មានមនុស្សជាច្រើននាពេលបច្ចុប្បន្ន កំពុងមានបញ្ហាប្រឈមនឹងផ្នែកហិរញ្ញវត្ថុរបស់ពួកគេដោយសារ វិបត្តិនៃជំងឺរាតត្បាតកូវីដ ១៩ កុំថាឡើយប្រទេសកម្ពុជា សូម្បីតែប្រទេសអ្នកមានៗលើសាកលលោកក៏ជួបវិបត្តិនេះដែរ គ្រាន់តែគេនៅមានថវិកាខ្លះៗសម្រាប់ទបទល់ ប៉ុន្តែបើងាកមកមើលប្រទេសដែលកំពុងអភិវឌ្ឍវិញ (និយាយមិនចេញ) ។ យោងតាមអ្នកជំនាញបានឱ្យដឹងថា វ័យ ២៣ ឆ្នាំ ចុះ មិនមានភាពប្រឈមជាងមនុស្សដែលមានវ័យ ២៥ ឆ្នាំឡើងទៅ បើទោះជាមានក៏មានតិចជាមនុស្សវ័យ ២៥ ឆ្នាំឡើងទៅដែរ ហើយមនុស្សដែលមានបញ្ហាប្រឈមខ្លាំង គឺមនុស្សដែលមានគ្រួសារកូនចៅនេះឯង ហើយប្រសិនជាមិនមានការធ្វើហើយ មានកូន ជាប់បង់រំលស់ផ្ទះទៀត (ចប់បាត់) ។
ក្រឡេកមើលប្រជាជននៅសហរដ្ឋអាមេរិកវិញ មនុស្សដែលមានអាយុពី ២៤ ទៅ ៣៩ ឆ្នាំ (មានគ្រួសារ) ប្រហែលមួយភាគបី បានឱ្យដឹងថា ស្ថានភាពហិរញ្ញវត្ថុរបស់ពួកគេកាន់តែអាក្រក់ទៅៗ ក្នុងរយៈពេលប្រាំមួយខែនេះ ។ លោក Schneider និយាយថា ៖ «ពេលនេះមិនមែនជាពេលបន្ទោសខ្លួនឯង ឬនរណាម្នាក់នោះទេ ប៉ុន្តែជាពេលត្រូវដោះស្រាយបញ្ហា និងទទួលស្គាល់ការពិត ហើយកែរតម្រូវវាឡើងវិញ ។ អ្នកត្រូវទទួលស្គាល់ថា ខ្លួនឯងមិនមានផែនការហិរញ្ញវត្ថុ មិនមានការគិតគូរឱ្យបានវែងឆ្ងាយ ដូចនេះអ្នកគួរចាប់ផ្តើម និងរៀបផែនការហិរញ្ញវត្ថុរបស់អ្នកសារជាថ្មី ប្រសិនជាអ្នកអាចឆ្លងកាត់គ្រាដ៏លំបាកនេះបាន» ។ លោកបានបន្តថា សូមក្រឡេកទៅមើលអ្វី ដែលអ្នកអាចធ្វើបាន ដើម្បីរៀបចំខ្លួនអ្នកសារជាថ្មី និងទទួលយកការប្រឈមមុខនឹងស្ថានភាពហិរញ្ញវត្ថុរបស់អ្នក ដោយសារជំងឺរាតត្បាតកូវីដ ១៩ ។
រិះរកគ្រប់មធ្យោបាយ ដើម្បីបានប្រាក់ចំណូលមកវិញ ៖
ជនជាតិអាមេរិករាប់សិបលាននាក់ ត្រូវបានគេបញ្ឈប់ពីការងារ និងកាត់បន្ថយប្រាក់ខែជាដើម នៅទូទាំងប្រទេស ។ ហើយប្រសិនជាវានៅតែបន្ត ឬអូសបន្លាយពេលកាន់តែយូរ នោះអាជីវកម្មនៅទូទាំងពិភពលោក ក៏បន្តប្រឈមមុខនឹងកង្វះតម្រូវការផលិតផល និងសេវាកម្មទាបជាងមុនផងដែរ ។ ប្រសិន បើលោកអ្នកនៅក្នុងចំណោមមនុស្សគ្មានការងារធ្វើ អ្នកត្រូវធ្វើយ៉ាងណាទទួលបានព័ត៌មានច្រើនតាមតែអាចធ្វើទៅបាន នោះវាអាចជួយអ្នកឱ្យមានគំនិតថ្មី និងមិនធ្វើឱ្យអ្នកបាក់ទឹកចិត្តនោះទេ ។
លោក Schneiderនិយាយថា ៖ «នៅពេលអ្នកគ្មានការងារធ្វើ ដូចនេះត្រូវចេះធ្វើអ្វីមួយផ្សេងទៀតដើម្បីរកលុយបានខ្លះ មានការងារមួយចំនួនដែលអ្នកគួរធ្វើ ដូចជាការថតរូប ឬថតវីដេអូ បង្រៀនធ្វើម្ហូប ឬការងារសរសេរអត្ថបទក្រៅម៉ោង ឬការបង្រៀនភាសាបរទេសផ្សេងៗដែលអ្នកអាចធ្វើបាន អ្វីដែលសំខាន់អ្នកត្រូវពូកែបច្ចេកវិទ្យា ។ អ្នកត្រូវសួរខ្លួនឯងថា តើអ្នកអាចទទួលបានប្រាក់ខែ ឬប្រាក់ក្រៅម៉ោងសម្រាប់ការប្រើប្រាស់ជំនាញទាំងនោះដែរឬទេ ? លោក Schneider