រាជធានីភ្នំពេញ ៖ ក្រសួងធនធានទឹក និងឧតុនិយមបានបញ្ជាក់ នៅថ្ងៃទី១ មិថុនា ឆ្នាំ២០២១ថាចាប់ពីថ្ងៃទី២ ដល់៨មិថុនា តំបន់មួយចំនួននឹងមានភ្លៀងខ្យល់កន្ត្រាក់ដូច្នេះសូមប្រុងប្រយ័ត្ន ។
តាមរបស់ក្រសួងធនធានទឹកស្ដីពីស្ថានភាពធាតុអាកាស ចាប់ពីថ្ងៃទី២ – ៨ ខែមិថុនា ឆ្នាំ២០២១ បានលើកឡើងថា ក្នុងមួយសបា្តហ៍ទៅមុខនេះ កម្ពុជាទទួលនូវឥទ្ធិពលនៃខ្យល់មូសុងនិរតីក្នុងនោះ ពីថ្ងៃទី២-៤ ខែមិថុនា ខ្យល់មូសុងនិរតីមានកម្លាំងខ្សោយ ។ ពីថ្ងៃទី៥-៨ ខែមិថុនា ខ្យល់មូសុងនិរតីមានកម្លាំងពីបង្គួរទៅខ្លាំង ។ នៅយប់ថ្ងៃទី៣១ ខែឧសភា ស្ថិតនៅខាងកើតហ្វីលីពីនមានការកកើតនូវព្យុះទី៣ ឈោះ្មឆយវ៉ាន់ (Choi-wan) ដែលកំពុងធ្វើដំណើរស្របប្រទេសហ្វីលីពីន ឆ្ពោះទៅភាគឦសានដោយមិនមានឥទ្ធិពលមកលើកម្ពុជាយើងទេ ។
ក្រសួងបន្តថា ស្ថានភាពបែបនេះនឹងធ្វើឲ្យបណ្តាខេត្តនៅតំបន់វាលទំនាបកណ្ដាលមាន សីតុណ្ហភាពអប្បបរមា មានពី ២៥-២៧ °C នឹងសីតុណ្ហភាពអតិបរមា មានពី ៣៣-៣៥ °C នៅថ្ងៃទី២-៥ ខែមិថុនា នឹងអាចមានភ្លៀងធ្លាក់មិនសូវរាយប៉ាយក្នុងកម្រិតខ្សោយ – នៅថ្ងៃ៦-៨ ខែមិថុនា នឹងអាចមានភ្លៀងធ្លាក់រាយប៉ាយក្នុងកម្រិតមធ្យមទៅបង្គួរ ។ ចំណែកបណ្តាខេត្ត ជាប់ជួរភ្នំដងរែក និងខ្ពង់រាបឦសានមានសីតុណ្ហភាពអប្បបរមា មានពី ២៤-២៦ °C នឹងសីតុណ្ហភាពអតិបរមាមានពី ៣០-៣៣ °C ។ នៅថ្ងៃទី២-៤ ខែមិថុនា នឹងអាចមានភ្លៀងធ្លាក់មិនសូវរាយប៉ាយក្នុងកម្រិតខ្សោយ – នៅថ្ងៃទី៥- ៨ ខែមិថុនា នឹងអាចមានភ្លៀងធ្លាក់រាយប៉ាយក្នុងកម្រិតមធ្យមទៅបង្គួរ ។
ដោយឡែកតំបន់មាត់សមុទ្រ មានសីតុណ្ហភាពអប្បបរមា មានពី ២៤-២៦°C នឹងសីតុណ្ហភាពអតិបរមា មានពី ៣២-៣៤ °C ។ នៅថ្ងៃទី២- ៥ ខែមិថុនា នឹងមានភ្លៀងធ្លាក់ក្នុងកម្រិតខ្សោយ ។ នៅថ្ងៃទី៦- ៨ ខែមិថុនា នឹងមានភ្លៀងធ្លាក់ក្នុងកម្រិតពីបង្គួរទៅច្រើននឹងនៅលើផ្ទៃសមុទនឹងអាចមានភ្លៀងខ្យល់បក់ខ្លាំង និងរលកសមុទ្រខ្ពស់ៗ ។
ស្ថានភាពធាតុអាកាសបែបនេះ ក្រសួងសូមសាធារណជនជ្រាបជាព័ត៌មាន ពិសេស ប្រជានេសាទនិងអ្នកដំណើរសមុទ្រ ដោយបង្កើនការប្រុងប្រយ័ត្នចំពោះបាតុភូតផ្គរ រន្ទះ ខ្យល់ខ្លាំង ខ្យល់ កន្ត្រាក់ និងរលកសមុទ្រខ្ពស់ ៕
ចែករំលែកព័តមាននេះ