ចិនបើកអូឌីស៊េរីទំនើប គេចម៉ូតូ ជ្រុលបុកចូលសណ្ឋាគារមួយកន្លែងផ្អើ.លផ្លូវនរោត្តម
- ភ្នំពេញ
រាជធានីភ្នំពេញៈ ជនជាតិចិនម្នាក់ ខណៈបើករថយន្តស៊េរីទំនើបមួយគ្រឿងម៉ាកអូឌី គេចម៉ូតូមួយគ្រឿង ក៍ជ្រុលទៅបុកចូល
រាជធានីភ្នំពេញៈ ជនជាតិចិនម្នាក់ ខណៈបើករថយន្តស៊េរីទំនើបមួយគ្រឿងម៉ាកអូឌី គេចម៉ូតូមួយគ្រឿង ក៍ជ្រុលទៅបុកចូល និងអតីតសណ្ឋាគារ តាយម៉េង បណ្តាលឱ្យរងការខូចខាតយ៉ាងដំណំ ។
ហេតុការណ៍នេះបានកើតឡើងកាលពីវេលាម៉ោង១១និង២០នាទីយប់ថ្ងៃទី២៨ ខែឧសភា ឆ្នាំ២០២១ មភចំនុចអតីតសណ្ឋាគារតាយម៉េង ផ្លូវព្រះនរោត្តម សង្កាត់ទន្លេបាសាក់ ខណ្ឌចំការមន រាជធានីភ្នំពេញ ។
រថយន្តស៊េរីទំនើបមួយគ្រឿងម៉ាកអូឌី ពណ៌ស ពាក់ស្លាកលេខ ភ្នំពេញ 2AJ-1799 បើកដោយបុរសជនជាតិចិនម្នាក់ មិនស្គាល់អត្តសញ្ញាណ ។
តាមប្រភពពីបុរសជាសន្តិសុខដែលយាមនៅកន្លែងកើតហេតុបានអោយដឹងថា មុនពេលកើតហេតុ គេបានឃើញបុរសជនជាតិចិនម្នាក់ បានបើកបររថយន្តមួយគ្រឿងស៊េរីទំនើបម៉ាក អូឌី ពណ៌ស ធ្វើដំណើរតាមបណ្ដោយផ្លូវ ព្រះនរោត្តម ក្នុងទិសដៅពីជើងទៅត្បូង លុះមកដល់ចំនុចកើតហេតុ បានបត់ស្តាំចូលទៅផ្លូវបេតុងមួយដែលនៅជាប់នឹងសណ្ឋាគារនោះ តែគាប់ជួន ក៍ស្រាប់តែមានម៉ូតូមួយគ្រឿងម៉ាកស្គូពី បានជិះចេញពីផ្លូវបេតុងមកក្រៅ ទើបធ្វើឱ្យអ្នកបើកបររថយន្តបួងចង្កូតគេច ក៍ជ្រុលទៅបុក ចូលសណ្ឋាគារ បណ្តាលឲ្យបែកកញ្ចក់អស់១ប្រលោះ និងបុកផើងផ្កាសំរាប់តាំងលំអ រងការខូចខាត ព្រមទាំងធ្វើអោយរថយន្ត ខ្ទេចផែ្នកខាងមុខតែម្តង ហើយក្នុងហេតុការណ៍នេះមិនបង្កឲ្យមានគ្រោះថ្នាក់ដល់មនុស្សណាម្នាក់នោះទេ ។
ក្រោយពេលកើតហេតុ ឃើញមានកម្លាំងសមត្ថកិច្ច ចរាចរណ៍ខណ្ឌចំការមន បានចុះទៅដល់កន្លែងកើតហេតុ និងបានអោយ ភាគីរថយន្ដធ្វើការសម្របសម្រួលគ្នាជាមួយនឹងខាងសណ្ឋាគារ ដោយខាងរថយន្តស៊េរីទំណើបសុខចិត្តជួយចេញថ្លៃខូចខាត ទៅឱ្យខាងសណ្ឋាគារដើម្បីបញ្ចប់រឿងតែម្តង ៕
ចែករំលែកព័តមាននេះ