បន្តថា ៖ «បច្ចុប្បន្ន ពិភពនិម្មិតត្រូវបានបង្កើត ហើយមានឱកាសកាន់តែច្រើនផងដែរ ក្នុងការបង្កើនជំនាញនានា ដែលអ្នកធ្លាប់គិតថាជាចំណង់ចំណូលចិត្តរបស់អ្នកដូចជាចូលចិត្តថតវីដេអូផ្សេងៗតាមរបៀបថ្មីៗ គឺអាចជួយរកប្រាក់ចំណេញឱ្យអ្នកបានខ្លះ» ។ ក្នុងកំឡុុងពេលនេះប្រសិនជាមានការងារធ្វើ គួរធ្វើសិនទៅ ការងារដែលអ្នកមិនធ្លាប់ធ្វើពីមុនអាចលំបាកបន្តិចនៅពេលចាប់ផ្តើម ប៉ុន្តែវាពិតជាគ្មានជម្រើសនោះទេ ជាធម្មតាអ្វីៗដែលទើបចាប់ផ្តើមគឺជាការលំបាក ប៉ុន្តែយូរៗអ្នកអាចធ្វើបាន ។
វិធីស្វែងរកគោលដៅហិរញ្ញវត្ថុ ប្រសិនជាអ្នកមិនទទួលរងផលប៉ះពាល់ខ្លាំង ៖
សម្រាប់អ្នកមិនមានបញ្ហាទទួលរងការខាតបង់ខ្លាំងនៃហិរញ្ញវត្ថុ រហូតមកដល់ពេលបច្ចុប្បន្ននេះ ហើយអ្នកជាមានអារម្មណ៍មិនច្បាស់អំពីវិធីរៀបចំផែនការហិរញ្ញវត្ថុ អ្នកគួរចាប់ផ្តើមរៀបភ្លាមទៅប្រសិនបើអ្នកមិនចង់មានបញ្ហានៅថ្ងៃអនាគត ព្រោះយើងមិនដឹងថាកូវីដ១៩ នៅបន្តដល់ពេលណានោះទេ អ្នកត្រូវសន្សំប្រាក់តាមលទ្ធភាពរបស់ ហើយសន្សំបានកាន់តែច្រើនគឺកាន់តែល្អ ។ ប្រើពេលវេលានេះដើម្បីបោះជំហានទៅមុខ និងគណនាគោលដៅហិរញ្ញវត្ថុរបស់អ្នកឡើងវិញ (ទាំងរយៈពេលខ្លី និងរយៈពេលវែង) និងស្វែងយល់ពីការផ្លាស់ប្តូរណាដែលអ្នកត្រូវធ្វើ ។ ឧទាហរណ៍ថា អ្នកត្រូវអាពាហ៍ ពិពាហ៍ ប៉ុន្តែក្នុងតំណាក់កាលនេះអ្នកគួរគិតពិចារណា ថាគួរតែពន្យាពេល ឬអត់ ? អ្នកមានការកំណត់ដំណើរកម្សាន្ត តើពេលបច្ចុប្បន្នអ្នកគួរតែចាំបាច់ត្រូវចំណាយលើវាដែរឬទេ ? ចុះប្រសិនបើអ្នកចង់ទិញផ្ទះឥឡូវ តើអ្នកគួរទិញពេលនេះមែនទេ ? តើអ្នកគួរទិញនិងធ្វើកិច្ចការទាំងនោះ (ដូចបានរៀបរាប់ខាងលើ) មុន ឬក៏ត្រូវពន្យាពេលសិន ហើយទុកប្រាក់ទាំងនោះដើម្បីសន្សំសិន ហើយរង់ចាំស្ថានភាពប្រែប្រួលមកដូចដើមទើបបន្តក្តីស្រមៃវិញ ។ ទាំងនេះវាសុទ្ធសឹងតែជាការសម្រេចចិត្តរបស់អ្នក ហើយប្រសិនបើអ្នក មានភាពមិនច្បាស់លាស់ អ្នកអាចប្រើវិធីនេះ ដោយធ្វើតាមការគូសដើមឈើមួយដើម និងមែកធាងរបស់វា ហើយយកគុណសម្បត្តិ និងគុណវិបត្តិ គំនិតផ្សេងៗទៀត ដែលទាក់ទងនឹងថ្លៃដើម ប្រសិនបើអ្នកសម្រេចចិត្តចង់ប្រើប្រាស់ប្រាក់សន្សំ យកគំនិតទាំងអស់នោះមកថ្លឹងថ្លែងនិងគូសនៅលើមែកធាងនៃដើមឈើនោះ ។
លោក Schneider មានប្រសាសន៍ថា ៖ «វាជាយុទ្ធសាស្ត្រមួយដែលជួយអ្នកឱ្យមានផែនការនិងការរៀបចំផែនការដ៏ល្អមួយ ក្នុងការរៀបចំផែនការគោលដៅរយៈពេលខ្លី និងរយៈពេលវែងរបស់អ្នក និងកំណត់នៃជំហាននីមួយៗ ដើម្បីសម្រេចបានគោលដៅនោះ ។ វាអាចប្រើប្រាស់បាន ប្រសិនបើអ្នកនឹងត្រូវមានការបង់ថ្លៃសាលារៀន ឬបង់ថ្លៃការថែទាំងរបស់កូនៗអ្នក ជាពិសេសថវិកាគ្រួសារ និងអាជីពផ្ទាល់ខ្លួនរបស់អ្នក គឺក្នុងពេលតែមួយតែម្តង ៕ ប្រភព ៖ Make it
ចែករំលែកព័តមាននេះ