អ៊ីតាលី ៖ ឃើញគេធ្វើរឿងឲ្យពិបាកៗ បុរសម្នាក់ បានបង្ហោះវីដេអូTikTok ដែលស្ទើរតែគ្រប់ឃ្លីបរបស់គាត់ សុទ្ធតែបង្ហាញថា ជីវិតរបស់មនុស្ស មិនចាំបាច់ត្រូវតែស្មុគស្មាញទេ ធ្វើអោយលោកក្លាយជាតារាល្បីនៅលើបណ្តាញសង្គមកម្សាន្តមួយនេះនៅក្នុងប្រទេសអ៊ីតាលី…
អ៊ីតាលី ៖ ឃើញគេធ្វើរឿងឲ្យពិបាកៗ បុរសម្នាក់ បានបង្ហោះវីដេអូTikTok ដែលស្ទើរតែគ្រប់ឃ្លីបរបស់គាត់ សុទ្ធតែបង្ហាញថា ជីវិតរបស់មនុស្ស មិនចាំបាច់ត្រូវតែស្មុគស្មាញទេ ធ្វើអោយលោកក្លាយជាតារាល្បីនៅលើបណ្តាញសង្គមកម្សាន្តមួយនេះនៅក្នុងប្រទេសអ៊ីតាលី ដែលមានអ្នកទស្សនាច្រើន និងមានអ្នកគាំទ្រចំនួន ៥៩លាននាក់ ។
លោក Khaby Lame វ័យ ២១ឆ្នាំ មានដើមកំណើតជាជនជាតិសេណេហ្គាល់ តែឥឡូវនេះ លោករស់នៅឈីវាសសូ ជិតទីក្រុងទូរីន ក្នុងប្រទេសអ៊ីតាលី ដោយលោកទទួលបានជោគជ័យ លើប្រព័ន្ធផ្សព្វផ្សាយសង្គម TikTok ត្រឹមតែជាង១ឆ្នាំប៉ុណ្ណោះ ។
ឈុតឃ្លីបវីដេអូរបស់លោក ដែលត្រូវបានគេមើលច្រើនជាងគេបំផុត គឺធ្វើត្រាប់ តាមបុរសម្នាក់ដែលកាត់អាវខ្លួនឯងចេញពីទ្វារឡាន ដែលរហូតមកដល់ពេលនេះ មានអ្នកចូលមើលលើសពីចំនួន ១៩៤លានដង ។ លោក Khaby Lame ដែលជាប់អាវខ្លួនឯងស្ថិតក្នុងស្ថានភាពដូចគ្នាក្នុងទ្វារឡាន ប៉ុន្តែជំនួសឲ្យកន្ត្រៃ គឺគាត់គ្រាន់តែបើកទ្វាររថយន្ត ដើម្បីដោះលែងខ្លួនគាត់ចេញយ៉ាងងាយស្រួល ជាមួយនឹងកាយវិការ និងទឹកមុខរបស់គាត់ លក្ខណៈកំប្លែងបែបស្ងួត ៕
ចែករំលែកព័តមាននេះ