៃទី២ ខែមិថុនា ឆ្នាំ២០២១ នេះថា ប្រទេសវៀតណាមនឹងចាប់ផ្តើម
វៀតណាម ៖ អាជ្ញាធរអាកាសចរណ៍វៀតណាម បាននិយាយនៅថ្ងៃទី២ ខែមិថុនា ឆ្នាំ២០២១ នេះថា ប្រទេសវៀតណាមនឹងចាប់ផ្តើមជើងហោះហើរអន្តរជាតិចូលមកកាន់ទីក្រុងហាណូយ រួមនិងទីក្រុងហូជីមិញវិញ ប្រកបដោយប្រសិទ្ធភាពភ្លាមៗ ក្រោយប្រកាសផ្អាកបានត្រឹមពីរថ្ងៃប៉ុណ្ណោះ ដោយសារបញ្ហាការឆ្លងរីករាលដាលនៃវីរុសកូវីដ១៩។
ដើមឡើយប្រទេសនេះ បានហាមឃាត់ការហោះហើរអន្តរជាតិចូលមកកាន់អាកាសយានដ្ឋាន Noi Bai របស់ទីក្រុងហាណូយរយៈពេលមួយសប្តាហ៍ ដោយចាប់ផ្តើមពីថ្ងៃទី៣១ ខែឧសភា និងហាមឃាត់ការហោះហើរចូលមកកាន់អាកាសយានដ្ឋាន Tan Son Nhat របស់ទីក្រុងហូជីមិញ រហូតដល់ថ្ងៃទី១៤ ខែមិថុនា ឆ្នាំ២០២១។
ជុំវិញបញ្ហានេះ អាជ្ញាធរអាកាសចរណ៍មិនបានបញ្ជាក់ពីមូលហេតុ ដែលបន្តការហោះហើរលឿនជាងការគ្រោងទុកបែបនេះឡើយ។ ប៉ុន្តែភាគច្រើននៃករណីឆ្លងកូវីដ១៩ ក្នុងការផ្ទុះឡើងនាពេលបច្ចុប្បន្ននៅវៀតណាម ត្រូវបានរកឃើញនៅក្នុងស្រុក មិនមែនមកពីអ្នកដំណើរបរទេសនោះទេ។
បើយោងតាមប្រភពពី Vietnam Plus បានឱ្យដឹងថា ក្រសួងសុខាភិបាលវៀតណាម នៅព្រឹកថ្ងៃទី២ ខែមិថុនា ឆ្នាំ២០២១ បានរាយការណ៍ករណីវិជ្ជមានកូវីដ១៩ ចំនួន៥៣នាក់បន្ថែមទៀតនៅទូទាំងប្រទេស។ ដែលនាំឱ្យអ្នកឆ្លងសរុបកើនឡើងដល់៧,៦២៥នាក់ ខណៈដែលអ្នកស្លា.ប់សរុបមាន៤៨នាក់៕ (ដកស្រង់ចេញពី Channel News Asia)
ចែករំលែកព័តមាននេះ