បុគ្គលិក និងសន្តិសុខកំពុងគេងក្នុងហាងកាហ្វេ ស្រាប់តែឃើញផ្សែងហុយខ្មួលខ្មាញ់ចេញពីហាង
- ភ្នំពេញ
រាជធានីភ្នំពេញ ៖ បន្ទាប់ពីមានផ្សែងខ្មៅខ្មួលខ្មាញ់ ហុយចេញពីហាងកាហ្វេ មួយកន្លែង បានបង្កការភ្ញាក់ផ្អើលដល់ក្រុម
រាជធានីភ្នំពេញ ៖ បន្ទាប់ពីឃើញមានផ្សែងខ្មួលខ្មាញ់ ហុយចេញពីហាងកាហ្វេមួយកន្លែង បានបង្កការភ្ញាក់ផ្អើលដល់ប្រជាពលរដ្ឋរាយការណ៍ក្រុមសមត្ថកិច្ចចេញរថយន្តពន្លត់អគ្គីភ័យជាច្រើនគ្រឿងចុះមកជួយអន្តរាគមន៍បាញ់ទឹកពន្លត់ កាលពីវេលាម៉ោង2និង20នាទីឈានចូលព្រឹកថ្ងៃទី1 ខែ មិថុនា ឆ្នាំ2021 នៅចំនុចហាងកាហ្វេមួយកន្លែងយីហោ ផាម មានទីតាំងនៅទល់មុខមន្ទីរពេទ្យកាល់ម៉ែត សង្កាត់ស្រះចក ខណ្ឌដូនពេញ រាជធានីភ្នំពេញ ។
ម្ចាស់ហាងកាហ្វេកើតហេតុខាងលើឈ្មោះធុយ ស៊ែ ភេទប្រុស អាយុ៤៩ឆ្នាំ ហាងខាងលើជាប្រភេទសំណង់ថ្មមានទំហំ២៥ម៉ែត្រ×៣០ម៉ែត្រ ត្រូវភ្លើវឆេះខូចខាតសំភារះក្នុងបន្ទប់ (ទំហំ៣ម៉ែត្រ×៤ម៉ែត្រ) អស់ទាំងស្រុង តែពុំបណ្ដាលអោយឆេះរាលដាលដល់ផ្ទះអ្នកជិតខាងឡើយ ។
តាមប្រភពពីកន្លែងកើតហេតុបានប្រាប់អោយដឹងថា មុនពេលកើតហេតុ គឺឃើញផ្សែងខ្មៅហុយចេញពីលើដំបូលហាងកាហ្វេមួយកន្លែងខាងលើ បង្កការភ្ញាក់ផ្អើលដល់ប្រជាពលរដ្ឋនាំគ្នារាយការណ៍ប្រាប់អាជ្ញាធរមូលដ្ឋានឱ្យចុះមកដល់កន្លែងកើតហេតុ និងហៅអ្នកយាមហាងដែលនៅខាងក្នុងហាងចេញមកសួរនាំ ទើបដឹងថា មានភ្លើងឆេះនៅជាន់លើ ទើបរាយការណ៍បន្តប្រាប់ក្រុមសមត្ថកិច្ច បង្ការនិងពន្លត់អគ្គីភ័យចេញរថយន្តពន្លត់អគ្គិភ័យជាច្រើនគ្រឿងចុះមកអន្តរាគមន៍បាញ់ទឹកពន្លត់ភ្លាមៗផងដែរ។
តាមប្រភពពីអ្នកមើលការខុសត្រូវហាងកាហ្វេខាងលើបានឲ្យដឹងថា នៅក្នុងហាងកាហ្វេខាងលើមានបុគ្គលិក និងសន្តិសុខគេងនៅក្នុង តែដោយសារភ្លើងឆេះនៅជាន់លើ ទើបពួកគាត់មិនដឹង គឺភ្លើងឆេះនៅជាន់លើ ចេញពីផ្ទះបាយ ដោយមិនដឹងមូលហេតុ ប៉ុន្តែជាជំហានដំបូង ពួកគាត់សន្និដ្ឋានថាឆ្លងចរន្តអគ្គិសនី។
ក្នុងហេតុការណ៍ចុះអន្តរាគមន៍ពន្លត់អគ្គីភ័យខាងលើនេះ សមត្ថកិច្ចបានប្រើប្រាស់រថយន្តការិយាល័យបង្ការនិងពន្លត់អគ្គិភ័យ អស់ចំនួន៦គ្រឿង ដោយប្រើប្រាស់ទឹកអស់៨រថយន្ត ទើបភ្លើងរលត់ទាំងស្រុងនៅម៉ោងជាង៣ឈានចូលព្រឹកថ្ងៃដដែល ៕
ចែករំលែកព័តមាននេះ