ខេត្តតាកែ វ៖ តាមសេចក្តីរាយការណ៍បានឲ្យដឹងថា យានដ្ឋានកាត់តកែច្នៃដំឡើងរថយន្ដជិត២០ទីតាំងនៅក្នុងស្រុកបាទី ខេត្តតាកែវ កំពុងដំណើរការយ៉ាងរលូន ដោយគ្រាន់តែបង់លុយឲ្យអនុប្រធានមន្ទីសាធារណៈការម្នាក់ជាកាស្រេច ។
ប្រភពពីម្ចាស់យានដ្ឋានមួយសុំមិនបញ្ចេញឈ្មោះបានឲ្យដឹងថា នៅក្នុងស្រុកបាទីនេះ មានឃ្លាំងលួចលាក់ស្តុកក្បាលរថយន្តបែនជាច្រើនសម្រាប់ការកាត់តកែឆ្នៃឲ្យបានក្លាយជារថយន្តបែនលក់លើទីផ្សារ ហើយនៅក្នុងការតម្លើងនោះ សម្រាប់រថយន្តបែនចង្កូតស្ដាំ គឺត្រូវបង់លុយឲ្យសមត្ថកិច្ចក្នុងស្រុកបាទីក្នុង១ក្បាលឡានចំនួន១៥០ដុល្លារ ដើម្បីគេយកទៅចាត់ចែងដោយមិនបង្ក្រាប។
ជាមួយគ្នានេះដែរ ជារឿយៗក៏មានក្រុមនៃមន្ទីរសាធារណការ និងដឹកជញ្ជូនខេត្តតាកែវ ដែលដឹកនាំដោយលោក ពុំ ចាន់ធូ អនុប្រធានមន្ទីរ ទទួលបន្ទុកគ្រប់គ្រងយានដ្ឋាន ក៏បានចុះមកពិនិត្យដែរ តែគេមកគឺយកលុយ ហើយក៏ឡើងទៅវិញ តែបើយានដ្ឋានធំៗវិញ គឺទាមទារឲ្យបង់លុយជាខែ ដោយលោកពុំ ចាន់ធូ ថា គាត់យកទៅបង់ឲ្យថ្នាក់លើទៀត។
ពាក់ព័ន្ធនឹងករណីនេះ លោក ពុំ ចាន់ធូ អនុប្រធានមន្ទីសាធារណៈការ និងដឹកជញ្ជូន ខេត្តតាកែវ បានថ្លែងបដិសេធ ដោយថា កន្លងមកលោកបានចុះតាមយានដ្ឋាននៅស្រុកបាទីជាញឹកញាប់ តែចុះទៅអប់រំឲ្យម្ចាស់យានដ្ឋានអនុវត្តទៅតាមផ្លូវច្បាប់ និងឲ្យពួកគេបង់ពន្ធចូលរដ្ឋ។ ដោយ ឡែក ចំពោះរថយន្តបែនចង្កូតស្ដាំគ្មានការបង់ពន្ធវិញ គឺមិនពាក់ពន្ធ័នឹងលោកទេ វាគឺជាជំនាញរបស់គយ និងរដ្ឋករចំណែករឿងលុយការជាថ្នូរឲ្យម្ចាស់យានដ្ឋានប្រព្រឹត្តល្មើសច្បាប់គឺលោកមិនពាក់ពន្ធ័ឡើយ។
សម្រាប់លោក ឆាយ កែវមុន្នី អធិការនគរបាលស្រុកបាទីវិញបានថ្លែងថា សមត្ថកិច្ចរបស់លោកមិនដែលបានផលអីបន្តិចពីរឿងលុយកាក់ម្ចាស់យានដ្ឋានទាំងនោះទេ តែលោកថា និងរៀបចំកម្លាំងចុះទៅស្រាវជ្រាវ និងធ្វើការបង្ក្រាបឲ្យអស់៕ ដោយ៖ វង់ សុផា
ចែករំលែកព័តមាននេះ