កុមារជាង៨ម៉ឺននាក់នៅប្រទេសម៉ាឡេស៊ី ធ្វើតេស្តរកឃើញវិជ្ជមានកូវីដ១៩
ម៉ាឡេស៊ី ៖ រដ្ឋមន្ត្រីក្រសួងសុខាភិបាលម៉ាឡេស៊ី លោកវេជ្ជបណ្ឌិត Adham Baba បាននិយាយកាលពីថ្ងៃទី៣១ ខែឧសភា ឆ្នាំ២០២១
ម៉ាឡេស៊ី ៖ រដ្ឋមន្ត្រីក្រសួងសុខាភិបាលម៉ាឡេស៊ី លោកវេជ្ជបណ្ឌិត Adham Baba បាននិយាយកាលពីថ្ងៃទី៣១ ខែឧសភា ឆ្នាំ២០២១ កន្លងទៅថា រហូតមកដល់ពេលនេះ ទារក និងកុមារសរុបចំនួន៨២,៣៤១នាក់ហើយ នៅក្នុងប្រទេសម៉ាឡេស៊ី ធ្វើតេស្តរកឃើញវិជ្ជមានវីរុសកូវីដ១៩។ នេះបើតាមការចេញផ្សាយពីសារព័ត៌មាន CNA។
បើតាមតួលេខដ៏ភ្ញាក់ផ្អើលពីក្រសួងសុខាភិបាលម៉ាឡេស៊ីបានឱ្យដឹងថា ករណីវិជ្ជមានចំនួន១៩,៨៥១នាក់ គឺមានលើកុមារដែលមានអាយុក្រោម៤ឆ្នាំ។ ចំណែកចំនួន៨,២៣៧នាក់ ពាក់ព័ន្ធនឹងកុមារដែលមានអាយុពី ៥ ទៅ ៦ ឆ្នាំ។ ស្របពេលដែលចំនួន២៦.៨៥១នាក់ មានលើកុមារអាយុចាប់ពី ៧ ទៅ ១២ឆ្នាំ។ និងចំនួន២៧,៤០២នាក់ផ្សេងទៀត កើតលើកុមារអាយុចាប់ពី ១៣ ទៅ ១៧ ឆ្នាំ។
លោកវេជ្ជបណ្ឌិត Adham Baba បានណែនាំដល់ឪពុកម្តាយ ឬអាណាព្យាបាលទាំងអស់ មេត្តាមានទំនួលខុសត្រូវខ្ពស់បំផុត ក្នុងការការពារក្មេងៗពីការឆ្លងដូចជា មិនត្រូវយកកូនៗទៅកន្លែងដែលមានមនុស្សច្រើនជាដើម។
សូមបញ្ជាក់ជូនថា គិតត្រឹមថ្ងៃទី១ ខែមិថុនា នេះ អ្នកឆ្លងវីរុសកូវីដ១៩ សរុបនៅក្នុងប្រទេសម៉ាឡេស៊ីមានជាង ៥៧២,៣៥៧នាក់ ខណៈដែលអ្នកស្លា.ប់សរុបមានចំនួន ២,៧៩៦នាក់។ ដោយឡែកអ្នកជាសះស្បើយសរុបមានចំនួន ៤៩០,០៣៨នាក់៕
ចែករំលែកព័តមាននេះ